U Bulungana u Niga tere Iesu Kristo te kolotein e Luk 11:19 - U Bulunagana U Niga

¹⁹ Tego tsuga ba merai lia u liliahanei u omi tara nitagala tere Belsebul, ba tara nitagala teresi te tsuga ba mera rien u katunun tsitsilo i tamilimiou? U katuun pouts i tamilimiou te haröto ner alimiou e ranga homi miou.

U Bulungana u Niga tere Iesu Kristo te kolotein e Luk 11:19 Referans Kwoze

U Bulungana u Niga tere Iesu Kristo te kolotein e Luk 9:49

Be Jon e poeiena, “O Tsunono, alam u tari a katuun e tsuga ba neia u liliahanei u omi tara solomölö. Ba lam e ranga hapiou namen. Taraha? Nonei ema pala uanei i tarara.”

U pas te koloto menai e Pol turu kristenira i Rom 3:19

Ara e atei silera a mamanaka te ranga nena a Lo tere Mosis e la uana turu katuun te kukuteier a Lo teka. A ka teka e hapiou rena u katuun hoboto te ngilin poeier, “Alia e möa ta markato ta omi.”

U Bulungana u Niga tere Iesu Kristo te kolotein e Luk 19:22

Ba katuun pan e poeiena i tanen, ‘Alö a katunun kui a omi! Alia e kout megoi lö a man ranga pouts i tamölö! Alö e atei silem alia e roron hakui hatagala koru regu u katuun, na lia e roron lu hasegu a hihol tara toukui tara tana katuun.

Matiu 4:24

Ba u katunura tara mamana han hoboto tara provins i Siria e hengo ner a toukui na u hihatuts te katoe e Iesu. Ba nori e la merarima u katuun hoboto ti ka mei a mamana mar siki, u katuun ti sagohi a mamana mar kamits, na u katuun u popolöana, nu katuun u kotskotsibong, nu katuun u matekata. E Iesu e kato haniga hoboto pouts raien.

Matiu 10:25

E nigana te kato here mena nei a katunun tsitsilo a peisanen a tson hihatuts i tanen. Na e niga hasina te kato here mena nei a katunun kukui puku a peisanen a katuun pan i tanen. Alia a katuun pan tara pal katuun i tar. Na a palair u katuun e ngö tsipone rilia e Belsebul. Te markato tala uaren teka, ba nori te ngö raroui limiou u katuun u omi koru, taraha alimiou e pala uamiou i tar.”

Aposol 19:13

Ba palair u Jiu e torohanan kato haser a mar toukui teka me poeier a solona e Iesu a Tsunono tegi hakoul meraien u liliahanei u omi turu katuun. Na nori a man töa i roron ranga u teka, “Alia e ranga hatagala koru megou lö tara solona e Iesu te roron ranga nena e Pol, koul ban!”