U Bulungana u Niga tere Iesu Kristo te kolotein e Luk 8:47 - U Bulunagana U Niga

⁴⁷ Ba tahol e atei sil hamanasena te mous ba menaien e Iesu, ba nonei e toltololo mena a nimatout. Ba nonei ena tuhatukun nena i matana e Iesu. Na i matar u katuun hoboto, nonei e hatei e Iesu a mouna a ka te hasebele sileien i tanen, na e hatei hasin ime temar niga boroboro pouts uaien.

U Bulungana u Niga tere Iesu Kristo te kolotein e Luk 8:47 Referans Kwoze

U Bulungana u Niga tere Iesu Kristo te kolotein e Mak 5:33

Ba tahol e atei sil a ka te butuia i tanen ba nonei e toltololo koru mena a nimatout mena hatukunna i matana e Iesu me hatei neien a mamanaka hoboto te butu.

2 Korin 7:15

Na e Taitus e ngil koru lel meranoui limiou te hakats pouts mena neien tu hengo hanigan töa mena milimiou u raranga i tanen na tu toul haniga me mien limiou a nisasaala, noahasina tu matout uaiam limiou.

Hibru 12:28

Na ragi haniga uu tere Sunahan te ka uaria ra tara nipepeito i tanen tema antunan gas nari. Aragi hatsunoneien na ragi singo uu i tanen, bate hapane ren na aragi matout haseien.

1 Korin 2:3

Na pöata tu kaia lia i tamilimiou, alia uma tagala ii na lia u toltololo mei a nimatout.

Aposol 16:29

Ba tson pepeito kap e ngö silena tu alesala me piata tasuna mena tuhatukun nena i matana ere Pol mere Sailas, bate toltololo tala mena a nimatout.

Pilipai 2:12

A man hahikapien i tar, alimiou u roron hengoe moulia tu kaia lia i tamilimiou. Kaba limiou go hengo hatagala lel noahase moulia tara pöata te ka halehana bara gia lia limiou. E Sunahan e lu pouts merai limiou i tanen. Na limiou go matout iam bate kui hatagala silemiou tego hakapa haniga mena milimiou a toukui a niga tere Sunahan.

Matiu 28:8

Ba nori e la boroboro ba tuun ner a kiou, nori i matout kaba i ka noahas mei a nisasaala pan, me piata tunur tina hatei meraien u katunun tsitsilo i tanen.

U Bulungana u Niga tere Iesu Kristo te kolotein e Luk 8:46

Kaba e Iesu e pei, “A töa katuun e hasebele lala i tar. Alia e hasagohe gula a tsi nitagala e lakasa lala i tar!”

U Bulungana u Niga tere Iesu Kristo te kolotein e Luk 8:48

Be Iesu e poeiena i tanen, “A tsi tahol, a nihamana i tamölö e kato haniga poutse lalou lö. La tala, na torimölö e tatei tagolala poutsuna.”