U Bulungana u Niga tere Iesu Kristo te kolotein e Jon 5:23 - U Bulunagana U Niga

²³ Ba u katuun te tatei hapaner a Pien temar hapan has meraien e Tamaren. E si tema hapane nei a Pien ema hapan hase nei e Tamanen te tula namen.”

U Bulungana u Niga tere Iesu Kristo te kolotein e Jon 5:23 Referans Kwoze

1 Jon 2:23

A katuun te tori tsuga nena a Pien Tson tere Sunahan ema katuun uanei tere Tamarara. Kaba a katuun te hatei nena e Iesu nonei a Pien Tson tere Sunahan, nonei e pala uana tere Tamarara.

U Bulungana u Niga tere Iesu Kristo te kolotein e Luk 10:16

Be Iesu e poeiena turu katunun tsitsilo i tanen, “U katuun te hengo rariou limiou e hengo hase riou lia, na u katuun te tori hasoala rariou limiou e tori hasoala has nariou lia. Na u katuun te tori hasoala narioulia e tori hasoala has ner e Sunahan te haleie moulia.”

2 Jon 1:9

A katuun te poeiena u hihatuts tere Kristo ema antuna neia turu ngilngil i tanen bate kato silena u tana u hihatuts, e Sunahan ema ka neia tara katuun teka. Kaba a katuun te kukute nitöanena u hihatuts tere Kristo nonei e ka uana tere Tamarara na Pien Tson i tanen.

Matiu 11:27

“A mamanaka hoboto teka e Tamar te hale meien lia. Na e möa ta taina ta katuun tega atei sileiou lia, a Pien Tson tere Sunahan. E Tamar puku lahas. Na e möa has ta katuun tega atei sil e Tamar. Alia puku lahas a Pien Tson i tanen te atei silegen, na eresi tu onarilia te haröto ragoui lia e Tamar.

Hibru 1:6

A Pien Tson tere Sunahan e pan saluhena tara mamanaka hoboto, na pöata te katsin hala mena meien e Sunahan i puta, be Sunahan e poeiena, “U angelo hoboto i tar egi hatsunono uu i tanen.”

Epesis 6:24

E Sunahan e tatei taatagi rena u katuun hoboto, ba u ngilngil i taren tere Iesu Kristo a Tsunono i tarara tema antunan kapa nei. Nonei talasi. Alia e Pol

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita

U pas te koloto menai e Pol turu kristenira i Rom 8:9

Kaba u ngilngilina i puta ema hakui lel ranei limiou. U Namnamei tala tere Sunahan te hakui ranou limiou. Na te ka na u Namnamei tere Sunahan i tori milimiou, nonei u Namnamei teka te mammam ranou limiou. Ba esi tema ka menei u Namnamei tere Kristo, nonei ema katuun uanei i tanen.

1 Korin 10:31

Tara pöata te nou mia limiou na te ua mia limiou, na tara mamanaka hoboto te katoe milimiou, alimiou go katoe men tara markato te solosei menari e Sunahan.

U pas te koloto menai e Pol turu kristenira i Rom 6:22

Kaba i romana alimiou e hapolasa ba namiou a man markato a man omi, bate kui hatagala muma tere Sunahan. Na markato teka e habutena a markato a göagono tere Sunahan i tamilimiou, ba nonei te hala ranoui limiou a nitöatöa te ka nitöana.

U Bulungana u Niga tere Iesu Kristo te kolotein e Jon 16:14

Nonei e söata seie nou romana lia, taraha nonei e luenou a manka i tar bate haröto ranoien limiou.

1 Korin 6:19

U tuenrei i tamilimiou a luman lotu turu Namnamei u Göagono te kana i tori milimiou, u Namnamei te halani e Sunahan. U tuenrei i tamilimiou ema ka uanei i tamilimiou. E möa. E ka uana tere Sunahan.

Matiu 12:21

Na u katuun tema Jiu ri e hamane roen bate hahalose ren.”

2 Timoti 1:12

Na nonei a ka te sagoho sila nagia lia a kamits. Kaba alia ema matsingologi, taraha, alia e atei silegu esi te hamana gia lia, na lia e atei sil hasegu nonei e antunan tara kap haniga nena a mamanaka te hataratara kap naien lia, e antunana turu Lan Pan tere Sunahan.

2 Korin 13:14

A Tsunono e Iesu Kristo e tatei taguhu ranou limiou, na e Sunahan e tatei taatagi has ranou limiou, na u Namnamei u Göagono e tatei ka haniga has mera noulimiou hoboto. Alia e Pol

2 Korin 5:19

E mar ranga uana teka, e Sunahan e nolo pouts sila has raia u katuun tanen i puta tere Kristo. Nonei ema hakats nai a man markato a man omi i taren. E möa. Ba nonei e hala ranei lam u raranga tegi mar nolo pouts merai u katuun bate la pouts ruma i tanen.

2 Korin 1:9

U mana koru, alam u pei lasi alam go mate. Kaba a ka teka i kato sile ii alam goma tatei hamanaia i oulumulam, kaba lam go hamanaia tere Sunahan, te hatakeiena a katuun te matena.

1 Korin 1:3

A nikalala na masalohana tere Sunahan e Tamarara, na Tsunono e Iesu Kristo e tatei kagono me ranou limiou.

U Bulungana u Niga tere Iesu Kristo te kolotein e Jon 14:1

“Alimiou goma tokumi. Hamana uaiam tere Sunahan na i tar.

Matiu 10:37

“A katuun te ngil koruena e tamanen na e tsinanen, batema ngile nei lia, nonei ema katuun hamana uanei i tar. Na katuun te ngil koruena a pien tson i tanen na pien tahol i tanen batema ngile nei lia, nonei ema katuun hamana uanei i tar.

2 Korin 5:14

E Kristo e ngil koru ranoura, nonei a ka teka te hakui ranou lam. Taraha, alam e atei silem e Kristo e mate silir u katuun hoboto. Na ka teka e poeiena u katuun hoboto i mate hakapa.

1 Korin 16:22

Esi te rama nena a Tsunono, egi korupakö ni. O Tsunono i tamulam, lama!

U pas te koloto menai e Pol turu kristenira i Rom 15:12

Na e Aisaia a propet e pei hasi: “A töa hatutubunei tere Jesi e la nama romana. Nonei e söata sei sile roi romana tega tsunono meraien u katuun tema Jiu ri. Ba nori te hamane rouen.”

U pas te koloto menai e Pol turu kristenira i Rom 1:7

Alia te koloto uagu i tamilimiou hoboto u katuun te ngil koru raiena e Sunahan te ka mia tara taun i Rom. E Sunahan e ngö sil railimiou tego katuun uaiam limiou i tanen pepeisa. Ne Sunahan e Tamarara na e Iesu Kristo a Tsunono, e tatei taatagi rariou limiou na e tatei hala has rari limiou a masalohana.

U Bulungana u Niga tere Iesu Kristo te kolotein e Jon 17:10

U katuun hoboto i tar u katuun has i tamölö, na u katuun hoboto i tamölö u katuun has i tar. Na nori te haröto ner a nikapan i tar.

Matiu 28:19

Bora, alimiou go la uaiam tara man hun katuun hoboto tara mamana han bate kato ramien u katunun tsitsilo i tar. Ba limiou te baptais ramen tara solona e Tamar na tara solor, a Pien Tson i tanen, na tara solo turu Namnamei u Göagono i tanen.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.