Pilipai 1:27 - U Bulunagana U Niga

²⁷ A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

Pilipai 1:27 Referans Kwoze

Epesis 4:1

Alia e Pol, alia e karabus silegu te kui menagi lia a toukui tara Tsunono. Na e Sunahan e hopö kap raiou limiou tego katuun uaiam limiou i tanen. Na lia e hatei ragou limiou ego marka uaiam temar ngil uana e Sunahan.

1 Korin 1:10

Alia e ranga hatagala koru meragou limiou tara solona a Tsunono i tarara e Iesu Kristo, alimiou go haniga hobotoiam batema kats kilkile mi a peisa milimiou. Alimiou go kagono hobotoiam, bate ka memiou u töa puku u hakats na u ngil.

2 Pita 3:14

Na man hahikapien i tar, tara pöata te hahalose mia limiou nonei u Lan, torohana hatagala sileiam tego gogoso uaia limiou i matana e Sunahan bate katoemiou a markato tara masalohana.

U pas te kolotein e Jut 1:3

A matsi hahikapien, alia e ngilin koloto menagi u pas i tamilimiou bate hatei ragi limiou ime temar lu pouts meraira e Sunahan. Kaba lia e hakats koru negu tego koloto uu lia i tamilimiou bate hatei hatagala ragi limiou tego pile kap hatagala mena milimiou u nihamana i tamilimiou ti hapilepile kap mam burai u katuun tere Kristo. E Sunahan e hala raira a markato turu nihamana na ema antunan palis menarien.

1 Tesalonaika 4:1

Na kapakapana u raranga a matsi hahatoulana e markato uana teka, alam u hatuts railimiou te markato uana a katuun te hanigeiena e Sunahan. Na u mana koru, alimiou e markato uamiou teka. Alam e ranga hatagala koru mera moulimiou tara solona a Tsunono e Iesu, alimiou go markato haniga noahas uaiam teka.

Pilipai 2:12

A man hahikapien i tar, alimiou u roron hengoe moulia tu kaia lia i tamilimiou. Kaba limiou go hengo hatagala lel noahase moulia tara pöata te ka halehana bara gia lia limiou. E Sunahan e lu pouts merai limiou i tanen. Na limiou go matout iam bate kui hatagala silemiou tego hakapa haniga mena milimiou a toukui a niga tere Sunahan.

Pilipai 3:18

Alia u solon hatei railimiou a ka teka tara mamana pöata, na lia e sulunmata koru megu te ranga lel mena gien lia: u katuun u parpara koru tema hanigeri u hihatutsina te mate uu e Kristo tara kuruse.

2 Korin 13:11

Matsi hahatoulana, alia e hakapa talegu u raranga i tar. Alimiou go torohana hatagala koruiam tego matskö koru uaiam limiou. Hengo taleiam u raranga i tar. Na limiou go hia tangtanganaiam bate ka haniga hobotomiou. Alimiou go markato uaiam teka be Sunahan te ka gono mera nou limiou, taraha nonei a mouna a markato te hiangilngil uaier na te hiakaka haniga uaier.

Aposol 4:32

A pala ti hamana i ka mei u töa puku u tori na u töa puku u hakats. E möa ta töa i taren tega ranga bate poeiena, “A manka teka, a manka pepeisa i tar.” E möa. Kaba mamanaka hoboto i taren era manka hobotoien.

2 Pita 3:11

Na temar taia tala uana romana a mamanaka tara markato teka, ba limiou te kato hatagala sil talemiou tego niga koru uaiam limiou bate hala nemiou a peisa milimiou tere Sunahan.

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

U pas te koloto menai e Pol turu kristenira i Rom 1:16

Alia e haröto koru megu u Bulungana u Niga. E Sunahan e haleien a nitagala tego lu pouts merien u katuun hoboto te hamane ren, e la mam uana turu Jiu, bate töan la uana turu katuun tema Jiu ri.

Jemis 3:18

A katuun te roron nolo pouts rena a palai te hiaraharahar e kato uana tara katuun te lebeiena a kannou bate lue nou a hua i tanen i murimuri. Taraha, nonei a katuun teka e nolo pouts rena u katuun bate nigana i matana e Sunahan, na nonei e taguhu rena a palai ba nori te kato has uar iesana.

Pilimon 1:5

Taraha, alia u hengoen te ngil koru mera mi lö u katuun hoboto tere Sunahan na te hamana koru has ua mölö tere Iesu a Tsunono.

Taitus 2:10

Nori egi harötein te pakoko haniga mena rien a toukui i taren. A mamana markato hoboto a niga i taren e tatei taguhena u hihatuts tere Sunahan te taguhu ranou ra.

2 Timoti 4:7

Alia u pipiata hatagala koru, na lia u hakapa hanigei a nitataala i tar bate pile hakarapoto noahas negu u nihamana i tar.

1 Timoti 1:19

Alö go pile hakarapotein u nihamana i tamölö balö te atei silem alö u möa ta ka ta omi i tamölö. A palair u katuun e atei siler a ka te omina, kaba nori e kato noahaseren bate kato homi taleier u nihamana i taren.

1 Timoti 1:11

Na u hihatuts u mana na u niga nitöa te matsköna turu Bulungana u Niga te halei lia e Sunahan te pan saluhena, nonei tego hihatuts hamatskö ni lia.

Aposol 2:46

Turu mamana u lan nori i la hoboto uu tara Luman Lotu Pan tina singo hoboto uaien na nori i nou hoboto mei u hakats u niga na nisasaala pan.

Matiu 12:25

E Iesu e atei sil u hakhakats i taren be poeiena, “Tegi hiatatungia u katuun tara töa han pan, ba han teka te omi nou. Na tegi lukataia a töa han tsi a töa hun haposa, bate hiatatungur bate möa nou ta hun haposa tega ka haniga.

1 Tesalonaika 3:6

E Timoti e tuku poutsia i tamulam te laba mera meien limiou. Nonei e piou nema u bulungana u niga te hamana hatagala noahas uami limiou tara Tsunono bate hiangilngil noa hasmiou. Na nonei e hatei has railam alimiou ema solopala rami lam, kaba limiou e ngilin tara koru ramou lam temar ngilin tara koru has merami lam alimiou.

Kolosi 1:4

Taraha, alam i hengoen te hamana hatagalan töa uami limiou tere Iesu Kristo na te ngil koru mera milimiou u katuun hoboto tere Sunahan.

Pilipai 2:24

Na lia e hamanegu a Tsunono te kalate nou a maroro i tar, ba i murinen pouts has ba lia tena tara has ragou limiou.

Epesis 1:15

Nonei te haniga hiton sil bera gilia alimiou tere Sunahan. Pöata ti hengo naia lia temar hamana uami limiou tere Iesu a Tsunono, na temar ngil koru mera milimiou u katuun hoboto tere Sunahan, alia ima mala solopala railimiou tara man singo i tar na ti haniga sil merai lia alimiou tere Sunahan.

Epesis 1:13

Na limiou has, e Sunahan e hopö kap merai limiou u Namnamei u Göagono te ranga hamana naien. Nonei e hopö kap sil railimiou tego katuun uaiam limiou tere Kristo. Taraha, alimiou u hengoeiam u raranga u mana na u Bulungana u Niga te poeiena e Sunahan e ngilin lu pouts mera nei limiou i tanen, ba limiou te hamana uamiou tere Kristo.

Galesia 1:7

E möa len tu taina tu mar hihatuts tega ka, kaba palair u katuun e ngilin kato hatutu tuun rariou limiou bate maman palis naier u Bulungana u Niga tere Kristo.

2 Korin 9:13

Aa, nori e haniga uariou tere Sunahan, taraha alimiou e tangana ramen na palai has. A markato has teka te haröto nanou alimiou e kukute hanige miou u Bulungana tere Kristo te hamane milimiou ba nori te soloseie riou e Sunahan.

2 Korin 4:4

A tson hiamus na turu puta teka e Satan, e kato hakuhilir u hakhakats turu katuun te hahamanar banori tema atei sileri u raranga u mana, te here nei u ualesala te alesala uana i taren. U ualesala nonei u Bulungana u Niga tere Kristo, e Kristo u haharuei tere Sunahan.

U pas te koloto menai e Pol turu kristenira i Rom 15:29

Tena tara ragoua lia limiou, alia e atei silegu alia e la megou a kaan hasasaala tere Kristo te kato hasasaala koru ranou limiou.

U pas te koloto menai e Pol turu kristenira i Rom 10:8

U Buku u Göagono e hatei ranei ra a ka teka: “U raranga tere Sunahan e ka hasukusuku koruna i tamilimiou. Alimiou e tatei ranga namen i rungu milimiou na e tatei hamana hase men i torimilimiou.” Na u raranga teka nonei u rangana tara nihamana te roron hatei nemulam.

U pas te koloto menai e Pol turu kristenira i Rom 1:9

A peisar hoboto e tagala silena a toukui tere Sunahan, balia te ranga hatei lanegu u Bulungana u Niga tara Pien i tanen. Ne Sunahan e atei silena te roron singo sil bera gilia limiou, tara mamana pöata te singo gia lia.

U pas te koloto menai e Pol turu kristenira i Rom 1:5

E Iesu Kristo e hala railam a nitagala tego aposol uu lam i tanen, ba lam te hatei namen turu hun katuun hoboto tegi hamana uaien i tanen, bate hengo hanige ren.

Aposol 24:24

U lahisa u lan e kapa, be Piliks e la gono menama a tahol i tanen e Drusila a toun Jiu. Be Piliks e ngöena e Pol me hengoeiena u raranga i tanen te hatei naien a mouna a ka te hamana siler u kristen tere Iesu Kristo.

Pilipai 1:5

Taraha, alimiou u taguhe moulia tara toukuina turu Bulungana u Niga, tara pöata tu hengo tutune mien limiou bate la noahasina i romana.

Pilipai 3:20

Kaba a han i tarara e kana i Kolö, na ra e hahalosera a Tsunono i tarara e Iesu Kristo tega koul men i Kolö batemi lu pouts ranoura.

Pilipai 4:1

A matsi hahatoulana, alimiou go tuol hakarapoto lasmia tara nitagala tara Tsunono. Alia e ngilin tara koru ragou limiou, a man hahikapien i tar. Alimiou e kato hasasaala korue moulia na limiou e heremi a prais i tar.