Matiu 23:4 - U Bulunagana U Niga

⁴ Nori e roron hake ria a man lo a man tiama turu katuun, a man lo te kamer a toukui pan. Kaba nori ema antunan kukutieri ta töa ta pal lo tara man lo teka.

Matiu 23:4 Referans Kwoze

U Bulungana u Niga tere Iesu Kristo te kolotein e Luk 11:46

Be Iesu e ranga palisina me poeiena, “A nomi pan e butuna romana i tamilimiou has u tson hihatuts tara Lo! Alimiou e roron hake mia a man nitiama turu katuun bate lagi sösöate ren, kaba limiou e namala taguhu ramien.

Aposol 15:10

Alimiou e namots torohanan kato haraharahemiou e Sunahan tego haka mena milimiou a markato a tiama teka turu kristen. I manasa u tuburara na ra has ima antunan söate ii a mar nitiama teka.

Galesia 6:13

U katuun noahas te kukutier a markato te hapö menari a hatöatongo tere Sunahan, nori has ema kukute hamaneri a palaina a man Lo turu Jiu. Nori e ngilin hapö merari limiou tegi hatei meraien u katuun te kukute menami limiou u raranga i taren.

Matiu 23:23

“Alimiou u tson ateira tara Lo na limiou u Parasi, a niomi pan e butuna romana i tamilimiou! Alimiou u gamogamo! A mamana matsi kaan hasoksoka a matsi tetenei te kana tara kui, alimiou e roron patsike men ba limiou te halemi e Sunahan a man hamalotona a man makum. Na markato te hala menari a hamalotona makum tere Sunahan e nigana. Kaba limiou e totone miou a mar hihatuts a kapan tara Lo te markato uana teka: a markato te hamou hamatskö menari u raranga turu katuun, na markato te taatagi mera nei e Sunahan u katuun, na markato a mana.

Revelesin 2:24

“Kaba a palai i tamilimiou te karia i Taiataira tema kukutiemi u hihatuts u omi teka. Alimiou tuma hihatuts nami a ka te ngöe rien a mouna u hihatuts tere Satan. I tamilimiou alia e mar ranga uagu teka, alia ema hapona lele goi tu hakats tu tiama i tamilimiou.

Aposol 15:28

U Namnamei u Göagono na lam u mar kits menai u raranga teka: alam ema tatei hakeiemi a markato a tiama koru i tamilimiou. A man markato lasi teka tegoma katoe milimiou: alimiou go agono naiam a manka te haats ba naria turu kesa, batema tatei nou hasemi u rahatsing na haröete te kepa hamate naria i totongolonen. Na limiou goma tatei tsikolomi. Te hatalis ba nemia limiou a man markato teka, ba limiou te ka haniga mou. Nonei talasi.” U pas e mar ranga uana teka.

Matiu 23:3

Na limiou go hengoeiam a mamanaka te ranga mera rien limiou. Kaba limiou goma kukutiemi a markato i taren, taraha nori pouts ema kukutieri a man lo te hake rien i tamilimiou.

1 Jon 5:3

Te ngil korue rara e Sunahan ba ra te kukute hanigeiera u raranga i tanen. Ba u raranga i tanen tema tatei hala raneira ta nitiama