Matiu 13:42 - U Bulunagana U Niga

⁴² Ba nori te lapo merari romana turu pannen u tula. Ba nori te tabe hohomi ria romana turu tula teka bate har hasir.

Matiu 13:42 Referans Kwoze

Revelesin 20:10

Be Satan, te gamo raien, te lapo töatöa naroua iahana kiou pan te saputena u pannen tula u ahiin tuun. Tara makum teka e lapo mam raroua a ka a omi a töatöa na propet a gamogamo, be muriren be Satan te töan lapo naier. Ba nori te kamits homi korur romana tara lan na bong tara mamana pöata i murimuri.

Matiu 8:12

Kaba limiou u Jiu, u katuun tego kamia nonei tara Nipepeito teka, e Sunahan e tsuga mera noi limiou ielesala turu kuhil. Tena tabe hohomi moua limiou bate kutu hakarkarangake mou a liho milimiou.”

Revelesin 19:20

Na katuun te osaia tara hos na u ami i tanen i pile kapiin a ka a omi a töatöa na propet a gamogamo has te kato mami a man mirakol i matana ka a töatöa. Nonei e gamor u katuun ti ka mei a hatöatongo tara ka a omi a töatöa na ti hatsunono uu turu kesa i tanen. Na ka a omi te töatöa na propet a gamogamo has i lapo raia iahana kiou pan te saputena u tula u hiski koru.

Matiu 25:41

“Ba lia te ranga meragou u katuun tara pal keruka i tar, ‘U katuun te hamalir e Sunahan, laba nemou lia ba limiou te la uamiou turu tula te ka nitöana, ti kato hahaloso bei e Satan na u angelo i tanen.

Matiu 22:13

Ba e king e ranga merena u katunun kui i tanen, ‘Kits kap naiam a limanen na mounen ba limiou te lapo ba namien ielesala turu kuhil, tara makum te tabe hohomi nouen bate kutu hakarkarangakena a liho nen.’”

Revelesin 21:8

Kaba u pata bulbulu, na pala te hahamanar, na u katuun te hakats homir, na u hihipuli, na u tsiktsikolo na u lulu tson, na u matmatuna, na u gamogamo na u katuun te hatsunoner u kesa, a han i taren e kana romana iahana kiou pan te kulupuna u tula u ahiin u hiski koru. A ka teka nonei a hahuoluna tou mate.”

U Bulungana u Niga tere Iesu Kristo te kolotein e Luk 13:28

Alimiou e tare mou romana e Abraham ne Aisak na e Jekop na u propet hoboto te ka ria romana tara Nipepeito tere Sunahan, kaba limiou e lapo ba raria romana ielesala. Ba limiou te tabe hohomi koru miou romana bate kutu hangilngilike miou a liho milimiou.

Matiu 3:12

Nonei e katsin kato hamanasena a toukuin hamou turu wit. Nonei e lu kaakata ranou u katuun u niga na u katuun u omi. Nonei e haka ranoa u katuun u niga tara han a niga, ba nonei te tsuga mera noi u katuun u omi turu tula tema antunan hoso nari.”

Revelesin 9:2

Ba pitopito e kalatena a tamana ba u ruhu e lakasa nama tara kiou teka e here ii u tula pan. Ba u ruhu e hakuhilena a pitala na u kolö.