Kolosi 3:17 - U Bulunagana U Niga

¹⁷ Na tara mamanaka hoboto te katoe milimiou na te ranga namilimiou, kato mena mi tara solo tere Iesu a Tsunono ba limiou te haniga sila mia i tanen tere Sunahan e Tamarara.

Kolosi 3:17 Referans Kwoze

1 Korin 10:31

Tara pöata te nou mia limiou na te ua mia limiou, na tara mamanaka hoboto te katoe milimiou, alimiou go katoe men tara markato te solosei menari e Sunahan.

Kolosi 3:23

Tara mamanaka te katoe milimiou, kui hatagala koruiam. E here na alimiou ema kui mia turu katuun pan i tamilimiou kaba tara Tsunono pan i Kolö.

Epesis 5:20

Alimiou go haniga nitöa mia tere Sunahan e Tamarara, tara mamanaka na tara mamana pöata, ba limiou te katoe mien tara solona e Iesu Kristo a Tsunono i tarara.

1 Pita 4:11

A katuun te ka mena a nitagala tega habulungana menaien u raranga, ega habulungana hamatskön u raranga tere Sunahan. Na katuun te roron hitaguhuna ega hitaguhu mei a nitagala te lue nen tere Sunahan. Ba tara mamanaka a solona e Sunahan e hala sei sila naroa tere Iesu Kristo, nonei te ka nitöa mena a nikapan na nitagala tara mamana pöata. U mana.

1 Tesalonaika 5:18

Haniga nitöa uaiam tere Sunahan tara mamanaka hoboto te butuna. Taraha, alimiou u katuun tere Iesu Kristo, na e Sunahan e ngilena alimiou go haniga nitöa uaiam i tanen.

1 Pita 2:5

La uamuma i tanen bate heremi a man hatu a man niga te kuieri a luman lotu. E Sunahan e ngilin kui ranei limiou a töa luman lotu turu namnamei. Alimiou e here rami u pris u niga tere Sunahan bate kui be men tara nitagala turu Namnamei i tanen. U pris e roron haats menari a man haats a man niga tere Sunahan, na e kato has uana iesana, e Sunahan e ngilena alimiou go hala naiam a peisa milimiou i tanen, taraha e Iesu Kristo e mate sil raiou limiou.

Hibru 13:15

Ba tere Kristo aragi haats nitöa uu tere Sunahan te solosei mena reira e Sunahan te ranga uarara i tanen.

1 Jon 3:18

A matsi galapien i tar, ara gima ranga tuun nai te ngil merarira u toularara. E möa. Aragi ngil hamana raien bate taguhu raren.

1 Pita 2:9

Kaba limiou a pal katuun te hopö kapir e Sunahan, u pris tara pala turu King. Alimiou a hun katuun a gogoso tere Sunahan ti hopö kap merai tego habulungana menami a man toukui a man niga i tanen, nonei te ngö halakasa ba ramei limiou u kuhil me la uamiou turu ualesala u niga i tanen.

Pilipai 2:11

Ba u katuun hoboto te ranga riou bate poeier e Iesu Kristo te Tsunonona, ba tara markato teka ba nori te solosei riou e Sunahan e Tamarara.

Aposol 4:30

Alö go harötein a nitagala i tamölö bate kato haniga pouts rem u katuun te ka mer a siki, bate katoeiem u mamana mirakol tara nitsunono tere Iesu a katunun kui a Göagono i tamölö.”

Pilipai 1:11

Ba limiou te saputu memiou romana a man markato a man niga te habuteiena e Iesu Kristo, bate töan hapanemiou e Sunahan bate soloseie men.

Aposol 19:17

Ba u Jiu na u Grik hoboto ti kaia i Epesis e hengo ner a ka teka, ba nimatout a kapan e butuna turu katuun hoboto, ba nori e soloseier e Iesu a Tsunono.

Kolosi 1:12

Ba limiou te haniga uamiou tere Sunahan e Tamarara te hamatskö raioura na te haka beraira a manka man niga tegi lui ra, u katuun i tanen te ka ria turu ualesala.

Epesis 1:17

Alia e singosingo uagu tere Sunahan e Tamana e Iesu Kristo a Tsunono i tarara, e Tamanen te ka mena a nitsunono pan. Alia e singo silegu tego hala meraien limiou ta niatei na tego haröto menaien a peisanen i tamilimiou, ba limiou te atei sile mou e Sunahan.

Kolosi 2:7

Ba limiou te tuol hakarapoto miou bate hatagala susule muma a mouna u hakats na markato i tamilimiou. Alimiou go atei sil korueiam a markato i tanen bate hamana hatagala mia i tanen, ti mar hatuts merai limiou. Ba limiou te haniga nitöa uamiou i tanen.

Matiu 28:19

Bora, alimiou go la uaiam tara man hun katuun hoboto tara mamana han bate kato ramien u katunun tsitsilo i tar. Ba limiou te baptais ramen tara solona e Tamar na tara solor, a Pien Tson i tanen, na tara solo turu Namnamei u Göagono i tanen.

1 Jon 2:23

A katuun te tori tsuga nena a Pien Tson tere Sunahan ema katuun uanei tere Tamarara. Kaba a katuun te hatei nena e Iesu nonei a Pien Tson tere Sunahan, nonei e pala uana tere Tamarara.

U pas te koloto menai e Pol turu kristenira i Rom 1:8

Alia e hatei mam ragou limiou alia e haniga uagu tere Sunahan, te singo uagu lia i tanen tara solona e Iesu Kristo. Alia e hakats ragou limiou bate haniga uagu tere Sunahan, taraha u katuun hoboto e hengo ner te hamana uami limiou.

Hibru 1:5

E Sunahan ena mala mar ranga uai teka ta töa ta angelo i tanen bate poeiena: “Alö a pien Tson i tar. I romana alö e hatamana mia i tar.” Kaba nonei e mar ranga uu teka tara Pien Tson i tanen. Kaba nonei ema mala mar ranga uai teka ta töa ta angelo bate poeiena, “Alia e hapien nagouen, na nonei e hatamana noua i tar.” E möa. Kaba nonei e mar ranga uu teka tara Pien Tson i tanen.

1 Tesalonaika 1:1

Alam ere Pol mere Sailas na e Timoti e koloto menami u pas teka i tamilimiou hoboto, u kristenira tara taun i Tesalonaika te pala uar tere Sunahan e Tamarara, na u katuun has tere Iesu Kristo a Tsunono. Sunahan e tatei taatagi ranou limiou bate hala has ranoui limiou a masalohana.

Kolosi 3:15

Na a masalohana tere Kristo ega mammam nitöani a nitöatöa i tamilimiou. E Sunahan e ngö gögono hoboto raiou limiou tego kato menai limiou a töa a katuun bate hiakaka haniga hoboto miou. Ba limiou te haniga nitöa uamiou i tanen.