Matiu 1:22 - U Bulunagana U Niga

^22-23 A mamanaka hoboto teka e butu sil korueiena tega kato hamana menaien u raranga te ranga naia a Tsunono tara töa propet i manasa. A propet e mar ranga uu teka: “Hengoiam! A tahol a kukubei tema soho gono noa menei ta tson e pika nou. Ba nonei te pose nou a pien tson, ba nori te ngöe roi a solonen e Emanuel.” A solo e Emanuel e mar mouna uana teka, “E Sunahan e ka gono mera noura.”

Matiu 1:22 Referans Kwoze

U Bulungana u Niga tere Iesu Kristo te kolotein e Luk 24:44

Ba nonei e poeiena i taren, “Nonei koru a manka teka tu ranga merai lia limiou tara pöata tu ka gono noa meraia lia limiou: a mamanaka ti koloto naia lia tara Lo tere Mosis na tara man buku turu propet na turu Sam ega butu hamana koru.”

Matiu 2:23

Ba nonei ena kana tara töa taun te ngöeri i Nasaret. A ka teka e butu sil hasi tego hatara hamana menaien u raranga ti habulunganein u propet. Nori i mar ranga uu teka, “Nonei e ngöe roi a toun Nasaret.”

Aposol 3:18

Ba tara markato teka be Sunahan te kato hantoeiena u raranga i tanen ti hatei mamin u propet hoboto, te poeiena e Mesaia ega sagohi a kamits pan, na e Sunahan e kato hamana noa hasi a ka teka.

U Bulungana u Niga tere Iesu Kristo te kolotein e Jon 18:9

Nonei e mar ranga uu teka tego kato hamana menaien u raranga te hagou ranga naien me poeiena, “O Tamagulia, alia uma hapolasei ta töa turu katuun tu hale mei lö alia.”

Matiu 13:35

A ka teka e kato hantoeiena u raranga te rangein a propet, “Alia e ranga goua turu haharuei tego ranga uu lia i taren. Alia e ranga mera gouien a manka tima atei sileien i manasa koru batemi antunana i romana.”

U Bulungana u Niga tere Iesu Kristo te kolotein e Jon 17:12

Pöata tu ka gono meraien lia, alia u tara kap raien tara nitagala i tamölö. Alia u tara kapir u katuun tu hala ramei lö alia. A töa puku a katuun te taia, temar hatei mam menaien u Buku u Göagono.

U Bulungana u Niga tere Iesu Kristo te kolotein e Jon 15:25

Nori e markato uar teka ba u raranga ti koloto naia turu Buku u Göagono te manana te poeiena, ‘Alia uma katoi taka ta omi, kaba nori i omi noa haseiou lia.’

U Bulungana u Niga tere Iesu Kristo te kolotein e Jon 10:35

Na u ranga turu Buku u Göagono ema antunan kapa nei. Na e Sunahan e pei nori u katuun ti halarai u raranga tere Sunahan i herei u sunahan.

Matiu 13:21

Kaba nori ema lu hongo menari u raranga tere Sunahan i taren, ba nori te ka taleier a tsitabubun pöata puku. Ba pöata te omi mera rien u katuun te hamana mena rien u raranga tere Sunahan bate kato hatiamer u hakhakats i taren, ba nori te tori polasa boroboro tuneren.

Matiu 12:17

A ka teka e butu sil tego kato hamana menaien u raranga ti ranga naia tere propet Aisaia. “Nonei a katunun kui i tar teka, a katuun tu hopö kapiin lia. Na lia e ngil koruegen. Na lia e hale goien u Namnamei i tar, ba nonei te habulungana has nanou a markato a matskö i tar turu katuun tema Jiu ri.

Matiu 2:15

Ba nori ena ka ria i Itsip e antunaia tara pöata tega mateia e Herot. A ka teka e butu sil tego kato hamana menaien u raranga te ranga naia a Tsunono tara propet i manasa: “Alia u ngö ba namei a pien tson i tar a han i Itsip.”

Matiu 8:17

A ka teka e butu sil tega kato hamana menaien u raranga te ranga sila naia e Sunahan tere propet Aisaia i manasa. “Nonei peisa tega luban a mamana mar siki i tarara, na nonei has tega söateien.”

Matiu 5:17

E Iesu e ranga me poeiena, “Alimiou goma poeiemi alia u la silema tegomi luba menai a man Lo tere Mosis na u raranga turu propet. E möa. Alia u la silema tegomi kato hamouna koru menaien.

U Bulungana u Niga tere Iesu Kristo te kolotein e Luk 21:22

Taraha? Nonei a man lanin hahuna teka te kato hamanena romana a manka hoboto ti ranga mamin turu Buku u Göagono.

Revelesin 17:17

Taraha? E Sunahan e habute nou romana u töa u hakats na u töa u ngil i taren ba nori te katoe riou u ngil i tanen bate hala ner a nitsunono i taren tara ka a omi a töatöa, e antunana te butu hamana noua u raranga tere Sunahan.

U pas te koloto menai e Pol turu kristenira i Rom 1:2

E Sunahan e ranga hamana noa has i manasa tego hala meraien ra u Bulungana u Niga teka. Nonei e hatei naien turu raranga turu propet i tanen turu Buku u Göagono. E Iesu i poseia tara pala tere King Devit.