U Bulungana u Niga tere Iesu Kristo te kolotein e Luk 24:47 - U Bulunagana U Niga

⁴⁷ Na ka teka i koloto hasiin: u bulungana egi hatei la naia turu hun katuun hoboto i puta bate taniana i Jerusalem. Ba u katuun te palis ba ner a man markato a man omi bate hamana uaier tere Mesaia, e Sunahan e tatei luba nena a markato a omi i taren.

U Bulungana u Niga tere Iesu Kristo te kolotein e Luk 24:47 Referans Kwoze

Aposol 5:31

Be Sunahan e lu sei mena neien iasa tara pal matou i tanen, nonei a Tson Mammam na Tson Hihitaguhu. Nonei i lu sei sileien tegi palis menai u katunura i Israel u hakats na markato a omi i taren, ne lu sei sil haseien tego luba menaien a markato a omi i taren bate tara pouts uana i taren.

Aposol 2:38

Be Pita e poeiena i taren, “Hapolasa ba neiam a man markato a man omi na man hakats a man omi i tamilimiou ba limiou tena habaptais mia tara solona e Iesu Kristo ba man markato a man omi i tamilimiou te luba nariou ba limiou te lue miou u Namnamei u Göagono i tanen.

Aposol 20:21

Alia u hatei hatagalein u ranga tara pal katuun i tar u Jiu na i tamilimiou has u Grik, tego habirits uaiam limiou tere Sunahan, na tego hamana has uaiam limiou tara Tsunono i tarara e Iesu Kristo.

Aposol 13:46

Ti markato uaien teka be Pol mere Banabas e ranga hatagala korur me poeier, “E matsköna tu hala mam merai lam alimiou u raranga tere Sunahan. Kaba limiou e tori tsuga ba namen bate kato here nami a peisamiou u katuun te raman lu ner a nitöatöa te ka nitöana. Te kato uanen teka ba lam te la hamanasam tara pala tema Jiu ri.

Matiu 28:19

Bora, alimiou go la uaiam tara man hun katuun hoboto tara mamana han bate kato ramien u katunun tsitsilo i tar. Ba limiou te baptais ramen tara solona e Tamar na tara solor, a Pien Tson i tanen, na tara solo turu Namnamei u Göagono i tanen.

Aposol 11:18

Pöata ti hengoien u ranga tere Pita, ba nori e haniga korue ren. Ba nori e soloseier e Sunahan me poeier, “U mana, e Sunahan e haniga hasir u katuun tema Jiu ri tegi habirits ba menaien a man markato a man omi ba nori te töatöa has riou!”

Aposol 26:18

Alia e hala sile goui lö tegona hatuts meraien lö u raranga i tar na tegi habirits ba menaien a man markato a man omi te here nei u kuhil. Alia e hala mena goui lö i taren tegi habirits uaien tara markato a niga te here nei u ualesala, ba lö tena habirits ba ramien a nitagala tere Satan ba nori te habirits uaier tere Sunahan. Ba lia te luba negou a man markato a man omi turu katuun te hamana ria i tar, ba nori te lue riou a makum i taren i gusuna u katuun te hopö kap berai e Sunahan a peisanen.’”

Matiu 3:2

Ba nonei e poeiena, “Alimiou go palis ba naiam a man markato a man omi. A Nipepeito tere Sunahan e sukusuku hakapa.”

1 Jon 2:12

A matsi galapien alia e koloto uagu i tamilimiou, taraha e Iesu e luba hakapein a man markato a man omi i tamilimiou.

Kolosi 1:27

E Sunahan e hanigein tego haröto meraien u katuun tema Jiu ri u bulungana te momouseien i manasa, u bulungana u mana na u niga te la has uana turu katuun hoboto. U bulungana teka nonei e Kristo te kana i tori milimiou, alimiou e luemou romana a manka man niga tere Sunahan.

Aposol 10:43

U propet hoboto i ranga naien me poeier u katuun hoboto te hamana ria i tanen, e Sunahan e luba nanou a man markato a man omi, taraha e Iesu e taguhu ranouen.”

Aposol 4:12

“E möa ta taina ta katuun tega tatei lu pouts merai u katuun tere Sunahan. Tara mamana han hoboto i puta, e Sunahan ema hanige ii ta taina ta katuun tega tatei lu pouts merai ra tere Sunahan. E Iesu puku lasi.”

Aposol 3:19

Paliseiam u hakats i tamilimiou bate habirits ua miou tere Sunahan, be Sunahan te luba nanou a man markato a man omi i tamilimiou.

Epesis 3:8

Alia e ka puta koru gia turu katuun hoboto tere Sunahan. Kaba e Sunahan e taatagi naiou lia me hale ne lia a toukui tego hahatei merai lia alimiou u katuun tema Jiu ri a manka a man kapan te nigana tere Kristo, bate haröto has ragi u katuun hoboto temar butu hamana uanou u raranga te hamouseier tere Sunahan. E Sunahan te habuti a mamanaka, e hamous u raranga teka tara man pöata i manasa noa.

Epesis 1:6

Na ragi solosei e Sunahan te taatagi meraien ra te pala uarara tara Pien Tson i tanen e Iesu Kristo.

U pas te koloto menai e Pol turu kristenira i Rom 5:20

E Sunahan e hala sile mei a Lo i tanen tegomi haröto meraien u katuun ti markato homi uaien, ba nori e töan kato koru lelir a mamana a markato a omi koru. Kaba a nihitaguhu tere Sunahan e tagala saluhe korueiena a man markato a man omi i taren.

Aposol 28:28

Be Pol e pei hasena, “Na lia e hatei ragoui limiou, a nihitaguhu teka tere Sunahan e la tala uana turu katuun tema Jiu ri, nori tena hengo riou.” Pöata te ranga hakapa ia e Pol ba u Jiu e tarurar me hiangenngenar.

Aposol 26:20

Alia u la mam uu i Damaskus mena hatei ragi u katuun tegi hakapa menaien a man markato a man omi na man hakats a man omi i taren bate habirits uaier tere Sunahan, na tegi kato menaien a manka te haröto nena ti hakapa koru menaien a markato a omi na u hakats u omi i taren. Na lia u kato has uu iesana i Jerusalem na tara man han hoboto i Judia na turu katuun has tema Jiu ri.

U Bulungana u Niga tere Iesu Kristo te kolotein e Luk 13:34

“A tei Jerusalem, a tei Jerusalem! Alimiou e roron atung hamate ramiou u propet na e titi hatu ramiou u katunun raranga te hala mera mei e Sunahan i tamilimiou. A pöata a para tu ngilin gono mera mei lia limiou i tar bate hatongo kap ragou limiou, temar gono mera nei a keriou u tuna i kopina pakapakanen. Kaba limiou u rama iam!

Matiu 9:13

Alimiou gona lue mia ta niatei temar mouna uana u raranga teka turu Buku u Göagono: ‘Alia ema ngilegi u haats tuun. Alia e ngilegu u katuun egi taatagin a taina katuun.’ Alia uma la silemei tegomi ngö merai u katuun u niga. Alia u la silema tegomi ngö merai u katuun u omi.”