U Bulungana u Niga tere Iesu Kristo te kolotein e Mak 14:26 - U Bulunagana U Niga

²⁶ Ba pöata ti köma hakapeien u hetsina turu lotu, ba nori e la uaier turu Pokus tara Ruein Olip.

U Bulungana u Niga tere Iesu Kristo te kolotein e Mak 14:26 Referans Kwoze

Matiu 26:30

Ba i murina pöata ti kömeien u köman lotu, ba nori e la uar turu Pokus tara Ruein Olip.

U Bulungana u Niga tere Iesu Kristo te kolotein e Luk 22:39

Be Iesu nu katunun tsitsilo e laba ner a makum iasa me la uaier turu Pokus tara Ruein Olip ti roron markato uaien.

Revelesin 5:9

Ba nori e kömeier u töa u hets u tsimus te mar ranga uana teka tara Tunan Sipsip: “Alö e ka mem a nitsunono tego lu menai lö a pits pepa bate lukapem u kaan harokotokap i tanen. Taraha? Alö i atung hamati na u rahatsing i tamölö e sakahis merai u katuun tere Sunahan, u katuun i lama tara mamana hun katuun hoboto, Na turu mamana u mar ranga hobotona tara mamana han.

Jemis 5:13

Tega butuia a ka a omi tsi a pöata a omi tara töa i tamilimiou, nonei ega singo uu tere Sunahan. A katuun te sasaalana e tatei soloseiena a Tsunono bate kömana.

Kolosi 3:16

U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.

1 Korin 14:15

Gaha te kato tale gou lia? Alia e singo gia turu namnamei i tar, na lia e singo has gia turu hakats i tar. Alia e köma gia turu namnamei i tar, na lia e köma has gia turu hakats i tar.

Aposol 16:25

Tara gusuna bong bere Pol mere Sailas e singo uaier tere Sunahan me soloseieren turu köman lotu, a palair u karabus i hehengoia ti köma uaien.

Matiu 21:1

Ba tara pöata ti butuien i Jerusalem, me la uar i Betpats turu Pokus i Olip. Be Iesu e hala mam rena a huol a katunun tsitsilo i tanen me poeiena i taren, “La uamula tara han te kanama ili, ba limiou tena tare mou a töa rongki e kamena a tuna i kits kapiin. Ba limiou tena purese ramoien bate la mera mumeien i tar.

U Bulungana u Niga tere Iesu Kristo te kolotein e Mak 14:25

Alia e hatei hamana koru ragou limiou, alia ema tatei ua lele goi u uain e antunana tara pöata te ue gia romana lia u uain u tsimus tara Nipepeito tere Sunahan.”

U Bulungana u Niga tere Iesu Kristo te kolotein e Jon 18:1

E Iesu e singo hakapa uu tara Tsunono, ba nonei e la gono meraiena u katunun tsitsilo i tanen i hapalana a gohi i Kitron tara makum te kaia a kui, ba nori e tasu ria tara kui teka.