Matiu 10:22 - U Bulunagana U Niga

²² U katuun u parpara koru e omi rariou limiou te hamana uami limiou i tar. Kaba a katuun te hamana nitöa uana i tar, e Sunahan e lu pouts mena noien i tanen.

Matiu 10:22 Referans Kwoze

Matiu 24:13

Kaba u katuun te pile kap ner romana a markato tere Sunahan tara pöata a omi teka batema hapolaserien, e Sunahan e lu pouts mera noien i tanen.

Jemis 1:12

A katuun te hamana hanigana tara pöata te butuna a manka man omi i tanen ega sasaala. Taraha, pöata te tagala saluhe nanen a manka man omi, ba nonei tena lue nou a nitöatöa te ka nitöana te ranga hamanein e Sunahan turu katuun te ngil korue ren.

Revelesin 2:10

Möa tu matouteiam a nikamits na u tori tiama te sagohe mou limiou. Hengoiam. E Satan ena haka ranoua limiou tara karabus ba limiou te torohana rariou. A niomi teka e antunana romana turu maloto u lan. Kaba limiou go tagala sil noa hase moulia, antunana tara pöata te atung hamate rarouen limiou, ba lia te hala ragoui limiou a nitöatöa hamana.

U Bulungana u Niga tere Iesu Kristo te kolotein e Mak 13:13

Ba u katuun hoboto te pakö sil raroui limiou a solor. Kaba u katuun te pile kap hatagala nitöa ner a markato tere Sunahan tara pöata a omi teka, e Sunahan e lu pouts mera noien i tanen.”

Matiu 10:39

Esi te poeiena e ka peisa mena a nitöatöa i tanen e hatia pouts hase nouen. Kaba esi te hakats nanoulia ba nitöatöa i tanen te taiana, nonei ena sabie nou a nitöatöa hamana i tanen.”

1 Jon 3:13

A man munmun toulana, ma asingoto nami tegi pakö merai limiou u katunura i puta.

Matiu 24:9

“U katuun e hala rariou limiou romana tegi kato hakamits merai limiou, ba limiou te kato hamate rariou. Na mamana hun katuun e omi sile roi lia, alimiou.

U pas te koloto menai e Pol turu kristenira i Rom 2:7

A palair u katuun e roron kato haniga siler tegi hapan meraien e Sunahan bate solosei ranen, na tegi lu menaien a nitöatöa teka nitöana. Ne Sunahan e hala ranouien romana a nitöatöa te ka nitöana.

Hibru 6:11

Na lam e ngilem alimiou a man tötöa ego markato haniga noahas uaiam teka, antunana te butu hamana noa romana a manka te hamana silemi limiou.

U Bulungana u Niga tere Iesu Kristo te kolotein e Jon 17:14

Na lia u hala raien u raranga i tamölö. Na u katunura tara markatona i puta e omi raren, taraha nori e hereri lia: alia ema katuun uagi tara markatona i puta, na nori ema katuun has uari tara markatona i puta.

Galesia 6:9

Nonei tegima karous beira tegi kato menaira a markato a niga. Te katon töa naroara a markato a niga, ba ta töa ta pöata bara te lue rou u hamatana u niga tara toukui i tarara.

U Bulungana u Niga tere Iesu Kristo te kolotein e Luk 6:22

Sasaalaiam tara pöata te omi raria limiou, na te tori hasoala raria limiou, na te ranga homi raria limiou, na te tsuga raria limiou, te hamana uami limiou i tar, alia tu butun Katunuma.”

2 Korin 4:11

Tara mamana pöata, alam te töatöam e tokitokin töa rariou tegi atung hamate sil merai te ka uamia lam tere Iesu. E kato uana teka ba nitöatöa tere Iesu te tatei halakase ria i tuenrei mulam.

Matiu 5:11

“Alimiou te ka uamiou tara pala i tar, ba nori te ranga hohomi rariou limiou, bate kato hohomi rariou limiou, bate saka rari limiou u mamana u mar ranga u gamo, alimiou e tatei sasaala noahas miou.

Revelesin 2:17

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “A katuun te tagala saluhena, alia e hale goien a palaina a kannou te ngöeri u Mana ti hamousi. Na lia e hala hase goien a hatu a hiaka ti koloto naia a solo a tsimus i tanen. Nonei puku lahas a töa te atei sile nou a solo teka.”

U Bulungana u Niga tere Iesu Kristo te kolotein e Jon 7:7

U katuun i puta ema antunan omi rari limiou, kaba nori e omie riou lia, taraha alia e hatei ragien te omi uana a markato i taren.

U Bulungana u Niga tere Iesu Kristo te kolotein e Luk 8:15

Ba man ngal ti pururukuia turu tsiktsiki u niga e hatei nena a pala te hengoer u ranga bate hake rien turu hakhakats u niga i toriren, ba nori te pile kap hakarapoto naren. Ba u raranga te kato hanigeiena a markato turu katuun teka.”

Revelesin 3:21

A katuun te tagala saluhena, alia e haniga nagou tegona gum gono menaien lia turu gumgum u göagono i tar. Taraha, alia u tagala saluhe koru ba lia ena gum gono megu e Tamar turu gumgum u göagono i tanen.

Revelesin 2:7

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “Na tara katuun te tagala saluhena, alia e haniga negou tego na nouaien turu rueina tara nitöatöa, te kana iahana kui tere Sunahan.”

Hibru 3:14

Tegi hamana hatagala nitöa uu ra tere Sunahan ti mar hamana mam uu ra, ara e ka uara tere Kristo.

Revelesin 2:26

“A katuun te tagala saluhena bate hengo haniga nitöa nena u raranga i tar e antunana te kapana a pöata i tanen, alia e hale goien a mar nitsunono tu lue malia tere Tamar. Alia e hala hase goien a nitsunono tego tsunono hatagala hoboto menaien a man han i puta bate here noua a aien te buteiena a tabeli,

Aposol 9:16

Alia peisa te haröte goien romana a kamits pan tena lue nouen. U katuun te rama nariou lia e kato hakamitse rouen romana.”

Revelesin 2:3

Alia e atei sil hasegu alimiou e sagohe miou a kamits bate tuol hakakamoto sile miou te hamana uamia limiou i tar. Kaba limiou e tagala sil noa hase moulia batema karous mi.

U Bulungana u Niga tere Iesu Kristo te kolotein e Luk 21:17

U katuun hoboto e omi rariou limiou romana te katuun uami limiou i tar.

U Bulungana u Niga tere Iesu Kristo te kolotein e Luk 21:19

Alimiou go tuol hakarapoto sile iam a Tsunono ba nonei te lu pouts ranou limiou romana.”