Kolosi 2:5 - U Bulunagana U Niga

⁵ E manana, u tuenrei i tar e ka halehana ba ranou limiou, kaba u hakhakats i tar e ka gonon töa mera noulimiou. Na lia e sasaala megu te atei sil mena gilia te tuol hakarapoto uami limiou bate hamana hatagala mia tere Kristo.

Kolosi 2:5 Referans Kwoze

1 Tesalonaika 2:17

A matsi hahatoulana, alam u laba ramou limiou a tsitabubun pöata puku, kaba a torimulam e matesil koruena tegona tara pouts merai lam, alimiou. Alam e kagono mera mou limiou i torimulam na turu hakats i tamulam kaba lam e ngilin tuol koru mia i matamilimiou bate tara ramou limiou.

1 Pita 5:9

Ka hatagala mia turu nihamana i tamilimiou bate tuol kakap nemiou e Satan, taraha u toulamilimiou u kristen te ka ria tara mamana han i puta e sagoho haser a mar nikamits te sagohe milimiou.

1 Korin 16:13

Kahete kap nitöaiam, bate tuol hakarapoto mia tara nihamana i tamilimiou. Möa tu matout iam, hatagala kakap nitöaiam.

Hibru 3:14

Tegi hamana hatagala nitöa uu ra tere Sunahan ti mar hamana mam uu ra, ara e ka uara tere Kristo.

1 Korin 14:40

Kaba tara mamanaka hoboto te katoe milimiou, alimiou go kato haniga korue men bate matsköna.

Hibru 6:19

A ka te hamana sile rara e hatagala sile nei a torirara tegi ka gono nitöa menai ra e Sunahan. Na ka te hamana sile rara e ka hamatsköna te kana e Sunahan. E here nei a pöata te la hapalis uana a tsunono pan turu pris i hapalana u labalaba pan te kutena bate tasuna tara makum te göagono koruna.

1 Tesalonaika 3:8

Na te kato nitöa uamou limiou teka, ba torimulam te niga nitöa hasi nou.

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

Kolosi 2:1

Na lia e ngilin hatei ragi limiou, alia u kui hatagala sil koru rilimiou na u katuun hasira i Laodisia te hamanar, na u katuun has tima tara noaia i matar.

1 Korin 11:34

Te bes koruna a töa katuun, nonei e tatei nou mam nama i luma i tanen. Nonei ena mots nou mamna turu hagum ba limiou te lue mou a nihahuna tere Sunahan. A man tana man harangata ena hamatskö mote goulia tara pöata tena la romana guma lia i tamilimiou.

Aposol 2:42

Nori i ha hengo hanigan töaia turu hihatuts turu aposol bate singo gono meraren tere Sunahan, na nori i nou gono has mer u aposol.

Aposol 20:21

Alia u hatei hatagalein u ranga tara pal katuun i tar u Jiu na i tamilimiou has u Grik, tego habirits uaiam limiou tere Sunahan, na tego hamana has uaiam limiou tara Tsunono i tarara e Iesu Kristo.