Pilipai 4:6 - U Bulunagana U Niga

⁶ Alimiou goma hakats hapara nami ta töa ta ka. Kaba limiou go singo siliam a mamanaka, bate rangatemi e Sunahan a manka te makmakumuna i tamilimiou, ba limiou te haniga nitöa uamiou i tanen.

Pilipai 4:6 Referans Kwoze

1 Pita 5:7

Haka menami a nitaatagi hoboto i tamilimiou i tanen, taraha nonei te tarakap ranou limiou.

Matiu 6:8

Alö goma here raien, taraha e Tamamölö e Sunahan e solon atei sil hakapa noa haselala aha te ngilin rangate mien lö.

Kolosi 4:2

Alimiou go pile hakarapoto naiam a markato turu singo i tamilimiou bu hakhakats i tamilimiou tema tatei tianei, ba limiou te haniga uamiou tere Sunahan.

Epesis 6:18

Alimiou go singo nitöa mia tara nitagala turu Namnamei tara mamana pöata te singo mia limiou tere Sunahan, ba limiou te katoemiou u mamana u mar singo. Na katuun te singona egoma tatei hanöa bana ii te singo uanen, ba nonei te singo sil has raiena u katuun hoboto tere Sunahan.

Kolosi 3:17

Na tara mamanaka hoboto te katoe milimiou na te ranga namilimiou, kato mena mi tara solo tere Iesu a Tsunono ba limiou te haniga sila mia i tanen tere Sunahan e Tamarara.

U Bulungana u Niga tere Iesu Kristo te kolotein e Luk 18:1

Be Iesu e hatei ranei u katunun tsitsilo u haharuei teka, u hihatutsuna tegi singo nitöa uaien tere Sunahan batema sökanari.

U Bulungana u Niga tere Iesu Kristo te kolotein e Luk 12:22

Be Iesu e poeiena turu katunun tsitsilo, “Nonei lasi te hatei ragi lia alimiou: ma hakats hapara silemi a nitöatöa nu tuenrei na i puta, na ha te noue mou limiou na ha te hasoge mou limiou.

Kolosi 3:15

Na a masalohana tere Kristo ega mammam nitöani a nitöatöa i tamilimiou. E Sunahan e ngö gögono hoboto raiou limiou tego kato menai limiou a töa a katuun bate hiakaka haniga hoboto miou. Ba limiou te haniga nitöa uamiou i tanen.

Epesis 5:20

Alimiou go haniga nitöa mia tere Sunahan e Tamarara, tara mamanaka na tara mamana pöata, ba limiou te katoe mien tara solona e Iesu Kristo a Tsunono i tarara.

U Bulungana u Niga tere Iesu Kristo te kolotein e Luk 10:41

Ba Tsunono e ranga palise nen, “O Marta, Marta! Alö e toku korum na e hakats hatagala nem a mamanaka.

U Bulungana u Niga tere Iesu Kristo te kolotein e Luk 18:7

Ga e Sunahan ema taguhu ranoui romana u katuun hamatskö i tanen te singo nitöa uaier i tanen tara lan na bong? Nonei e taguhu boroboro koru ranouen batema antunan hahaloso nei.

Matiu 10:19

Na pöata te kout rarouen limiou, e möa tu hakats haparpara balö te poeiem, ‘Ime tala temar ranga uagou lia? Na, aha tala te pei gou lia?’ Nonei koru has tara tsi pöata teka alimiou e hala raroui a ka tego ranga naiam limiou.

U Bulungana u Niga tere Iesu Kristo te kolotein e Luk 12:29

Na limiou goma hakats hapara silemi a ka tego noueiam limiou na tego ueiam limiou.

2 Korin 1:11

E Sunahan e taguhu ranoulam te singo sil mera milimiou alam. Ba u katuun te haniga uariou i tanen taraha, nonei e hengoena a man singosingo i tamilimiou tara nitataala a niga i tamulam.

1 Korin 7:32

Alia e ngilegu alö goma hakats hapara nai a mamanakana i puta. A tson tema hitöl nei e hakats koru nena a toukui tara Tsunono, taraha nonei e ngilin hasasaalena a Tsunono.

1 Pita 4:7

A nikapakapa tara mamanaka e susuku hakapa. Nonei tego hakats halesala haniga beiam limiou bate hakats haniga mia i peisamiou ba limiou te tatei singo uamiou tere Sunahan.

Matiu 13:22

“Na man ngal ti tsihasa naia tara kolits a hihitoka e here nei u katuun te hengoer u raranga, kaba nori e ka mer u hakhakats pan tara nitöatöana i puta, bate ngileier tegi lu menai ta moni ta parpara. Na manka teka e here nei e pil kakap nena u raranga tere Sunahan batema habute nei ta markato ta niga turu katuun teka.

1 Korin 7:21

Hena, ti katunun kukui puku ia lö tara pöata te ngöeia lö e Sunahan möa tu hakats haparani. Kaba te hapurese na lö a tsunono i tamölö u niga bala, lui.

Matiu 6:34

Na limiou egoma hakats hapara sile mi u lan i mahö, taraha u lan i mahö e ka menou u tana u mar hakhakats peisa i tanen. Na nitiamana i romana e antuna puku hasna i romana.”

1 Timoti 2:1

U raranga tutuun i tar e mar la uana teka, singo sil raiam u katuun hoboto, singo sileiam ta hitaguhu na limiou ego haniga be sil has ramen tere Sunahan.

1 Timoti 5:5

Kaba a amoaba te möa koru ta katuun tega tara kap naien, nonei e hakena u nihamana i tanen tere Sunahan bate singo hataatagi nitöa uana i tanen tara lan na tara bong.