Pilipai 2:14 - U Bulunagana U Niga

¹⁴ Tara mamanaka te katoe milimiou, alimiou goma ranga homi nami a nikaka i tamilimiou, ba tema hiangenngenami.

Pilipai 2:14 Referans Kwoze

1 Pita 4:9

Alimiou go lu merami a palair u katuun i luma i tamilimiou, bate tarakap haniga ramen batema ranga sil ramien.

1 Korin 10:10

Ara gima ranga homi nai a nikaka i tarara ti markato uu a palai i taren ba angelona tara tou mate e atung hamate raren.

Pilipai 2:3

Alimiou goma hakats peisa nami a peisa milimiou bate hapane men. E möa. Alimiou go hala puteiam a peisa milimiou. Bate tara herenami a tana katuun nonei te pan bala ranou limiou.

Jemis 5:9

A matsi hahatoulana, alimiou goma ranga memi a raharaha te ranga mia limiou tara tana katuun, be Sunahan tema ona has ranoui limiou. Taraiam, a Tsonun Hamou e sukusukun tukuna, e tuol na i matana a tamana.

U pas te koloto menai e Pol turu kristenira i Rom 12:18

Torohana hatagala sil tego ka haniga koru merai lö u katuun hoboto.

1 Tesalonaika 5:15

Ma hiapalpalis nami a markato a omi. E möa. Alimiou go kato hanigan töa raiam a man hahatoulana i tamilimiou te hamana ria tere Kristo, na u katuun hoboto.

Jemis 1:20

Taraha, a raharaha tara katuun ema habutenei a niniganiga tere Sunahan. E möa.

Galesia 5:26

Ara gima tatei pei ara u katuun u kapan. Na ra gima tatei kato haraharahei a tabi bate hia o omira. E möa.

Galesia 5:15

Kaba te kato here rami limiou u muki bate hiakatokato homi miou, alimiou go hanei iam! Alimiou ena mots hiakatokato homi nitöamiou, ba tema hiakaka haniga mi.

Jemis 3:14

Kaba te tori homi koru na mialimiou a taina katuun ba limiou te hakats nemiou a peisa milimiou peisa, alimiou e gamo ramiou u katuun bate poeiemiou, “Alia a katuun a niga na lia e hakats hanigagu.”

U pas te koloto menai e Pol turu kristenira i Rom 14:1

Alimiou go las ramuma u katuun a nihamana i taren tema pan bala nei. Kaba möa tu hia raharaha gono meraiam te ka merien u nihamana te halhalina.

U pas te kolotein e Jut 1:16

U katuun teka e roron ranga homi ner a nikaka i taren bate mamala sasaalari. Nori e kukutier u ngilngil u omi i taren. Nori e ranga sesei ner a peisaren na nori e angoso raier u katuun tegi lube meraien ta ka.

1 Pita 3:11

Nonei ega habirits ban a man markato a man omi bate kato hanigana. Na nonei ega ngil korui a markato tara masalohana bate kukute hatagala korue nen.

Hibru 12:14

Alimiou go torohana hatagala sileiam tego ka haniga gono mera milimiou u katuun hoboto. Taraha, a katuun tema göagono nei ema antunan tara nanei a Tsunono.

U pas te koloto menai e Pol turu kristenira i Rom 16:17

A matsi hahatoulana, alia e ranga hatagala mera goulimiou, hanei sil raiam u katuun te roron lu kata rer u katuun ba nori tema hamana hanigari. Nori ema hanigeri u hihatuts tu luema limiou i tamulam, möa tu hasukusuku mia i taren.

Aposol 15:2

Pöata timar ranga uu katuun teka, be Pol mere Banabas e hia raharaha gono me raren. Ba u kristen e hatuol raier ere Pol mere Banabas na palair u katuun has tegi la uaien i Jerusalem mena hamatskö gono merari u aposol na pal kapan turu kristen lotu u raranga teka.

Aposol 6:1

Tara man pöata teka u hihase turu katunun tsitsilo e para susul. U katuun ti atei sil u rangan HaGrik i raharaher u katunura i Hibru u amoaba i taren ima tara sil rai tara pöata ti molamola naia a kannou.

1 Tesalonaika 5:13

Hakats haniga raiam bate ngil koru ramen taraha, nori e taguhu rariou limiou. Na limiou go kaka haniga hobotoiam.

2 Korin 12:20

Taraha, alia e matoutegu tena la pouts guma lia romana, alia ema ngile goi a manka tena tare goulia na limiou ema ngil hase moi tena mar ranga ua goulia. Alia e matoutegu alia e na sabie gou te hia o omi uamiou limiou bate hia raharaha miou bate hakats peisa namiou a peisamiou. Alimiou e namos ranga hohomi silemou a palai bate tuts sil ramen, bate ranga hangisei namiou a peisa milimiou bate kato hatutu has miou.

Aposol 15:39

A hiaraharaha taren e tagala koru ba nori e hialala kalakalar be Banabas e peigeiena e Mak be na osa ria tara tolaala me lauaier tara tolo i Saiprus.

Aposol 15:7

Nori i solon gum a pöata a ngahangaha be Pita e tuoluna me poeiena i taren, “A matsi hatoulana, alimiou e atei silemiou i manasa e Sunahan e mola raira a toukui. Na nonei e hopö kap naiou lia tego hatei menai lia u Bulungana u Niga tara pala tema Jiu ri, ba nori te tatei hengor bate hamanar.

U Bulungana u Niga tere Iesu Kristo te kolotein e Mak 14:5

U uapi teka e antunan hahol naria tara moni te saluhena 300 denarius, ba moni tena tatei hala rari u katuun ti möa ta ka.” Ba nori e raharaheier a tahol.

Matiu 20:11

A pöata lahas ti lu hakapeien a moni i taren, ba nori te raharaha hamanaseier a katuun terena kuin grep, ‘U katuun te hagou kui lila e kui pukue lila a töa aua, ba hihol i taren te hihinatue tsipon mena a hihol i tamulam. Kaba lam e kui noa mula i bongbong me lana i gusuna pitala a hiski mena antunan töa nena a lahi, balö te hol tsipon ramule lam a mar hol te hol ramuleien lö!’

U Bulungana u Niga tere Iesu Kristo te kolotein e Mak 9:14

Pöata ti hihitupala meraien a palair u katunun tsitsilo, ba nori e tarer a katuun a parpara koru ti gono. Ba u tson hihatuts tara Lo e hiangenngena gono meraier u katunun tsitsilo.

U Bulungana u Niga tere Iesu Kristo te kolotein e Luk 5:30

Ba palair u Parasi na u tson hihatuts tara Lo e tara raren me ranga sil rer u katunun tsitsilo tere Iesu, “Taraha tsiponi ba limiou te nou gono mera miou u katuun te lulueier a takis na palair u katuun u omi?”