Matiu 13:54 - U Bulunagana U Niga

⁵⁴ Ba nonei e la pouts uana tara han i tanen i Nasaret. Ba nonei e tanian hihatutsna tara luman lotu turu Jiu. Ba u katuun ti hengoeien e asingoto korur me poeier, “Ime te luema a katuun teka a mar niatei na mar nitagala temar kato uana teka?

Matiu 13:54 Referans Kwoze

Matiu 7:28

Pöata te ranga hakapanaia e Iesu a manka teka ba u katuun e asingoto koru ner temar hihatuts uaien.

Matiu 4:23

E Iesu e hula laia tara man han hoboto i Galili, me hihatutsna tara man luman lotu turu Jiu. Nonei e hihatutsin u Bulungana u Niga tara Nipepeito tere Sunahan bate kato haniga pouts has raiena u katuun ti ka mei a mamana mar siki.

Matiu 2:23

Ba nonei ena kana tara töa taun te ngöeri i Nasaret. A ka teka e butu sil hasi tego hatara hamana menaien u raranga ti habulunganein u propet. Nori i mar ranga uu teka, “Nonei e ngöe roi a toun Nasaret.”

Aposol 13:46

Ti markato uaien teka be Pol mere Banabas e ranga hatagala korur me poeier, “E matsköna tu hala mam merai lam alimiou u raranga tere Sunahan. Kaba limiou e tori tsuga ba namen bate kato here nami a peisamiou u katuun te raman lu ner a nitöatöa te ka nitöana. Te kato uanen teka ba lam te la hamanasam tara pala tema Jiu ri.

Aposol 4:13

Nori i asingoto koru ni timar ranga hatagala uu ere Pita mere Jon batema matout ri, me tara marei haser a huol a katuun teka ima la meia tu skul pan. Nori i asingoto koru me tara marei taleier ti lala gono menaien e Iesu i manasa.

U Bulungana u Niga tere Iesu Kristo te kolotein e Jon 1:11

Nonei e la uama turu katuun i tanen kaba nori ima ngileien.

U Bulungana u Niga tere Iesu Kristo te kolotein e Luk 2:47

U katuun hoboto ti hengoia i tanen i asingoto koruni a niatei na man ranga palis i tanen.