Matiu 6:23 - U Bulunagana U Niga

²³ Kaba te omina a mata mölö, a tuenrei mölö hoboto e saputu menou u kuhil. Na te kuhilna u alesala te kana i tamölö, e kuhil hapan koru len talanou.”

Matiu 6:23 Referans Kwoze

1 Jon 2:11

Kaba a katuun te paköeiena a hahatoulana i tanen e kana turu kuhil. Nonei e here nei a katuun te silana tara maroro a kuhil. Na nonei ema atei sile nei ime te la uanen, taraha u kuhil e hasaheiena a matanen.

Matiu 6:22

“U mata, u lamina turu tuenrei. Na te nigana a mata milimiou, mamana makum i tuenrei milimiou e saputu menou u ualesala.

Epesis 4:18

Nori e ka halehana ba ner a nitöatöa tere Sunahan. Na bakuren e kuhilina na e kamer u tori u omi, taraha, nori e hipus korur bate kato hatutueier u hakats i taren.

1 Korin 2:14

A katuun tema ka menei u Namnamei tere Sunahan ema tatei lue nei a manka te hala nena u Namnamei tere Sunahan. Turu hakats tara katuun teka, a manka tere Sunahan e here nei a manka man tutu. Nonei a katuun ema antunan atei sile neien, taraha u Namnamei lasi tere Sunahan te antunan haröto nena a mouna a manka teka.

U pas te koloto menai e Pol turu kristenira i Rom 1:22

Nori e poeier, “Alam e ka mem a niatei,” kaba e möa, nori e butun tutu koru len talar.

Epesis 5:8

Alimiou i ka has mia turu kuhil. A ka teka e haharuei nena a markato a omi. Kaba i romana alimiou e ka tala mia turu ualesala tara Tsunono. Ba limiou te ka here rami u katunura turu ualesala.

U Bulungana u Niga tere Iesu Kristo te kolotein e Luk 8:10

Be Iesu e ranga palisina, “E Sunahan e haröto ranei limiou a manka ti hamousi tara Nipepeito i tanen. Kaba palai e hengo tuner u haharuei. Taraha? Nori e tarar kaba ema tara mareieri, na nori e hahengor kaba ema ateiri.”

Matiu 20:15

Alia e tatein markato menagi a moni i tar temar ngil uagu lia. Te tangana nagia lia a manka i tar, alö goma tatei hiomi ii.’”

U Bulungana u Niga tere Iesu Kristo te kolotein e Luk 11:34

Na matamölö e here nei u lam turu tuenrei. Te nigana u mata, alö e ka mia turu ualesala. Kaba te omina u mata, alö e ka mia turu kuhil.