Revelesin 14:14 - U Bulunagana U Niga

¹⁴ Ba lia e taregu u köasi u hiaka, na ka te tara here ii nonei te butun Katunuma e gum ia turu köasi. Nonei e ka mei u hatan tsunono u goul i bakunen na u kilata u nou koru i limanen.

Revelesin 14:14 Referans Kwoze

Revelesin 1:13

Na i gusuren alia u tari a töa ka e here ii, nonei te butun Katunuma. Nonei e kamei u hasobö u ngahangaha i tanen e noaia i pitpitana mounen, na a lete a goul e hahisi a lumlumanen.

Hibru 2:9

Kaba ara e tarera e Iesu i hale ii a solo pan, taraha nonei e lui a kamits pan me matena. E Sunahan e taatagi koru raioura me gamon haka pute na e Iesu turu angelo tego mate sil meraien u katuun hoboto.

U Bulungana u Niga tere Iesu Kristo te kolotein e Luk 21:27

Ba nori te tarer romana alia tu butun Katunuma e la sila guma romana turu köasi i kolö na nitagala na u ualesala pan.

Matiu 17:5

Tara pöata te ranga noaien, bu köasi u alesala koru emi hoho ranen ba u töa u raranga e butu nama turu köasi me poeiena, “Nonei a Pien Tson a tsomi koru i tar teka. Alia e haniga korue gen. Alimiou ego hengoe men!”

Revelesin 6:2

Ba lia e taregu a hos a hiaka. Na ka te osaia i tanen e ka mei a husul, na nori i haleien u mar hata tara tsunono. Ba nonei e lana me na tagala saluhe ba rena u tsunono u tagala.

Revelesin 1:7

Taraiam! Nonei e la gono me nama u köasi. U katuun hoboto e tare rouen, na u katuun has ti sakeien u saka. A man hun katuun hobotora i puta e hakats narouen bate tonur. Aa, u mana.

Revelesin 20:11

Na lia u tari u gumgum u hiaka u göagono te gum ia e Sunahan. U kolö na u puta e hatalis ban a matanen, me möa lenina ta makum i taren.

Revelesin 19:12

A matanen e here ii u tula te hiatungna, na nonei e ka mei u hatan tsunono u parpara i bakunen. A töa solo i koloto naia i tanen na e möa ta katuun tega atei sileien. Nonei puku has a töa te atei sile nen.

Revelesin 11:17

Ba nori e poeier: “O Tsunono, alö e Sunahan te Tagala Korum. Alö e kam, na lö u ka mam noahas. Alam e haniga mem tu haröto menai lö a nitagala a kapan i tamölö na e tsunono mia tara han i puta.

Revelesin 10:1

Ba lia e taregu a tana angelo a tagala e koulma i Kolö. U köasi e kopo kap naien na bötou e hahisi a bakunen. Na matanen e here ii a pitala, na mounen e here ii u tula.

U Bulungana u Niga tere Iesu Kristo te kolotein e Mak 4:29

Kaba a pöata te tangoho hakapana a hua turu wit ba katuun te kete mena u kilata u köela batena kotsena a hua turu wit, taraha a pöata tega tangohomei u wit e butu hakapa.”

Matiu 13:30

Hakeiam u wit na u pulung u omi egi pan hoboto antunana tena tangoho noa u wit. Ba lia te ranga meragou u katuun tena gone riou a kannou a tangoho, pate mam meiam u pulung u omi bate kits ramen batena lapo ramen turu tula. Ba limiou te töan gone miou u wit batena haka ramen tara luman haputu kannou i tar.’”