Matiu 17:4 - U Bulunagana U Niga

⁴ Be Pita e rangana me poeiena tere Iesu, “O Tsunono, e nigana te ka uariara teka. Tego ngil ia lö, ba lia te kuiegou a topisa taluhu teka, a töa i tamölö, na töa tere Mosis, na töa tere Ilaitsa.”

Matiu 17:4 Referans Kwoze

U Bulungana u Niga tere Iesu Kristo te kolotein e Luk 9:33

Pöata ti katsin laba naia a huol a katuun teka e Iesu, be Pita e poeiena i tanen, “O Tsunono, e nigana te ka uamia lam teka. Alam go kui a topisa taluhu, a töa i tamölö, na töa tere Mosis, na töa tere Ilaitsa.” Kaba e Pita ema atei sile ii a ka te ranga naien.

U Bulungana u Niga tere Iesu Kristo te kolotein e Jon 17:24

“O Tamagulia, alö u hala rema u katuun teka i tar, na lia e ngilegu nori egina ka gono meiou lia tara makum tena ka goua lia. Ba nori tena tare riou a nikapan i tar, a nikapan tu hale mei lö alia, taraha alö u ngil korueiou lia i mam te butuia a han i puta.

Revelesin 21:23

Na e möa ta pitala na ta tsihou tegi piri uu tara taun teka. Taraha? U ualesala tere Sunahan e piri nitöana, na u lam i tanen a Tunan Sipsip.

1 Jon 3:2

A man hahikapien, ara a galapien hamanasa tala tere Sunahan. Nonei ema haröto noa raneira tegina markato uu ra romana. Kaba ara e atei silera a ka teka: pöata te butu halesala nama romana e Kristo bara te tare rou a peisanen bate here hase roien.

Pilipai 1:23

Alia e hula hakats negu a ka teka. Alia e ngil koruegu tegona ka gono menai e Kristo, te niga balana.

Matiu 17:3

Be Mosis mere Elaitsa e songotei butu hasingoto ria i rehinen be ranga gono meren.

U Bulungana u Niga tere Iesu Kristo te kolotein e Jon 7:2

A pöata tara Kannouna tara Taluhu e sukusuku hamanasa.