Matiu 16:27 - U Bulunagana U Niga

²⁷ Alia lahas tu butun Katunuma te la gono meguma romana u angelo i tar turu ualesala pan tere Tamar, ba lia temi hala palis ragoui u katuun ti kato homi a ka a omi na u katuun ti kato haniga a ka a niga.

Matiu 16:27 Referans Kwoze

2 Korin 5:10

Taraha, ara hoboto ena tuol roua i matana u gumgumun onöna tere Kristo ba man tötöa tena mar hamatana meraroi ti marka uaien turu tuenreina i puta, tara pala niga tsi tara pala omi.

U pas te koloto menai e Pol turu kristenira i Rom 2:6

E Sunahan e hamatana hapopo has ranoua u katuun tara saha ka ti katoeien.

U pas te koloto menai e Pol turu kristenira i Rom 14:12

Ba ra hoboto a man tötöa te hahatei roi e Sunahan a mouna a man markato ti katoeia ra i puta.

Epesis 6:8

Ba Tsunono te hala nanou a hihol a niga turu katuun hoboto te kuir, na katuun te kui peisa mena u ngil i tanen na tara katuun has te hakuie ier.

U pas te kolotein e Jut 1:14

E Inok a hatohitina a katuun tara hun katuun tere Adam. E Inok e katoi u rangan propet me hatei mam nena u mar katuun u omi teka me poeiena, “Hengo iam. A Tsunono e la menama romana a parpara koru a angelo a göagono i tanen tegomi ona merien u katuun hoboto. Nonei emi kout rena romana u katuun hoboto te sigaler e Sunahan bate haröto nena te omi uaren, taraha nori e omier e Sunahan bate roron kato homir bate ranga hohomi naren.”

Revelesin 20:12

Na lia u tara hasi u mate ti tuol ia i matana u gumgum u göagono, na u katuun papala na u katuun pan has. Ba man buku e palateier. Na u tana u buku i palata hasi, u bukuna tara nitöatöa. Ba u mate e kout merari a manka ti koloto naia tara man buku, a manka ti katoe men i puta.

Revelesin 2:23

Alia e atung hamate has ragou u katuun te kukutier a tahol teka. Ba u katuun hoboto te lotu ria tara solona e Kristo te atei sile riou alia e tara bubutegu a bakuna a katuun na i torinen has. Ba lia te hala ragi limiou romana a man tötöa u hamatana e popona tara manka tu katoeiam limiou.

Matiu 25:31

Be Iesu e ranga lenina me poeiena, “Alia tu butun Katunuma e la guma romana bate heregi a king, u angelo hoboto e la gono has meri mou lia romana. Na nonei a pöata teka, alia e gum goa turu gumgum u göagono i tar.

U Bulungana u Niga tere Iesu Kristo te kolotein e Luk 21:27

Ba nori te tarer romana alia tu butun Katunuma e la sila guma romana turu köasi i kolö na nitagala na u ualesala pan.

U Bulungana u Niga tere Iesu Kristo te kolotein e Mak 14:62

Be Iesu e poeiena, “Nonei alia. Alimiou e tare mou romana Alia tu butun Katunuma e gum goua tara pal matou tere Sunahan te tagala koruna, ba lia te osa guma romana turu köasi na i kolö.”

U Bulungana u Niga tere Iesu Kristo te kolotein e Mak 8:38

E resi te matsingolo nariou lia na u Bulungana u Niga i tar turu katunura i romana te katoeier a mamanaka a omi, a Pien Tson te butun Katunuma ena matsingolo has ranouen romana tara pöata te la gono menamen romana u angelona turu ualesala pan tere Tamar.”

Matiu 24:30

“Ba u hiharöto i tar tu butun Katunuma te butuna romana i kolö. Ba mamana katununa i puta te matoutur romana bate taber, ba nori te tarer romana Alia tu butun Katunuma e la meguma romana u köasi i kolö na nitagala na u ualesala u kapan.

Revelesin 1:7

Taraiam! Nonei e la gono me nama u köasi. U katuun hoboto e tare rouen, na u katuun has ti sakeien u saka. A man hun katuun hobotora i puta e hakats narouen bate tonur. Aa, u mana.

Aposol 1:11

Ba huol a katuun teka e poeier, “U katunura i Galili, aha te tuol sile mi limiou bate tara sei uamiou i kolö? E Iesu te lu sei me lilei i Kolö ena mar kopis pouts has uanama romana temar la uala len i Kolö.”

Matiu 26:64

Be Iesu e poeiena i tanen, “Alö peisa has te ranga namen. Na lia e hatei ragou limiou, i murina a pöata teka ba limiou te tare mou Lia tu butun Katunuma e gum goa tara pal matou tere Sunahan te tagala koruna, ba lia te la sila guma romana turu köasi i kolö.”

1 Pita 1:17

Alimiou e roron singo uamiou tere Tamamilimiou, nonei te roron oneiena a man tötöa a man katuun tara man saha manka te katoeren, batema hakats kalakala ranei u katuun. Te markato tala uanen teka ba limiou te matoute men bate hapane men tara mamana pöata te ka mia limiou i puta.

U Bulungana u Niga tere Iesu Kristo te kolotein e Luk 22:69

Kaba i murina a pöata teka, alia tu butun Katunuma ena gum gia romana tara pal matou tere Sunahan te Tagala Soköna!”

U Bulungana u Niga tere Iesu Kristo te kolotein e Luk 9:26

Sanena ta töa ta katuun ega matsingolo naioulia na u ranga i tar, ba lia tu butun Katunuma te matsingolo has nagen romana tara pöata te la meguma lia romana u ualesala i tar na tere Tamagulia na turu angelo u göagono.

Matiu 13:49

Te markato has uaren romana tara pöata te kapana romana a han. U angelo e la rima romana batemi arena rariou u katuun u omi na u katuun u niga, bate lapo ba raria romana u katuun u omi turu pannen u tula. Ba nori te tabe hohomi ria romana turu tula bate har hasir.”

1 Tesalonaika 1:10

Nori e hatei has rari lam, alimiou e hahalosemiou a Pien Tson i tanen, tena kopis pouts namen romana i Kolö. Nonei e Iesu, e Sunahan te hatakei poutseien tara tou mate i tanen. Nonei te hatongo kap ranoua ra romana tara pöata tara nihahuna, te butuna romana a raharaha pan tere Sunahan.

1 Tesalonaika 4:16

Taraha, a Tsunono e koul menama romana i Kolö u raranga u mal, na tsunono turu angelo e ku hapan nou romana, na tuhil tere Sunahan e ling has nou romana. Na u katuun ti hamanaia tere Iesu i mam tara pöata ti mateien e takei pouts mam has riou romana.

Matiu 13:41

Alia tu butun Katunuma e hala raguma romana u angelo i tar, ba nori temi luer romana a mamana katuun te roron kato homir na u katuun has te tuke rer a palai bate kato homir, bate luba raria romana tara Nipepeito i tar.

1 Korin 8:8

A kannou ema las hasusuku mera noi ra tere Sunahan. Tema noe roira a kannou na te noe rouara a kannou ema kato haniga ranoui ra i matana e Sunahan. E möa.

Matiu 8:20

Be Iesu poeiena i tanen, “U muki u hie e kamer a man kiou i taren, na u apenar iasa e kamer a man suhana i taren. Kaba lia tu butun Katunuma, ema kamegi ta makumun soho i tar.”

U Bulungana u Niga tere Iesu Kristo te kolotein e Jon 21:22

Be Iesu e poeiena i tanen, “Te ngile gia lia nonei ega töatöa nitöa e antunana tara pöata te kopis pouts guma romana lia, a ka teka ema ka uanei i tamölö. Kukute mou lia!”

U Bulungana u Niga tere Iesu Kristo te kolotein e Jon 21:23

Ba u raranga e tala uana turu katuun hoboto tere Iesu te pei menaien alia ema antunan mate gi romana. Kaba e Iesu ema pe ii alia e Jon ema mate gi romana. E möa. Nonei e pei lasi, “Te ngile goua lia nonei ega töatöa nitöa e antunana tara pöata tena kopis pouts guma romana lia, a ka teka ema ka uanei i tamölö.”

1 Korin 3:13

Taraha, turu Lan Pan tere Kristo, ba toukui turu katuun hoboto te haröto naria romana turu ualesala. U tula te haröto nanou a toukui turu katuun hoboto, na u tula noahas te torohane nou a saha mar toukui ti katoi a man tötöa man katunun kui.

1 Korin 15:23

Kaba ara a man tötöa egi hahaloso bi a pöata hamatskö i tarara. E Kristo te takei mam, ba ra te pala uaier tere Kristo te takei pouts has roua tara pöata tena la pouts namen romana.

Kolosi 3:25

A katuun te kato homina e lu hase nou a hihol tara markato a omi i tanen. E Sunahan e ngil hoboto rena u katuun pan na u katunun kui tara manka ti katoeien.

Jemis 5:7

A matsi hahatoulana, alimiou go hahaloso hanigeiam te la pouts nama romana a Tsunono. A katuun e lebeiena a kui i tanen bate hahalosena a langits na pitala tegi kui hoboto uen. Nonei e hahaloso silena tega pan haniga uu a kannou te ngil korue nen.

1 Jon 2:28

A matsi galapien, ka gono nitöa meiam e Kristo. Taraha, a pöata tena la namen romana, aragi tuol hakarapoto bara tema tatei matsingolo roi tena tuol roua ra i matanen.