Pilipai 2:1 - U Bulunagana U Niga

¹ Alimiou e goma tatei solopalemi te ka gono mena reira e Kristo bate hatagalena a torirara, bara te tatei hiangilngilira, bate tatei ka haniga gono mera u Namnamei tere Sunahan, bate hiataatagira.

Pilipai 2:1 Referans Kwoze

Kolosi 3:12

E Sunahan e hopö kap sil railimiou tego katuun uaiam limiou i tanen na nonei e ngil koru ranou limiou. Tara markato tala teka ba limiou te hiakaka haniga miou bate niga mia tara palai. Alimiou go kato hateteneiam a peisa milimiou bate tuatami mia tara palai batema tatei raraha boroboro rami u katuun te kato homiria i tamiliou.

1 Jon 4:12

Emoa ta töa ta katuun tego tara noabi e Sunahan. Kaba te ngil korue rara a tana katuun, be Sunahan te kana i tarara. Ba u ngilngil i tanen te butu haniga nitöa noa i tarara.

2 Korin 13:14

A Tsunono e Iesu Kristo e tatei taguhu ranou limiou, na e Sunahan e tatei taatagi has ranou limiou, na u Namnamei u Göagono e tatei ka haniga has mera noulimiou hoboto. Alia e Pol

Kolosi 2:2

Alia e kato silegu alimiou go sasaalaiam bate hiakaka haniga hoboto miou bate hatagala hase miou u hiangilngil i tamilimiou. Na limiou go atei sil haniga haseiam a manka te hamane milimiou na ka te hamousi e Sunahan i manasa, nonei e Kristo.

1 Korin 12:13

Na u töa u Namnamei ti habaptais iara hakapan töa me katoeiera u töa u tuenrei. U Jiu, na u Grik, na u katunun kukui puku, na u katuun tema kukui puku has ri. Ara hoboto i haua raia turu töa u Namnamei tere Sunahan.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Galesia 4:6

Te pala tala uarara i tanen, be Sunahan te hala mena mei u Namnamei tara Pien Tson i tanen i torirara bara te ranga hamatskö koru tala nera, e Sunahan nonei koru e Tamarara.

Aposol 4:32

A pala ti hamana i ka mei u töa puku u tori na u töa puku u hakats. E möa ta töa i taren tega ranga bate poeiena, “A manka teka, a manka pepeisa i tar.” E möa. Kaba mamanaka hoboto i taren era manka hobotoien.

1 Jon 3:24

A katuun te kukute hanigeiena u raranga tere Sunahan, nonei e ka gono menou e Sunahan, be Sunahan te ka has noa i tanen. U Namnamei u Göagono te halani e Sunahan, nonei te haröto renara e Sunahan e ka gono mera noura.

U Bulungana u Niga tere Iesu Kristo te kolotein e Jon 17:13

“Na lia e la tala uagou i tamölö. Alia e katoegu u raranga teka i puta ba nori te sasaala nitöa has uar te sasaala uagu lia.

1 Jon 4:16

Ara e atei sil talera, na e hamanera u ngilngil tere Sunahan i tarara. E Sunahan a mouna u ngilngil hamana. Na u katuun te ngil nitöa raier a palair u katuun e pala uaier tere Sunahan na e Sunahan e pala has uana i taren.

Pilipai 3:3

A markatona i puta na markato te hapö uaier ema kato raneira u katuun tere Sunahan. E möa. Ara u katuun hamana tere Sunahan, taraha ara e hatsunonera e Sunahan i torirara bate sasaala mera e Iesu Kristo.

1 Korin 3:16

Alimiou e atei sil hase miou alimiou u luman lotu tere Sunahan na u Namnamei tere Sunahan e kana i tamilimiou?

U pas te koloto menai e Pol turu kristenira i Rom 8:26

Ba u Namnamei tere Sunahan te taguhu has ranou ra tara pöata tema tagala reiara. Taraha, ara ema atei sile rei ime tegi mar singo hamatskö uu ra tere Sunahan tsi aha tegi singo sili ra, kaba u Namnamei te ateina. Nonei e singo hataatagi bera noura tere Sunahan, na nonei e ranga uana tema antunan mar ranga uanei a katuun.

U pas te koloto menai e Pol turu kristenira i Rom 5:5

Na ra ema hahaloso pinopino rei, taraha e Sunahan e hala raira u Namnamei u Göagono me hala raneira u ngilngil te kana i torirara.

Aposol 2:46

Turu mamana u lan nori i la hoboto uu tara Luman Lotu Pan tina singo hoboto uaien na nori i nou hoboto mei u hakats u niga na nisasaala pan.

1 Pita 1:2

E Sunahan e Tamarara e atei sil hakapa raiou limiou me hopö kap mera nei limiou i tanen ba u Namnamei i tanen e kato ranei limiou u katuun u göagono i tanen. Tara markato ti maniata memien limiou, ba limiou te galus raroui u rahatsing tere Iesu Kristo. E Sunahan ega hala rai limiou a nitaatagi na masalohana pan koru.

Hibru 6:18

Na u huol u rangan hamana teka ema tatei palis nei, na e Sunahan ema tatei gamo has naneien. Na ka teka e hatagala koruena a torirara, ara u katuun ti la uu tere Sunahan tego hatongo kap meraien ra, bara te pile hakarapoto nera a markato te hamana sil mena rei ra a nihitaguhu tere Sunahan.

Pilipai 1:8

E Sunahan e atei silena a torir e ngil koru ranou limiou hoboto temar ngil has mera nei limiou e Iesu Kristo.

Epesis 4:4

E ka mena u töa u tuenrei na u töa u namnamei, na e Sunahan e ngö sil has railimiou tego hahaloso mena milimiou a töa ka a niga tena la nama i murimuri.

2 Korin 2:14

Aragi haniga uu tere Sunahan. Nonei te mammam here raneira u soldia ti tagala saluheia tara hiatatung, taraha ara e pala uaier tere Kristo. E Sunahan e taguhu ranoura, bara te polaser u Bulungana u Niga tere Kristo turu katuun hoboto, bate here nei u soka u masi nitöa te hatei nena te atei sil menarienra tara mamana makum.

1 Korin 15:31

Alia e mate nitöagu turu mamana u lan a matsi hatoulana. U mana koru alia e sasaala korugu ba lia te rangan hangisei mera gou limiou, u hangisei te kato hasegia lia tere Iesu Kristo a Tsunono i tarara.

U Bulungana u Niga tere Iesu Kristo te kolotein e Jon 14:27

“Alia e laba meragi limiou a masalohana, a masalohana i tar alia e hala ragien limiou. Alia ema mar hala uagi temar hala uar u katunura i puta. Kaba a masalohana i tar e niga bala nena a masalohana i taren. A torimilimiou egoma toku ii na egoma matout has ii.

U Bulungana u Niga tere Iesu Kristo te kolotein e Jon 14:18

“Alia ema antunan laba ragoui limiou ba limiou te here moi u binai. E möa. Alia ena la pouts guma romana.

U Bulungana u Niga tere Iesu Kristo te kolotein e Luk 2:25

Bara, a töa katuun e kaia i Jerusalem a solonen e Simion. Nonei a katuun a niga na e roron hatsunoni e Sunahan, na nonei e hahalosi tego taguhu merai e Sunahan u katunura i Israel. Na u Namnamei u Göagono e roron kaia i tanen.