Matiu 27:66 - U Bulunagana U Niga

⁶⁶ Ba nori e lar, mena harokoto kap ner a hatun pilpili na tara kiou, ba nori e haka rer a palair u soldia tegi taratara kapiin a kiou.

Matiu 27:66 Referans Kwoze

2 Timoti 2:19

Kaba a mouna u raranga tere Sunahan e ka hatagala noa hasina bate here nei u simen te ka mena a nikoloto teka: “A Tsunono e atei sil rena u katuun te pala uaier i tanen. Na katuun te poeiena e pala uana tara Tsunono e tatei laba nena a markato a omi.”

Matiu 28:2

Ba nun a tagala e songots gasina, taraha a angelo tara Tsunono e lama i Kolö me hategele ba nena a hatu, me gumna ielunen.

Matiu 27:60

Mena hakeie nen tara kiou hamatskö i tanen te hakaho naien turu lapo. Ba nonei e hategele tupe nei a matana kiou a töa hatu pan me lana.

Matiu 28:11

Tara pöata ti la poutsia a touhaliou, ba a palair u soldia e la pouts uar tara taun mena hahatei rari u pris pan a manka hoboto te butu.

Matiu 27:65

Be Pailat e poeiena i taren, “Lu raiam u soldia batena taratara kap haniga nitöa ner a kiou.”

U Bulungana u Niga tere Iesu Kristo te kolotein e Mak 16:4

Pöata ti tara len ba nori e tarer, a hatu pan koru i hategele ba hakapein.

U Bulungana u Niga tere Iesu Kristo te kolotein e Jon 20:1

Tara bongbong koru turu lan tutuun turu wik te kuhil noaia a ka, be Maria Matalina e la uana tara kioun mate. Ba nonei e tarena a hatu ti hapili kap nai a kiou i lubana ii a matana a kiou.

Revelesin 20:3

Ba angelo e lapo ba nanen tara kiou iogana me hakopena a kökopona a kiou me kits hakarapote nen, be Satan tema antunan gamo lel ranoui u katuun e antunana te kapa noua u 1,000 u hiningal. Na i murina te kapa noua u 1,000 u hiningal, ba nonei te gamon hapureseier romana a tsitabubun pöata.