Matiu 25:14 - U Bulunagana U Niga

¹⁴ Be Iesu e poeiena, “A Nipepeito tere Sunahan e here hase nei romana a katuun te katsin laba nena a han i tanen bate lauana i lehana. Ba nonei te ngö gögono rena u tson pepeito kap i tanen bate hataratara kap raneien a mamanaka i tanen.

Matiu 25:14 Referans Kwoze

U Bulungana u Niga tere Iesu Kristo te kolotein e Mak 13:34

“E kato uana romana tara katuun te la uana i lehana, ba nonei te hataratara kap ranei u katunun kukui puku i tanen a manka, bate hala raneien a man tötöa a man toukui i taren. Ba nonei te hateiena a katunun taratarakap tara tamana tego pepeitokap haniga menaien.

Epesis 4:11

Na nonei e hala nema a man nitagala teka turu katuun: a palai i hala ramei a nitagalana tara aposol, na palai a nitagalana tara propet, na palai a nitagalana tara tson hahabulungana, na palai a nitagalana tara tsonun halotu na tson hihatuts.

1 Korin 12:4

E kamena mamana mar nitagala, kaba u töa puku u Namnamei te hala ranen.

Matiu 21:33

Be Iesu e hihatuts lenina me poeiena, “Hengoiam turu tana u haharuei. A töa katuun te tuei a makumun tsiktsiki i tanen e lebei a kuin grep me kui hahise neien a ololo, me kahoena a kiou ti ron kato bulbuleia u grep. Ba nonei e kui leleiena a luman pepeito kap a pia nitöa tara kuin grep. Ba nonei e hataratara kap tuun ranei u palair u katuun a kuin grep teka me hakuin moni nanen, ba hapalana moni e la uana tara katuun terena kui. Ba nonei e la uana tara töa han i lehana.

1 Korin 3:5

Ere Apolos mere Pol, u saha u mar katuun? Alam u katunun kui tuun tere Sunahan tu hatuts railimiou tego hamana uaiam limiou i tanen. Alam a man tötöa e katoeiem a man toukui te hala railam e Sunahan.

U Bulungana u Niga tere Iesu Kristo te kolotein e Luk 20:9

Be Iesu e ranga mera nei u katuun u haharuei teka, “A töa katuun e lebei a kuin grep, be hataratara kap raneien u tsonun kukui grep me hakuin moni nanen, ba hapalana moni e la uana tara katuun terena kui. Ba nonei e la uana tara töa han i lehana mena keiena a pöata a ngahangaha koru.