Matiu 6:5 - U Bulunagana U Niga

⁵ “Na tara pöata te singo mia limiou, alimiou goma hererami u katuun u gamogamo. Te ngiler u katuun egi tara raien tara pöata te singo rien tara man luman lotu na tara man la hagiono i maroro. Alia e hatei hamana nitöa ragou limiou, nori i lu hakapi u hamatana i taren.

Matiu 6:5 Referans Kwoze

Matiu 6:2

“Hena, te hala namia lö a moni turu katuun te moar ta moni, alö goma katoeien i matar u katuun, te markato uar u katuun u gamogamo iahana luman lotu na i kalana. Nori e kato meri a ka teka i matar u katuun tegi solosei meraien. Na lia e hatei hamana nitöa ragou limiou, nori i lu hakapi u hamatana i taren.

U Bulungana u Niga tere Iesu Kristo te kolotein e Luk 18:13

Kaba a tson lulu takis e tuol ma i lehana me tötöroköna. Ba nonei e mukumukeiena a lumlumanen te taatagi uaien me poeiena, ‘O Sunahan, alö go taatagi namoulia a katuun a omi.’”

U Bulungana u Niga tere Iesu Kristo te kolotein e Mak 11:25

Pöata te tuol mialö bate singom, solopali a raharaha i tamölö tara tana katuun be Sunahan e Tamarara iasa koru te solopala hase nou a man markato a man omi i tamilimiou.

U Bulungana u Niga tere Iesu Kristo te kolotein e Luk 20:47

Nori e roron katoeier u singona turu lotu u ngahangaha turu rung tuun, bate lu tsipon beri a peisaren a manka turu amoaba. Kaba nori e lueier romana a nihahuna pan koru.”

Jemis 4:6

Kaba u nihitaguhu tere Sunahan e tagala bala nena u ngil i tarara. U raranga tere Sunahan e pei hasena, “E Sunahan e tokitoki nena a katuun te hangisena ba nonei te taguhena a katuun te hateteneiena a peisanen.”

U Bulungana u Niga tere Iesu Kristo te kolotein e Luk 18:1

Be Iesu e hatei ranei u katunun tsitsilo u haharuei teka, u hihatutsuna tegi singo nitöa uaien tere Sunahan batema sökanari.

Epesis 6:18

Alimiou go singo nitöa mia tara nitagala turu Namnamei tara mamana pöata te singo mia limiou tere Sunahan, ba limiou te katoemiou u mamana u mar singo. Na katuun te singona egoma tatei hanöa bana ii te singo uanen, ba nonei te singo sil has raiena u katuun hoboto tere Sunahan.

U Bulungana u Niga tere Iesu Kristo te kolotein e Luk 11:43

“Alimiou u Parasi, a nomi pan e butuna romana i tamilimiou. Alimiou e ngil korue miou ego gum mia turu gumgum tara pal kapan tara luman lotu, na limiou e ngil hase miou u katuun egi hapan raia limiou tara töana.

Matiu 21:22

Na te hamana mia limiou, tara pöata te singo mia limiou ba limiou te lue mou a saha ka te singo silemi limiou.”

1 Tesalonaika 5:17

Singo hatagala nitöa uaiam tere Sunahan.

U Bulungana u Niga tere Iesu Kristo te kolotein e Jon 16:24

I manasa na te la noa hasina i romana alimiou uma singo silemi ta ka tere Tamar tara solor. Singoiam ba limiou te lue mouen, ba nisasaala i tamilimiou te onoto hakapa nitöa nou.”

U Bulungana u Niga tere Iesu Kristo te kolotein e Mak 12:38

Pöata te hihatuts noaia e Iesu be poeiena, “Hanei sileiam u tson hihatuts tara Lo. Nori e ngilin hula la mer u hasobö u ngahangaha i taren, na nori e ngil haser u katuun te ka ria tara töana egi hapan raien.

Matiu 9:38

Nonei tego singo beiam limiou tara katuun te hatamana nena a kui, bate halane nama ta katunun kui tega gono beien a kannou.”

Matiu 23:13

E Iesu e ranga lel me poeiena, “Alimiou u tson ateira tara Lo na limiou u Parasi, a nomi pan e butu noa i tamilimiou! Alimiou u gamogamo, na limiou te ron hatu kap ramiou u katuun tegi tasu uen tara Nipepeito tere Sunahan, na limiou pouts has ema antunan tasumi.

Matiu 23:6

Na nori e ron ngilin gum ria turu gumgum tara pal kapan tara pöata tara kannou, na e ron ngilin gum koru has ria turu gumgum u niga koru na i luman lotu.

Matiu 6:16

“Na pöata te agono mialö, alö goma mataloho ii. Te kato uar u katuun u gamogamo te matalohor bate kato siler u katuun egi tari te agono uaren. Alia e hatei hamana nitöa ragou limiou, nori i lu hakapa ban töani u hamatana i taren.

Matiu 6:1

Be Iesu e ranga lenina me poeiena, “Haneiam, möa tu hatara naiam a markato a niga i tamilimiou i matar u katuun, tegi tara meraien limiou bate haniga rariou limiou. Te kato uamou limiou teka be Tamamilimiou te kana i Kolö tema hamatana ranoui limiou.

Matiu 23:5

“A mamanaka te roron katoe ren e kato silerien tegi tara meraien u katuun. Hena, nori e roron hakits naria a matsi bokis i poleren na i limaren te kamena u raranga tere Sunahan iahanen. Na nori e kato hanigan töa ner a man runguna a man hasobö a man ngahangaha i taren bate tataabala koruna.

U Bulungana u Niga tere Iesu Kristo te kolotein e Luk 6:24

Kaba a nomi pan e ka uanou i tamilimiou u katuun te ka mer a moni a parpara i romana. Alimiou u lu hakapeiam a pöatan sasaala i tamilimiou.