Revelesin 11:15 - U Bulunagana U Niga

¹⁵ Ba hatohitina angelo e pihena a tuhil i tanen. Ba u raranga u panina i Kolö e poeiena: “A Tsunono i tarara na e Mesaia i tanen e tsunono hamanasa ner u han hoboto i puta, ba nonei te tsunono nitöa nou tara mamana pöata!”

Revelesin 11:15 Referans Kwoze

Revelesin 12:10

Ba lia e hengoegu u töa u raranga panina i Kolö te pei: “E Sunahan e sakahis hamanasa rena u katuun i tanen na e haröto has nena a nitagala i tanen. Nonei a Tsunono Pan. Na e Mesaia has i tanen e haröto nena a nitsunono i tanen. Taraha? Nori i lapo ba hakapa nama a katuun a omi i Kolö te roron hahatein u hahatoulana i tarara i matana e Sunahan tara mamana pöata.

Revelesin 10:7

Kaba tara pöata te pihe noa a hatohitina a angelo a tuhil i tanen, be Sunahan te habutu hamane nou a ka te mous, a ka te hatei mam raien u katunun kui i tanen u propet tega katoeien.”

Revelesin 19:1

I murina a ka teka alia u hengoei a ka te ling here ii u raranga tara hun katuun pan i Kolö bate kur me poeier: “Aragi solosei e Sunahan! Nonei e lu pouts raioura, na nonei e ka mena a solo na nitagala pan!

U Bulungana u Niga tere Iesu Kristo te kolotein e Luk 1:33

Ba nonei te tsunono ranou a pala tere Jekop tara mamana pöata i murimuri. Na nipepeito i tanen ema tatei kapa noi romana.”

Revelesin 16:17

Ba hatohitina a angelo e kis nena a kap i tanen iasa. Ba u töa u raranga pan e butu nama turu gumgum u göagono iahana Luman Lotu Pan me poeiena, “E kapa tala!”

Hibru 1:8

Na u Buku u Göagono e mar ranga menai a Pien Tson tere Sunahan teka: “O Sunahan, a solon king i tamölö e ka nitöana romana. Alö e tsunono hamatskö rem u katuun tara nipepeito i tamölö.

Revelesin 19:6

Ba lia e hengoegu a ka te ling here ii u ranga tara hun katuun pan. E olongo here ii u tasi na e tsipöho here hasi u gururu. Ba nori e poeier: “Soloseiem e Sunahan a Tsunono i tarara te tagala saluhena, na te tsunono panina.

Revelesin 15:4

O Tsunono, u katuun hoboto e matoute rioulö bate soloseie riou lö. Alö a töa te göagonom na te niga nitöam. U han hoboto emi hatsunono roua i tamölö, taraha a markato a matskö i tamölö i haröto hakapein.”

U Bulungana u Niga tere Iesu Kristo te kolotein e Luk 15:10

Be Iesu e poeiena, “Na lia e ranga mera goulimiou, e markato has uana iesana, u angelo tere Sunahan e sasaala koru has meriou a töa katuun a omi te palis banena a man markato a man omi i tanen.”

Revelesin 20:4

Ba lia e taregu a man gumgum a man göagono na u katuun ti gum ia i taren. I hala rai a nitagala tegi ona meraien u katuun. Ba lia e tara hasegu a namnameir u katuun ti ngats pagoteir. U katuun teka i roron habulunganein u raranga hamana te rangein e Iesu na u raranga tere Sunahan, na nori ima hatsunone ii a ka a omi a töatöa na u kesa i tanen. Nori ima hatiti hasna ii a hatöatongo tara ka a omi a töatöa i poleren na i limaren. Ba nori e töatöa poutsur me tsunono gono meier e Kristo e antunaia turu 1,000 u hiningal.

Revelesin 17:14

Nori e hiatatung gono meriou a Tunan Sipsip, kaba nonei e tusaluhe ranouen. Taraha? Nonei a Tsunono te tusaluhena turu tsunono hoboto na nonei a katuun a kapan tara pal kapan hoboto, na pala i tanen nori u katuun te ngöri e Sunahan me hopö kap ranen ba nori e kukutie ren.”

Revelesin 9:13

Ba hatönomona angelo e pihena a tuhil i tanen. Ba lia e hengoegu u raranga te lama tara man ki tara makumun haats te ka mei a goul te kaia i matana e Sunahan.

Revelesin 9:1

Ba hatolimana angelo e pihena a tuhil i tanen. Ba lia e taregu a töa pitopito te rusuma i kolö me rus uanama i puta. A pitopito i hale ii a kii tara tamanana tara kiou te möa ta nönöanen.

Revelesin 8:12

Ba hatohatsina angelo e pihena a tuhil i tanen. Ba hatopisana pala tara pitala na tara tsihou na turu pitopito e kato hakuhil raier, ba u ualesala i taren e momona. Ba hatopisana pala tara lan ema alesala nei, ne möa has tu ualesala tara hatopisana pala tara bong.

Matiu 6:13

Alö goma hala merai lam tara tou hiamus, kaba lö go luba nema a man niomi i tamulam. U mana.’

U Bulungana u Niga tere Iesu Kristo te kolotein e Luk 15:6

Ba nonei te söata pouts mena neien i han batena ngö gögono rena u hahikapien i tanen na u katuun te sukusukur bate poeiena i taren, ‘Sasaala gono memoulia. Taraha? Alia u sabe poutsi a sipsip i tar te taia!’”

Matiu 24:31

Ba lia te pihegu a tuhil bate ling hapanina, ba u angelo i tar te la uar turu han hoboto i puta, ba nori te gono rarima u katuun te hopö kapir e Sunahan.”

Aposol 4:26

U tsunono pan turu han i puta i tuol me hanei siler a hiatatung. Aa, u katuun u kapan i gono hoboto sil tegi hiatatung gono menaien a Tsunono e Mesaia.’ “U Namnamei u Göagono temar ranga uu teka.