Revelesin 14:15 - U Bulunagana U Niga

¹⁵ Ba tana angelo e lakasa nama tara Luman Lotu Pan be ranga hapan uana tara katuun te gum ia turu köasi me poeiena, “Alö go kui me u kilata i tamölö bate ngatsem a kannou a tangoho. A pöatan hagala tara kannou e butu hakapa tara han i puta!”

Revelesin 14:15 Referans Kwoze

U Bulungana u Niga tere Iesu Kristo te kolotein e Mak 4:29

Kaba a pöata te tangoho hakapana a hua turu wit ba katuun te kete mena u kilata u köela batena kotsena a hua turu wit, taraha a pöata tega tangohomei u wit e butu hakapa.”

Matiu 13:39

Na katuun a omi te tsihasein u pulung tara kui, nonei e Satan. Na pöata te gone ria a kannou a tangoho e here nei a kapakapana pöata turu han i puta. Na u katuun te goner a kannou a tangoho tara kui, nori u angelo.

Revelesin 14:18

Ba tana angelo lel te tara kapiin u tula e butu nama tara makumun haats. Ba nonei e ranga hapan uana tara angelo te ka mei u kilata u nou koru me poeiena, “Alö go kuin u kilata i tamölö bate ngats sekilem u grep tara kuin grep i puta. U grep e tangoho hakapa!”

Matiu 13:30

Hakeiam u wit na u pulung u omi egi pan hoboto antunana tena tangoho noa u wit. Ba lia te ranga meragou u katuun tena gone riou a kannou a tangoho, pate mam meiam u pulung u omi bate kits ramen batena lapo ramen turu tula. Ba limiou te töan gone miou u wit batena haka ramen tara luman haputu kannou i tar.’”

Revelesin 16:17

Ba hatohitina a angelo e kis nena a kap i tanen iasa. Ba u töa u raranga pan e butu nama turu gumgum u göagono iahana Luman Lotu Pan me poeiena, “E kapa tala!”

Matiu 23:32

Na limiou e markato has uamiou ti markato uaien, bate hahonoto tale miou a man markato a man omi i taren.

Revelesin 15:6

Ba tohit a angelona tara tohit a niomi e lakasa rima tara Luman Lotu Pan. U hasobö i taren e hiaka na e gogoso nitöa. Na man sasaaherö a man goul e hahisi a man lumlumaren.

Revelesin 14:14

Ba lia e taregu u köasi u hiaka, na ka te tara here ii nonei te butun Katunuma e gum ia turu köasi. Nonei e ka mei u hatan tsunono u goul i bakunen na u kilata u nou koru i limanen.

Revelesin 6:10

Ba nori e ku hapanir me poeier, “O Tsunono, alö te pan korum tara mamanaka, na lö a göagono na lö hamana. I hangisa balö te hakapem a niomi turu katuun i puta bate katoeiem a hipou i taren ti atung hamate meraien lam?”

1 Tesalonaika 2:16

Taraha, nori e hapiou rariou lam tegoma hatei menai lam u raranga tere Sunahan turu katuun halhal turu Jiu na tegoma lu pouts meraien e Sunahan. Nori u Jiu e kato homi nitöar, ti roron kato uaien. Kaba e Sunahan e hahuna tala ranouen romana.

Revelesin 13:12

A ka teka e kui mei a nitsunono pan te lue ien tara ka tutuun a töatöa. Nonei e katoe u raranga u mal koru te pei u katuun hoboto i puta egi hatsunoni a ka tutuun a töatöa, a ngats pan i tanen te maho pouts.

Revelesin 11:19

Ba pöata ti ranga hakapa ien, ba Luman Lotu Pan tere Sunahan i Kolö e kalater, ba lia e taregu a bokis te ka mei u rangan kits. Ba u gururu na u kanaha na nun e butu nama na man palaina manka te olongo hasima, ba aisina tara langits a tiama e rus uana i puta.

Revelesin 14:16

Ba katuun te gum ia turu köasi e kilata uana i puta be luena a kannou hoboto a tangoho.

Revelesin 14:17

Ba tana angelo e lakasa nama tara Luman Lotu Pan i Kolö, nonei e ka has mei u kilata u nou koru.