Matiu 14:19 - U Bulunagana U Niga

¹⁹ Ba nonei e ranga merena u katuun egi gum ia turu garas. Ba nonei e luena a tolima beret na huol a iena, me tara sei uana i Kolö, me haniga uana tere Sunahan. Ba nonei e posepose iena a beret me hala raneien u katunun tsitsilo, ba nori e molamola rarien u katuun.

Matiu 14:19 Referans Kwoze

U Bulungana u Niga tere Iesu Kristo te kolotein e Luk 24:30

Ba nonei e gum gono mera nen ti katsin nou uaien me luena a beret, me haniga uana tere Sunahan. Ba nonei e poseiena a beret me hala raneien.

Aposol 27:35

E Pol e ranga hakapa lasi ba nonei e luena a beret me haniga uana tere Sunahan i matar u katuun hoboto. Ba nonei e posepose nen me tanian nouna.

U Bulungana u Niga tere Iesu Kristo te kolotein e Mak 6:41

Be Iesu e luena a tolima a beret na huol a iena me tara sei uana i Kolö me haniga uana tere Sunahan. Ba nonei e posepose iena u beret me hala ranei ien u katunun tsitsilo i tanen egi molamola raien u katuun. Ba nonei e molamola haseiena a huol a iena i taren hoboto.

U pas te koloto menai e Pol turu kristenira i Rom 14:6

U katuun te poeier u töa u lan e kapanina e ngilin hapan berien a Tsunono. Na u katuun te nour e nou meri a mamana kannou tega solosei mena neien a Tsunono, taraha nori e haniga has uar tara Tsunono. Na katuun te agonona e ngilin hapan hasena a Tsunono, ba nonei te haniga has uana tere Sunahan.

Kolosi 3:17

Na tara mamanaka hoboto te katoe milimiou na te ranga namilimiou, kato mena mi tara solo tere Iesu a Tsunono ba limiou te haniga sila mia i tanen tere Sunahan e Tamarara.

1 Korin 10:16

Uain u göagono te ue rara bara te haniga uara tere Sunahan te gono ranou ra turu rahatsing tere Kristo, na beret te pose rara bate noe ren e gono has ranou ra turu tuenrei tere Kristo.

U Bulungana u Niga tere Iesu Kristo te kolotein e Luk 9:14

A pal tson peisa i antuna toumia turu 5,000. Be Iesu e poeiena turu katunun tsitsilo i tanen, “Hagum raiam u katuun, tolima u maloto tara man tötöa man hagum.”

U Bulungana u Niga tere Iesu Kristo te kolotein e Mak 7:34

Be Iesu e tara sei uana iasa i Kolö me husa takana me poeiena tara katuun, “Epata.” U ranga teka e poeiena, “Takalata.”

1 Korin 10:31

Tara pöata te nou mia limiou na te ua mia limiou, na tara mamanaka hoboto te katoe milimiou, alimiou go katoe men tara markato te solosei menari e Sunahan.

U Bulungana u Niga tere Iesu Kristo te kolotein e Jon 6:23

A man tolaala ri Taibirias i la hasukusuku uama tara makum ti nouia a beret te haniga naia a Tsunono tere Tamanen ba u katuun e töan noue ren.

U Bulungana u Niga tere Iesu Kristo te kolotein e Mak 6:39

Be Iesu e ranga merena u katunun tsitsilo i tanen egi hagum kalakala raia u katuun tara mats tötöa mats makum turu garas.

U Bulungana u Niga tere Iesu Kristo te kolotein e Jon 11:41

Ba nori e luba ner a hatu. Be Iesu e tara seina me poeiena, “O Tamar, alia e haniga uagu i tamölö te hengo mena milö alia.

U Bulungana u Niga tere Iesu Kristo te kolotein e Luk 22:19

Be Iesu e lu hasena a beret me haniga uana tere Sunahan me posepose nen. Ba nonei e hala ranen me poeiena, “Nonei u tuenrei i tar teka tena mate sil ranou limiou. Alimiou ena markato has uamou teka bate hakats pouts namou lia.”

U Bulungana u Niga tere Iesu Kristo te kolotein e Luk 9:16

Be Iesu e luena a tolima a beret na huol a iena, me tara sei uana i Kolö, me haniga uana tere Sunahan. Ba nonei e posepose ranen me hala raneien u katunun tsitsilo egi molamola raien u katuun.

Matiu 14:18

Be Iesu e poeiena, “Lu mena mumei i tar.”

U Bulungana u Niga tere Iesu Kristo te kolotein e Luk 22:17

Be Iesu e luena a kap uain me haniga uana tere Sunahan me poeiena, “Lueiam a kap teka ba limiou a man tötöa te ua mia i tanen.