Revelesin 3:12 - U Bulunagana U Niga

¹² A katuun te tagala saluhena, alia e kato here nagou ien a tuul pan iahana Luman Lotu Pan tere Sunahan. Nonei ema antunan laba nanou ii a makum a niga teka. Na lia e koloto nagoua i tanen a solo tere Sunahan na solona taun tere Sunahan, a Jerusalem a tsimus te koul nama romana i Kolö tere Sunahan. Na lia e koloto has nagia romana a solo a tsimus i tar i tanen.

Revelesin 3:12 Referans Kwoze

Revelesin 22:4

Nori e tare riou a matanen, na solonen e ka noua i poleren.

Revelesin 21:2

Ba lia e taregu a Taun a Göagono, a Jerusalem a tsimus, bate koul nama i Kolö te kana e Sunahan. Nonei e tara haniga here ii a tahol te hitöl mena a tson i tanen bate haseiena a man hasobö a man niga.

Revelesin 14:1

Ba lia e taregu nonei a Tunan Sipsip bate tuoluna ieluna u pokus i Saion. Na u 144,000 tara katuun i ka gono meien. Nori i titi hakapa naia a man solo i poleren, a solona Tunan Sipsip na solo has tere Tamanen.

Galesia 2:9

Na ere Jemis mere Pita ne Jon a pal kapan turu Kristen, nori i tara sabe te hala menai lia e Sunahan a toukui teka, ba nori e haniga rariou lam mere Banabas. Na lam u haniga hobotein tego hatei noahas menai lam u Bulungana u Niga turu katuun te halhal ria turu Jiu, na tegi hatei noahas menaien u Bulungana u Niga turu Jiu.

Revelesin 2:17

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “A katuun te tagala saluhena, alia e hale goien a palaina a kannou te ngöeri u Mana ti hamousi. Na lia e hala hase goien a hatu a hiaka ti koloto naia a solo a tsimus i tanen. Nonei puku lahas a töa te atei sile nou a solo teka.”

Hibru 12:22

Kaba limiou uma la uamei tara han te markato uana teka. E möa. Alimiou u la uamuma turu Pokus i Saion, te ngöeri a han tere Sunahan te töatöana, na te ngö haseri a Jerusalem a Tsimus te kana i Kolö. Alimiou u la uamuma turu angelo u parpara koru te ka hobotor bate sasaala nitöar.

1 Jon 4:4

A man hahikapien i tar, alimiou a galapien tere Sunahan na limiou e tagala bala ramiou u propet u gamogamo teka. Taraha, u Namnamei te kana i tamilimiou e pan bala nena u liliahanei te karia turu katunura i puta tema katuun uari tere Sunahan.

Revelesin 2:7

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “Na tara katuun te tagala saluhena, alia e haniga negou tego na nouaien turu rueina tara nitöatöa, te kana iahana kui tere Sunahan.”

Revelesin 17:14

Nori e hiatatung gono meriou a Tunan Sipsip, kaba nonei e tusaluhe ranouen. Taraha? Nonei a Tsunono te tusaluhena turu tsunono hoboto na nonei a katuun a kapan tara pal kapan hoboto, na pala i tanen nori u katuun te ngöri e Sunahan me hopö kap ranen ba nori e kukutie ren.”

Hibru 13:14

Taraha, ara ema ka meri ta han i puta teka tega ka nitöa romana. E möa. Ara e hahalosera a han tena la nama romana, teka nitöa nou.

Revelesin 2:11

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “A hahuoluna a tou mate ema antunan kato homie noi a katuun te tagala saluhena.”

Revelesin 3:5

Te tagala saluhe moalö, alö ena hasei hase mou u hasobö u hiaka temar hasei uaren. Alia ema antunan busa ba nagoi a solomölö turu bukuna tara nitöatöa. Alia ena hatei nagou a solomölö tere Tamar na u angelo u göagono i tanen.

U Bulungana u Niga tere Iesu Kristo te kolotein e Mak 12:16

Ba nori e hale rien a töa moni ba nonei e rangata ranen me poeiena, “U baku teresi na solo teresi teka?” Ba nori e ranga palise ren, “E Sisa.”