U Bulungana u Niga tere Iesu Kristo te kolotein e Jon 15:25 - U Bulunagana U Niga

²⁵ Nori e markato uar teka ba u raranga ti koloto naia turu Buku u Göagono te manana te poeiena, ‘Alia uma katoi taka ta omi, kaba nori i omi noa haseiou lia.’

U Bulungana u Niga tere Iesu Kristo te kolotein e Jon 15:25 Referans Kwoze

U Bulungana u Niga tere Iesu Kristo te kolotein e Luk 24:44

Ba nonei e poeiena i taren, “Nonei koru a manka teka tu ranga merai lia limiou tara pöata tu ka gono noa meraia lia limiou: a mamanaka ti koloto naia lia tara Lo tere Mosis na tara man buku turu propet na turu Sam ega butu hamana koru.”

2 Korin 11:7

Alia u kato homi, tu hala puta menai a peisar tego hapan merai lia limiou bate rarare pukpukuegu u Bulungana tere Sunahan i tamilimiou? E möa.

Revelesin 21:6

Ba nonei e pei lelena, “E kapa tala! Alia a Hatania na a Kapakapa. Esi te makana alia e haue gouen u ramununa tara nitöatöa te bututuna na tema holeri.

Revelesin 22:17

U Namnamei tere Sunahan e poeiena, “Lama!” Na hun katuun tere Iesu te hereri a tahol te katsin hitöluna e poeier, “Lama!” Na esi te hengoena a ka teka ega pei hasi, “Lama!” La muma, u katuun hoboto te makar. Eresi te ngilin uar emi tatei ueier u ramununa tara nitöatöa te möa ta hihol.

2 Tesalonaika 3:8

Alam u hol peisa a kannou hoboto i tamulam. Alam u kuin moni hatagala koru mei a lan na bong. Taraha, alam uma ngilei ta töa i tamilimiou go hanou pukpuku raiou lam.

Galesia 2:21

Alia ema ngilin katoegi a nitaatagi tere Sunahan a ka pinopino. Tega kato haniga raira a Lo tere Mosis ba ra te butu haniga ria i matana e Sunahan, bora, ge Iesu e mate pinopino tala.

U pas te koloto menai e Pol turu kristenira i Rom 3:24

Na e Sunahan e kato hamatskö has rena u katuun, taraha nonei e taatagi ranen. Na e Iesu e sakahis hakapa pouts raien kaba ema holeri.

U pas te koloto menai e Pol turu kristenira i Rom 3:19

Ara e atei silera a mamanaka te ranga nena a Lo tere Mosis e la uana turu katuun te kukuteier a Lo teka. A ka teka e hapiou rena u katuun hoboto te ngilin poeier, “Alia e möa ta markato ta omi.”

U Bulungana u Niga tere Iesu Kristo te kolotein e Jon 10:34

Be Iesu e palis ranen me poeiena, “I koloto hakapa naia turu Buku u Göagono i tamilimiou te pei mei e Sunahan, ‘Alimiou e heremi u sunahan.’

U Bulungana u Niga tere Iesu Kristo te kolotein e Jon 19:36

A ka teka e butu bate kato hamanena u raranga turu Buku u Göagono te poeiena, “E möa tu töa tu tsinö i tanen tegi tatei peko romani.”

Matiu 10:8

Alimiou go kato haniga pouts raiam u katuun te ka mer a siki na ego hatakei pouts has raiam u katuun ti mate. Ba limiou te kato haniga pouts ramiou u katuun u toba bate tsuga ba has ramiou u liliahanei u omi. Alimiou uma hole mi a nihitaguhu alimiou u lu pukpukuemen, na taguhu tala raiam u katuun bate ma luemi ta hihol.

U Bulungana u Niga tere Iesu Kristo te kolotein e Jon 13:18

“U raranga teka ema la uanei i tamilimiou hoboto. E möa. Alia e atei silegu u katuun tu hopö kapir lia. Na u ranga turu Buku u Göagono e butu hamana nou te poeiena, ‘A katuun te nou gono meiou lia ena haröto nanoua lia turu katuun te paköe riou lia.’