Pilipai 2:27 - U Bulunagana U Niga

²⁷ E manana, nonei e ka mei a siki pan koru me katsin matena. Kaba e Sunahan e taatagi naien me kato haniga poutse nen. Na e Sunahan e taatagi has naiou lia, taraha alia e namots taatagi lel hasigu.

Pilipai 2:27 Referans Kwoze

Pilipai 2:30

Taraha, nonei e kui bei e Kristo e antunaia te sukusukun mate uaien. Nonei e kato sil tega kato hakapa menaien a toukui tima antunan kato hakapa bemi limiou alia.

2 Korin 2:7

Alimiou go solopaleiam a markato a omi i tanen bate angose men. A nitaatagi pan koru e namots kato homi nitöa nanen.

1 Korin 10:13

U mamana u torohana te butuna i tamilimiou e roron butu hasna turu katuun hoboto. Kaba e Sunahan a katuun a hihipakoko na nonei ema haniga na noi u torohana te tagala bala na nou a nitagala i tamilimiou. Kaba, e Sunahan e kato bera noi limiou a maroro tego bus ba sila na milimiou u torohana ba limiou te antunan tagala na moien.

Aposol 9:37

Tara pöata teka nonei e lu a siki pan koru me matena. Ba nori e totobue ren mena hake rien tara töa rum iasa iahana luma.

Pilipai 2:26

Nonei e ngilin tara koru ranou limiou hoboton töa, na nonei e hakats haparpara koruna, taraha alimiou u hengo naiam te siki uaien.

Pilipai 2:28

Na lia e sasaala koru megu te hala pouts mena gien lia i tamilimiou, ba limiou te tatei tara poutse men bate sasaalamiou, ba lia tema tatei ka lel megoi ta nitiama.