U Bulungana u Niga tere Iesu Kristo te kolotein e Jon 9:22 - U Bulunagana U Niga

²² U muntahol i mar ranga uu teka taraha nori i matoutir u katuun pan turu Jiu. A pal kapan i hatangana hoboto hakapein tegi tsuga mei ta katuun i luman lotu tego pei menaien e Iesu nonei e Mesaia te hala nema e Sunahan.

U Bulungana u Niga tere Iesu Kristo te kolotein e Jon 9:22 Referans Kwoze

U Bulungana u Niga tere Iesu Kristo te kolotein e Jon 16:2

Nori ena hapiou ba raroui limiou a man luman lotu, na nori e kato hamate has rariou a palai i tamilimiou bate poeier, ‘Alam u kato mei a ka teka tegi solosei menai e Sunahan.’

U Bulungana u Niga tere Iesu Kristo te kolotein e Jon 7:13

U katuun ima ranga halakasa nai a solona e Iesu turu katuun hoboto taraha, nori i matoutir a pal kapan turu Jiu.

U Bulungana u Niga tere Iesu Kristo te kolotein e Luk 6:22

Sasaalaiam tara pöata te omi raria limiou, na te tori hasoala raria limiou, na te ranga homi raria limiou, na te tsuga raria limiou, te hamana uami limiou i tar, alia tu butun Katunuma.”

U Bulungana u Niga tere Iesu Kristo te kolotein e Jon 9:34

Ba nori e ranga sisi naren me poeier, “Alö i poseia iahana a markato a omi koru! E möa koru tego hatuts merai lö alam!” Ba nori e kute halakasa ba narien a luman lotu.

Revelesin 21:8

Kaba u pata bulbulu, na pala te hahamanar, na u katuun te hakats homir, na u hihipuli, na u tsiktsikolo na u lulu tson, na u matmatuna, na u gamogamo na u katuun te hatsunoner u kesa, a han i taren e kana romana iahana kiou pan te kulupuna u tula u ahiin u hiski koru. A ka teka nonei a hahuoluna tou mate.”

Aposol 5:40

Ba nori e ngö hatasu pouts raier u aposol me hasingata raren. Ba nori e ranga hatagala mera rien tegima kato lel menaien u ranga tara solona e Iesu, ba nori e hapurese raren.

Aposol 5:13

U katuun tima hamana ii ima la ua ii ti kaien kaba nori i hala raien u pannen koru u tara marei.

Aposol 4:18

Ba nori e ngö hatasu pouts raren, me ranga hatagala mera rien tegima rarare lel menaien e Iesu, na tegima hihatuts lel has menaien a solonen.

U Bulungana u Niga tere Iesu Kristo te kolotein e Jon 20:19

Nonei noahas turu lan, alam u katunun tsitsilo u matoutir u Jiu, me hapili raiem u tamana tara luma tu kaia lam. A pitala e tsiruku hakapa nonei turu lan tutuun turu wik teka, be Iesu e butuna me tuolna i gusu mulam me poeiena i tamulam, “A masalohana e tatei ka gono mera noulimiou.”

U Bulungana u Niga tere Iesu Kristo te kolotein e Jon 19:38

Pöata te kapaia a manka teka, be Josep a katununa tara taun i Arimatia ena rangatena e Pailat tego lu menaien u tuenrei tere Iesu. E Josep a töa katunun tsitsilo tere Iesu, kaba nonei e matoutir u Jiu me hamousena a nihamana i tanen. Be Pailat e hanigana, be Josep e lana mena lu hakouleiena u tuenrei tere Iesu.

U Bulungana u Niga tere Iesu Kristo te kolotein e Jon 1:19

Turu töa u lan a pal kapan turu Jiu i Jerusalem i hala mera mei u pris na u Livai tere Jon. Ba nori e rangate ren me poeier, “Alö esi? Alö e Mesaia tega la uama i puta?”

U Bulungana u Niga tere Iesu Kristo te kolotein e Jon 9:18

Kaba u Jiu i hahamanen a katuun a matakiou na i hahamana hasiin te kalata pouts uu a matanen. Ba nori e ngöer e tsinanen ne tamanen.

U Bulungana u Niga tere Iesu Kristo te kolotein e Jon 9:21

Kaba alam ema atei silemi temar tara pouts uanen, na lam ema atei sil hasemi esi te kato hakalata poutse lala a matanen. Alimiou go rangata peise men. Nonei e pan hakapa. Nonei e antunan ranga peisana.”

U Bulungana u Niga tere Iesu Kristo te kolotein e Jon 9:35

E Iesu e hengoein ti tsuga menaien ba nonei ena sabiena a katuun teka ba nonei e poeiena, “Alö e hamana has uam tara Pien tere Sunahan?”