Matiu 5:4 - U Bulunagana U Niga

⁴ Na u katuun te taatagir egi sasaala. E Sunahan e ngö raneien u katunun sasaala, taraha nonei e kato hagigaha poutse nou a nitaatagi i taren.

Matiu 5:4 Referans Kwoze

Revelesin 21:4

Ba nonei te hasokolei ranouen. E möa lel ta tou mate na ta nitaatagi na tu tabe na tu kamits. A nikaka mam e tia hakapa.”

U Bulungana u Niga tere Iesu Kristo te kolotein e Luk 6:21

Sasaalaiam, alimiou te bes miou i romana. Alimiou e hamasul rariou! Sasaalaiam, alimiou te tabe miou. Alimiou e golgol mou!

Jemis 1:12

A katuun te hamana hanigana tara pöata te butuna a manka man omi i tanen ega sasaala. Taraha, pöata te tagala saluhe nanen a manka man omi, ba nonei tena lue nou a nitöatöa te ka nitöana te ranga hamanein e Sunahan turu katuun te ngil korue ren.

U Bulungana u Niga tere Iesu Kristo te kolotein e Luk 16:25

Be Abraham e poeiena, ‘A tsi pien, alö go hakats pouts hasiin a pöata tu töatöa noaia lö i puta. Alö u lu nitöan a mamanaka a niga i tamölö i puta, be Lasarus te luena a mamanaka a omi. Kaba i romana nonei e ka haniga talana teka ba lö te sagohem a kamits.

U Bulungana u Niga tere Iesu Kristo te kolotein e Luk 6:25

A nomi e ka uanou i tamilimiou te masul miou. Alimiou e na bes mou! A nomi e ka uanou i tamilimiou te golgol miou. Alimiou e ton mou bate tabe miou.

U Bulungana u Niga tere Iesu Kristo te kolotein e Luk 7:50

Be Iesu e poeiena tara tahol, “U nihamana i tamölö e lu poutse lalou lö! La tala, a torimölö e tatei tagolala poutsuna.”

U Bulungana u Niga tere Iesu Kristo te kolotein e Luk 7:38

Ba nonei ena tuolna i rehina e Iesu i pal mounen ba nonei e tabena me hapuluse nei a man mouna e Iesu u sulunmata i tanen. Ba nonei e hapalake nei a man mounen a hulunen, me mutsie nen, me tsue nei a man mounen u uapi u soksoka.