Revelesin 19:5 - U Bulunagana U Niga

⁵ Ba u töa u raranga e butu nama turu gumgum u göagono be poeiena: “Alimiou hoboto u katunun kui tere Sunahan, u katuun papala na u katuun pan has te matoute miou e Sunahan, alimiou go soloseie men!”

Revelesin 19:5 Referans Kwoze

Revelesin 7:15

Tara markato teka te tuol sila rien i matana u gumgum u göagono tere Sunahan, nori e soloseieren tara mamana pöata, tara lan na bong, iahana Luman Lotu Pan i tanen. Ba nonei te ka gono meranen bate tara kap ranen.

Revelesin 20:12

Na lia u tara hasi u mate ti tuol ia i matana u gumgum u göagono, na u katuun papala na u katuun pan has. Ba man buku e palateier. Na u tana u buku i palata hasi, u bukuna tara nitöatöa. Ba u mate e kout merari a manka ti koloto naia tara man buku, a manka ti katoe men i puta.

Revelesin 16:17

Ba hatohitina a angelo e kis nena a kap i tanen iasa. Ba u töa u raranga pan e butu nama turu gumgum u göagono iahana Luman Lotu Pan me poeiena, “E kapa tala!”

Revelesin 13:16

Ba hahuoluna a ka a töatöa e rangan hamalna turu katuun papala na u katuun pan has, na turu katunun moni na u katuun has ti möa ta moni, na turu katunun kukui puku na palair u katuun hoboto has. Ba u raranga teka e poeiena nori hoboto egi hatitiin a töa a mar hatöatongo tara pal matou i limaren tsi i poleren.

Revelesin 19:18

Mi nou mia turu benö tara pal kapan na u soldia na u tsunono i taren, na turu benö turu hos na u katuun ti osaia i taren, na turu benö turu katuun hoboto, u katuun papala na u katuun pan, u katunun kukui puku na palair u katuun hoboto!”