U Bulungana u Niga tere Iesu Kristo te kolotein e Luk 7:8 - U Bulunagana U Niga

⁸ Alia has e ka gia i kopina a nitagala turu katuun pan i tar, na lia e ka has megu u soldia te ka puta ria i tar. Alia ego ranga mei a töa bate poeiegu, ‘La’ ba nonei te lana. Na lia ego ranga mei a tai, ‘Lama’ ba nonei te la nama. Na lia ego ranga mei a tsonun kui i tar, ‘Kato a ka teka’ ba nonei te katoe nen.”

U Bulungana u Niga tere Iesu Kristo te kolotein e Luk 7:8 Referans Kwoze

Kolosi 3:22

Na u katunun kukui puku, hengo raiam u katuun pan i tamilimiou tara mamanaka bate kukutemiou aha te ranga naren. Ma hengo puku rami tara pöata te peito rarien limiou tego kato hasasaala mera mien limiou. E möa. Alimiou go hengo nitöa mera mien u ngil pan i torimilimiou bate matoutemiou a Tsunono i Kolö.

Aposol 23:17

Be Pol e ngöena a töa kapten me poeiena, “Lu mena lei a pien tson teka tara tsunono turu soldia, taraha nonei e ka mena a töa ka tega hatei naien.”

Aposol 25:26

Kaba alia uma koloto noei tu pas tere Sisa a tsunono i tar, taraha alia ema atei silegi aha tego ranga sil mei lia e Pol. Balia temi piou nagien i matamilimiou, na i mata mölö bala o King Agripa. Ba pöata te kapa noa a man harangata teka balia te ka toum megou ta ka tego koloto sil mei lia e Pol.

Aposol 24:23

Nonei e rurari u hagum me ranga menei a kapten turu soldia ega hakeia e Pol tara karabus, kaba nonei e goma hakarabus hatagala korueien. Na nonei e hanigeir a man hahikapien tere Pol tegi taguhu menaien tara matsi ka te ngileien.

Aposol 23:26

“O Piliks, alö a gamman te soloseie mulam. Alia e butu gia i tamölö i romana. Alia e Klodias Lisias.

Aposol 23:23

Ba tsunono turu soldia e ngörena a huol a kapten i tanen me poeiena, “Lui a 200 tara soldia, na 70 turu katunura turu hos, na 200 turu katunura turu saka, ba limiou te takei mou i 9 kilok bate la mou i Sisaria tara bong i romana.

U Bulungana u Niga tere Iesu Kristo te kolotein e Luk 7:7

Na lia ema niga hantuegi tego la uu lia i tamölö. Alö ego hala tuun nema u raranga ba tsonun kui i tar te niga pouts nou.

U Bulungana u Niga tere Iesu Kristo te kolotein e Luk 7:9

Be Iesu e asingoto korunena te hengo menaien a man ranga teka. Ba nonei e habirits kopisina me poeiena turu katuun u para ti kukuteien, “Alia e hatei ragou limiou, alia u mamala sabe ii ta töa ta toun Israel tega ka mei u mar nihamana pan te kamena a tson teka.”

Aposol 23:31

Ba u soldia e hengoer u ranga tara tsunono i taren ba nori e luer e Pol mena piou narien tara taun i Antipatris tara bong.