U Bulungana u Niga tere Iesu Kristo te kolotein e Jon 2:2 - U Bulunagana U Niga

² E Iesu na u katunun tsitsilo i tanen i ngö has merai nonei tara hitöl teka.

U Bulungana u Niga tere Iesu Kristo te kolotein e Jon 2:2 Referans Kwoze

Kolosi 3:17

Na tara mamanaka hoboto te katoe milimiou na te ranga namilimiou, kato mena mi tara solo tere Iesu a Tsunono ba limiou te haniga sila mia i tanen tere Sunahan e Tamarara.

1 Korin 7:39

A tahol e kits mena tson i tanen tara pöata te tötöa noa na a tson i tanen. Kaba te matena a tson i tanen, ba tahol te tatei hitöl mena tana tson tega ngil uaien. Kaba nonei ega hitöl mei a tson te hamanana.

Hibru 13:4

Alimiou hoboto ego hagöagoneiam a markatona tara hitöl bate hiahamhamana namiou a peisa milimiou. A tson na tahol egima sake lel lanai ta taina ta tahol tsi ta taina ta tson gi soho gono meien. Taraha e Sunahan e hahunei nou a tson na tahol temar kato uaier teka.

1 Korin 10:31

Tara pöata te nou mia limiou na te ua mia limiou, na tara mamanaka hoboto te katoe milimiou, alimiou go katoe men tara markato te solosei menari e Sunahan.

Matiu 25:45

Ba lia te ranga palis meragouen bate peigou i taren, ‘Alia e hatei hamana koru ragou limiou, a pöata tu raman katoe mia limiou a markato teka ta töa tara man hahatoulana i tar, alimiou u raman kato be hase mien lia.’

Matiu 25:40

“Ba lia te ranga palis ragouen bate peigou i taren, ‘Na lia e hatei hamana koru ragou limiou, tu katoe mia limiou a markato teka ta töa tara man hahatoulana i tar, alimiou u kato be mien lia.’

Matiu 12:19

Kaba nonei ema ku hapan noi na ema ngala hapan has noi. Na e möa nou ta katuun tego hengo u raranga i tanen tara man maroro.

Revelesin 3:20

“Hengoiam! Alia e tuol gia tara tamana bate porporokogu. Te hengo marei noa a katuun a mar ranga i tar bate kalatena a tamana, ba lia e tasu gou ba lam tena nou hobotom.

U Bulungana u Niga tere Iesu Kristo te kolotein e Jon 2:3

Pöata te kapaia a uain, be tsinana e Iesu e poeiena i tanen, “A uain i taren e kapa.”

U Bulungana u Niga tere Iesu Kristo te kolotein e Jon 2:12

I murina te kapaia a hitöl, be Iesu e la gono meiena e tsinanen, nu toulanen na u katunun tsitsilo i tanen i Kapenium tina gamon kaien a tsi tabubun pöata.

U Bulungana u Niga tere Iesu Kristo te kolotein e Jon 2:17

Ba u katunun tsitsilo i tanen e hakats pouts ner u raranga turu Buku u Göagono te poeiena, “A torir e matesil koruena a luma tere Sunahan ega ka haniga nitöa.”

U Bulungana u Niga tere Iesu Kristo te kolotein e Jon 2:22

Na i murimuri, te hatakei poutsia e Sunahan e Iesu tara tou mate i tanen, ba u katunun tsitsilo i tanen e hakats pouts ner te kato menaien u raranga teka. Ba nori e töan hamaner u Buku u Göagono nu raranga tere Iesu.

U Bulungana u Niga tere Iesu Kristo te kolotein e Jon 3:22

Ba i murinen, be Iesu na u katunun tsitsilo i tanen e la hoboto uar tara provins i Judia. Ba nori ena ka ria tara han teka me baptais raier u katuun.

U Bulungana u Niga tere Iesu Kristo te kolotein e Jon 4:2

E Iesu ema baptais rai u katuun, u katunun tsitsilo i tanen lasi ti baptais raien.

U Bulungana u Niga tere Iesu Kristo te kolotein e Jon 4:33

Ba u katunun tsitsilo i tanen e hiarangrangatar me poeier, “Ta katuun toum romana e hale laleien ta kannou?”

U Bulungana u Niga tere Iesu Kristo te kolotein e Jon 6:8

Ba töa katunun tsitsilo i tanen, e Endru e toulana e Saimon Pita, e poeiena i tanen, “A töa pien tson e kana teka, e ka mena a tolima a bali beret na huol a iena. Kaba ema antuna noi tara katuun a parpara koru teka.”

U Bulungana u Niga tere Iesu Kristo te kolotein e Jon 6:12

Pöata ti nou hantuna hakapaien, ba nonei e ranga meraiena u katunun tsitsilo i tanen me poeiena, “Gone muma a mats nouba, ara gima kato baba naien.”

U Bulungana u Niga tere Iesu Kristo te kolotein e Jon 6:16

Pöata te lahi ia ka, ba u katunun tsitsilo tere Iesu e gala uar i ramun.

U Bulungana u Niga tere Iesu Kristo te kolotein e Jon 6:60

A pöata ti hengoeia u katunun tsitsilo i tanen u ranga teka ba nori e poeier, “U hihatuts teka e tagala koruna. Esi te hanige noen?”

U Bulungana u Niga tere Iesu Kristo te kolotein e Jon 6:66

Tara markato teka ba para koru a katuun turu katuun ti kukute la naien e talous ba naren mema kute lele rien.

U Bulungana u Niga tere Iesu Kristo te kolotein e Jon 6:67

Be Iesu e rangata rena a maloto na huol a katunun tsitsilo i tanen me poeiena, “Alimiou has e ngilin la miou?”

U Bulungana u Niga tere Iesu Kristo te kolotein e Jon 6:70

Be Iesu e ranga palis ranen me poeiena, “Alia u hopö kap riou limiou a maloto na huol a katuun. Kaba a töa i tamilimiou a katuun tere Satan.”

U Bulungana u Niga tere Iesu Kristo te kolotein e Jon 6:71

Nonei e rangein e Judas a pien tere Saimon Iskariot. E manana, nonei a töa tara maloto na huol a katunun tsitsilo tere Iesu, kaba nonei tena harötein e Iesu turu katuun ti korupakö naien.

U Bulungana u Niga tere Iesu Kristo te kolotein e Jon 7:3

Ba u toulana e Iesu e poeier i tanen, “La ban a han teka balö te lauam i Judia ba u katunun tsitsilo i tamölö te tatei tara haseier a man mirakol te katoe mölö,

Aposol 11:26

Nonei e sabeien memi piou nanen i Antiok. Ere Banabas mere Sol i ka gono mer u katuun tere Iesu i Antiok turu töa u hiningal u ohots, me hatuts rari u katuun u parpara, u raranga tere Sunahan. U katunun tsitsilo tere Iesu i ngö tutuun raia u kristen nonei tara taun teka.

Aposol 11:29

Ba man tötöa man kristen hobotor i Antiok e kitser u ranga tegi hala hapopo naien u monin hitaguhu turu kristenira i Judia.