Matiu 5:37 - U Bulunagana U Niga

³⁷ Alimiou go poe tuun laseiam, ‘Aa’ tsi ‘E möa.’ Ta saha ta ka te ranga lel namou limiou e la hamanasa tala nama tere Satan.”

Matiu 5:37 Referans Kwoze

Jemis 5:12

A matsi hahatoulana, u raranga teka e pan koruna: alimiou goma tatei peiemi i Kolö tsi i puta na tu töa tu mar ranga bate hamana uamiou iasa. E möa. Alimiou go pei tuneiam “Aa” te mana nen, tsi “E möa” tema mana neien. E Sunahan ena mots hahuna ranou limiou.

Kolosi 4:6

Turu mamana u raranga i tamilimiou, alimiou go ranga hatami iam bate ranga namiou u raranga u niga koru, ba limiou te atein ranga palis haniga mia turu katuun hoboto.

Kolosi 3:9

E möa tu gamoein a tana katuun, taraha alimiou u hapolasa ba hakapa niam a man markato na u ngilngilina i puta.

U Bulungana u Niga tere Iesu Kristo te kolotein e Jon 8:44

E tamamilimiou e Satan, alimiou e ngilin katoemiou a ka te ngile nen. Nonei a katunun a hihipuli noana i manasa, na ema tuol neia tara nimana, taraha e moa ta nimana i tanen. Na pöata te gamo nen, nonei e kukutiena a markato noahas i tanen, taraha nonei a gamogamo na nonei a mouna u mamana u gamo hoboto.

Epesis 4:25

Alimiou go hanöa ba neiam a markatona turu gamo bate ranga namiou a ka te manana tara tana katuun, taraha ara hoboto e pala uara tara hun katuun tere Kristo.

2 Tesalonaika 3:3

Kaba a Tsunono a katuun a hihipakoko. Nonei e kato hatagale nou a torimilimiou bate hatongo kap ranoua limiou tere Satan.

Matiu 13:19

U katuun te hengoer u raranga tara nipepeito kap ba tema atei silerien, e Satan ena la nama romana bate lubanena a tsi niatei te kana i tori milimiou. E herenei a man ngal ti tsihasa naia i maroro.

Matiu 13:38

Na kui e here nei u han hoboto i puta. Na man ngal a man niga e here nei u katunura tara Nipepeito tere Sunahan. Na u pulung u omi e here nei u katuun tere Satan.

1 Jon 5:18

Ara e atei silera a katuun te pien uana tere Sunahan ema tatei kato homi hiton nei, taraha a Pien Tson tere Sunahan e pepeito kap nitöa nanen, na e Satan ema antunan kato homi naneien.

Matiu 6:13

Alö goma hala merai lam tara tou hiamus, kaba lö go luba nema a man niomi i tamulam. U mana.’

1 Jon 2:13

Na lia e koloto uagu i tamilimiou, a pal kapan, taraha alimiou e atei silemiou e Iesu te kaia i mam te habuteia e Sunahan u kolö na u puta. Na lia e koloto uagu i tamilimiou, a pal hitots, taraha alimiou u la salsaluhe hakapeiam e Satan.

1 Jon 3:12

Ara gima here ii e Kein nonei e pala uu tere Satan, ba nonei e atung hamateiena e toulanen e Ebol. Nonei e atung meien a markato i tanen e omi ba markato tere Ebol te matsköna.

U Bulungana u Niga tere Iesu Kristo te kolotein e Jon 17:15

Alia ema rangata silegi alö go luba raien tara han i puta teka. E möa. Alia e rangata silegu tego hatongo kap meraien lö tara nitagala tere Satan.

Matiu 15:19

Na manka man omi teka e la nama tara katuun: u hakats u omi na hipöli na tsikolo na kop na u ranga u gamo, na u tuts.

Matiu 5:36

Na limiou goma hamana has uami i baku milimiou, taraha alimiou ema antunan kato hahiake mien, tsi ema antunan kato haruruhana nami ta tsi töa ta tsi hulu.