Biblia Todo Logo
Bib sou entènèt

- Piblisite -




U Bulungana u Niga tere Iesu Kristo te kolotein e Mak 9:12 - U Bulunagana U Niga

12 Ba nonei e ranga palis ranen me poeiena, “E Ilaitsa ena mam hamana pouts romana nama batemi hamatsköeiena a mamanaka. Kaba i kolotein, Alia tu butun Katunuma e sagohe gou a kamits pan batema ngileri.

Gade chapit la Kopi




U Bulungana u Niga tere Iesu Kristo te kolotein e Mak 9:12
30 Referans Kwoze  

Be Herot na u soldia i tanen e hahakos ner e Iesu me maman ranga naren. Ba nori e hasei rien u hasobön king me hala pouts mena rien tere Pailat.


Be Sakaria e pei hasena tara pien, “Alö a tsi pien i tar, alö e ngöe roui a propet tere Sunahan iasa Koru. Taraha? Alö tena peits moa tara Tsunono tego hamatskö menai a maroro tega sila men.


A töa katuun a omi te kuteia i rehinen e ranga homia tere Iesu me poeiena, “Alö e Mesaia? Bara, taguhu talei a peisamölö na lam has!”


Alia tu butun Katunuma e mar mate uagou temar ranga uana u Buku u Göagono. Kaba a niomi pan e butuna romana tara katuun te haröto nanou lia turu katuun ti korupakö naiou lia. E niga bala nena a katuun teka egima mala posei.”


Tara pöata teka e Iesu e tanian hatei ri u katunun tsitsilo i tanen tega mate uen ba nonei e poeiena, “Alia e la uagou i Jerusalem balia tena sagoho kamits goa i limar u tsunono, na u pris pan, na u tson hihatuts tara Lo. Ba nori tena atung hamate riou lia, ba lia te takei pouts gou turu hatopisana u lan.”


Kaba lia e hatei ragou limiou, e Ilaitsa e la hakapama, kaba u katuun i kato menaien timar ngil uaien, timar koloto menaien turu Buku u Göagono.”


taraha nonei e hatutsir u katunun tsitsilo i tanen. Ba nonei e poeiena i taren, “Alia tu butun Katunuma ena hala naroua tara pal tson tena ranga hohomi nariou lia romana. Nori ena kato hamate riou lia, ba i murina u topisa u lan ba lia te takei pouts gou.”


Ba pöata ti gono hoboto pon ia u aposol ne Iesu ba nori e rangate ren me poeier, “O Tsunono, Alö e taguhu hamanasa tala ramoura a tei Israel tara pöata teka bara te pile peisa nariou a peisarara?”


Nonei e Iesu a katuun te ranga nena u Buku u Göagono bate poeiena, ‘Alimiou e heremi u katuun te hatakeier a luma. Na katuun teka e here ii a hatu tu rama naiam limiou. Kaba nonei a hatu te niga balana tara toukuina tara luma.’


Swiv nou:

Piblisite


Piblisite