Matiu 5:17 - U Bulunagana U Niga

¹⁷ E Iesu e ranga me poeiena, “Alimiou goma poeiemi alia u la silema tegomi luba menai a man Lo tere Mosis na u raranga turu propet. E möa. Alia u la silema tegomi kato hamouna koru menaien.

Matiu 5:17 Referans Kwoze

U pas te koloto menai e Pol turu kristenira i Rom 10:4

Kaba e Kristo e hakapa a markato teka tara Lo. Na i romana u katuun hoboto te hamanar, nori te butun matskö ria i matana e Sunahan.

U Bulungana u Niga tere Iesu Kristo te kolotein e Luk 16:17

U kolö na u puta e antunan tia nou romana, kaba a tsi töa a tsi makum tara Lo ema antunan tia noi.

U pas te koloto menai e Pol turu kristenira i Rom 8:4

E Sunahan e kato mei a ka teka tegi matskö koru uu ra tara Lo. Taraha, u ngilngilina i puta ema hakui lel ranei ra. E möa. U Namnamei tere Sunahan te hakui tala ranou ra.

U pas te koloto menai e Pol turu kristenira i Rom 3:31

Ge hana, ara e kato homiera a Lo tere Mosis te kukute mena reira a markatona turu nihamana? E moa koru. U nihamana i tarara te tupa mera neira tara saha ka te ngilena a Lo.

Matiu 7:12

Na tara mamanaka, te ngile milimiou u katuun egi katoeien i tamilimiou, alimiou go kato hasemen i taren. Nonei a mouna u raranga te kana turu buku tere Mosis na turu propet has.”

Matiu 3:15

Be Iesu e ranga palisenen me poeiena, “E noahasina alö go markato uu temar ranga uagu lia. Tara markato teka bara te kato hantunera a mamanaka a matskö te ngilena e Sunahan.” Be Jon e töa kukutiena temar ranga uu e Iesu.

Aposol 6:13

Ba nori e hatuol rer u katuun tegimi gamo uaien bate poeier, “A katuun teka e roron ranga homi nena a luman lotu a Göagono i tarara na Lo has tere Mosis.

U Bulungana u Niga tere Iesu Kristo te kolotein e Jon 8:5

A Lo tere Mosis e poeiena aragi titi hatu a mar tahol teka e antunana te mate nen. Aha te poeie mölö?”

Aposol 21:28

Ba nori e ku hapanir me poeier, “U katunura i Israel, mi taguhu ramou lam! Nonei lasi a tson teka te hatuts rena u katuun tara man han hoboto tegi tori tsuga ba menai u katunura i Israel a Lo tere Mosis na Luman Lotu Pan teka. Na tana ka lel has, nonei e piou hasir u katuun tema Jiu ri iahana Luman Lotu Pan ba nonei e kato habahi hakapena a makum a Göagono teka!”