U Bulungana u Niga tere Iesu Kristo te kolotein e Mak 7:4 - U Bulunagana U Niga

⁴ Nori ema antunan a nou haseri a kannou te lue rima tara töana e antunana te galuse rien. Na e ka has mena a palaina man markato a man para te kukute ren, a markato te galus haniga menari a pelete na kap na sosopene na ketol.

U Bulungana u Niga tere Iesu Kristo te kolotein e Mak 7:4 Referans Kwoze

Hibru 9:10

Nori i ka las mei a markatona tara kannou na tou ua na mamana mar nigalus. Nori i ranga lasiin a man kana turu tuenrei e antunana tego hamatskö menai e Sunahan a mamanaka a tsimus.

Matiu 23:25

“Alimiou u tson ateira tara Lo na u Parasi, a niomi pan e butunoa i tamilimiou, u katuun u gamogamo! Alimiou e roron kato hagogosemiou a murina a kap na pelete, kaba iahanen e korkorianana, te kato has uana a torimilimiou te habutena a markato tara kop na te hagua be menami limiou u ngilngilina turu tuenrei.

Jemis 4:8

La hasukusuku uaiam tere Sunahan, ba nonei te la hasukusuku has uanama i tamilimiou. Kato hagogoso poutseiam a peisa milimiou, alimiou tu kato homi iam. Kato haniga poutseiam a torimilimiou, alimiou te hula hakatsmiou.

U Bulungana u Niga tere Iesu Kristo te kolotein e Jon 2:6

E ka mei a tönomo a tabeli e kaia nonei tara luma teka, a manka ti roron kato hagogoseia u Jiu a peisaren tara mar niateina tara markato ti galus menai u katuun a limaren. A töa tara man tabeli teka e tatei osuler bate antunana tara 100 lita tsi a 150 lita.

1 Jon 1:7

Kaba te tataala ria ra turu ualesala noahas i tanen, bara te ka haniga hobotora, ba u rahatsing tere Iesu a Pien Tson i tanen te galus ba nena a man markato a man omi hoboto i tarara.

Matiu 27:24

E Pailat e atei sili nonei ema antunan kato len nai taka, na u katuun i tanian hiagetageta hamanasa. Ba nonei e luena u ramun me galusena a limanen i matar u katuun hoboto, me poeiena, “Alia u möa ta ka ta omi tego ha atung hamate sil mei lia a katuun teka! A ka peisa i tamilimiou.”

U Bulungana u Niga tere Iesu Kristo te kolotein e Jon 3:25

Ba palair u katunun tsitsilo tere Jon na töa Jiu e hiaraharaha sil haser a saha mar baptais te matsköna.

Matiu 23:26

Alimiou u Parasi u matakiou! Alimiou go kato hagogoso mam meiam a torimilimiou, ba markato i tamilimiou te niga has noa i biou.

U Bulungana u Niga tere Iesu Kristo te kolotein e Mak 7:8

“Alimiou e hapolasa ba namiou u raranga tere Sunahan bate pile kap namiou a markato turu katuun tuun.”