Matiu 5:11 - U Bulunagana U Niga

¹¹ “Alimiou te ka uamiou tara pala i tar, ba nori te ranga hohomi rariou limiou, bate kato hohomi rariou limiou, bate saka rari limiou u mamana u mar ranga u gamo, alimiou e tatei sasaala noahas miou.

Matiu 5:11 Referans Kwoze

1 Pita 4:14

Alimiou go sasaalaiam tegi ranga homi merai limiou te kukute mena milimiou e Kristo, taraha a ka teka e poeiena u Namnamei u tagala tere Sunahan e kana i tamilimiou.

U Bulungana u Niga tere Iesu Kristo te kolotein e Luk 21:17

U katuun hoboto e omi rariou limiou romana te katuun uami limiou i tar.

U Bulungana u Niga tere Iesu Kristo te kolotein e Mak 13:13

Ba u katuun hoboto te pakö sil raroui limiou a solor. Kaba u katuun te pile kap hatagala nitöa ner a markato tere Sunahan tara pöata a omi teka, e Sunahan e lu pouts mera noien i tanen.”

Matiu 24:9

“U katuun e hala rariou limiou romana tegi kato hakamits merai limiou, ba limiou te kato hamate rariou. Na mamana hun katuun e omi sile roi lia, alimiou.

U Bulungana u Niga tere Iesu Kristo te kolotein e Luk 6:22

Sasaalaiam tara pöata te omi raria limiou, na te tori hasoala raria limiou, na te ranga homi raria limiou, na te tsuga raria limiou, te hamana uami limiou i tar, alia tu butun Katunuma.”

1 Pita 2:23

Nori i hahakosia i tanen kaba nonei ema palise ii u hahakos. Tara pöata te kamits ien, nonei ema kato sile ii ega paliseien. Kaba nonei e haka mei a peisanen tere Sunahan te ona hamatsköena a mamanaka.

U Bulungana u Niga tere Iesu Kristo te kolotein e Jon 15:21

Kaba nori e kato sila naroua a manka teka tara solor te söate milimiou, taraha nori ema atei sileri e Sunahan te tula na moulia.

Matiu 10:22

U katuun u parpara koru e omi rariou limiou te hamana uami limiou i tar. Kaba a katuun te hamana nitöa uana i tar, e Sunahan e lu pouts mena noien i tanen.

Matiu 10:39

Esi te poeiena e ka peisa mena a nitöatöa i tanen e hatia pouts hase nouen. Kaba esi te hakats nanoulia ba nitöatöa i tanen te taiana, nonei ena sabie nou a nitöatöa hamana i tanen.”

Revelesin 2:3

Alia e atei sil hasegu alimiou e sagohe miou a kamits bate tuol hakakamoto sile miou te hamana uamia limiou i tar. Kaba limiou e tagala sil noa hase moulia batema karous mi.

Matiu 19:29

Na u katuun hoboto te hakats nariou lia bate labaner u luma i taren na u toularen nu hahinaren na u tamaren nu tsinaren, na galapien i taren na u tsiktsiki, nori ena lueriou a parpara koru lel a ka, bate lu hase riou a nitöatöa te ka nitöana.

2 Korin 4:11

Tara mamana pöata, alam te töatöam e tokitokin töa rariou tegi atung hamate sil merai te ka uamia lam tere Iesu. E kato uana teka ba nitöatöa tere Iesu te tatei halakase ria i tuenrei mulam.

1 Korin 4:10

Alam e heremi u katuun u tutu i matara u katuun te hengo mena milam e Kristo, kaba e noahasina alimiou u katuun u atei tere Kristo. Alam ema tagalami, kaba e noahasina alimiou e tagala korumiou. U katuun e sigala rariou lam bate hapan rariou limiou.

U pas te koloto menai e Pol turu kristenira i Rom 8:36

Ti mar koloto menaien turu Buku u Göagono: “Alam e ka heremi u katuun i tamölö, nonei te katsin atung hamate nitöa merari lam u katuun Nori e kato here rarilam u sipsip te kato hamate raier.”

U Bulungana u Niga tere Iesu Kristo te kolotein e Luk 21:12

Kaba i mamina te butu noua a manka teka, ba limiou te pile kap rariou bate kato hohomi pinopino rariou. Alimiou e kout raria romana iahana a man luman lotu turu Jiu bate haka raria tara karabus. Na limiou e lu merari romana i matar u king na turu gamman te hamana uami limiou i tar.

U Bulungana u Niga tere Iesu Kristo te kolotein e Luk 9:24

A katuun te peits nena a nitöatöa i tanen ena hatie nen romana. Kaba a katuun te hataia sile nei a nitöatöa i tanen te ngil mena neien lia, nonei ena sabie nen romana.

U Bulungana u Niga tere Iesu Kristo te kolotein e Mak 8:35

Taraha, a katuun te peits nena a nitöatöa i tanen ena hatia nouen romana. Kaba a katuun te hatia sile nei a nitöatöa i tanen te ngil koru mena neien lia na u Bulungana u Niga, nonei ena sabie nou a nitöatöa hamana.

Matiu 10:25

E nigana te kato here mena nei a katunun tsitsilo a peisanen a tson hihatuts i tanen. Na e niga hasina te kato here mena nei a katunun kukui puku a peisanen a katuun pan i tanen. Alia a katuun pan tara pal katuun i tar. Na a palair u katuun e ngö tsipone rilia e Belsebul. Te markato tala uaren teka, ba nori te ngö raroui limiou u katuun u omi koru, taraha alimiou e pala uamiou i tar.”

Aposol 9:16

Alia peisa te haröte goien romana a kamits pan tena lue nouen. U katuun te rama nariou lia e kato hakamitse rouen romana.”

U Bulungana u Niga tere Iesu Kristo te kolotein e Mak 13:9

“Alimiou go hanei iam, taraha u katuun e pile kap rariou limiou bate hala mera roi limiou turu kout, ba nori te atung raroua limiou tara man luman lotu. Na limiou ena tuol möa i matar u gamman na u king, taraha alimiou e hamana mia i tar, ba limiou te hatei ramouien u Bulungana u Niga.

Matiu 27:39

Bu katuun ti hula laia i matanen e ranga hangisei ria tere Iesu me tsibtsibil ner a bakuren me poeier, “Alö a katuun te tatei rureiem a Luman Lotu Pan bate kui poutse men turu topisa u lan, taguhi a peisa mölö! Tego Pien Tson uu lö tere Sunahan, bara, koul talama tara kuruse!”

U Bulungana u Niga tere Iesu Kristo te kolotein e Mak 4:17

Kaba ema tasu hatsiruku bala nei ba pöata te butu nama a pöata a omi, u nihamana i taren tere Sunahan e taia ba ranen.

Matiu 10:18

Nori e haka raroua limiou i matar u tsunono na u king te hamana uami limiou i tar, taraha u ngilngil i tar tego hatei meramien limiou u Bulungana u Niga, bate hatei has ramiou u katuun tema Jiu ri.

U Bulungana u Niga tere Iesu Kristo te kolotein e Jon 9:28

Ba nori e ranga homi naren me poeier, “Alö a katunun tsitsilo i tanen, kaba alam u katunun tsitsilo tere Mosis.

Pilipai 1:29

E Sunahan e hanigeiena, alimiou go solosei sila namia e Kristo te hamana uami limiou i tanen na te lu mena moi limiou u kamits i tanen.