U Bulungana u Niga tere Iesu Kristo te kolotein e Jon 15:10 - U Bulunagana U Niga

¹⁰ Te hengon töa namoua limiou u raranga i tar ba lia te ngil koru noahas ragou limiou, tu mar hengo has mei lia u raranga tere Tamar, be Tamar te ngil koru hase noulia.

U Bulungana u Niga tere Iesu Kristo te kolotein e Jon 15:10 Referans Kwoze

U Bulungana u Niga tere Iesu Kristo te kolotein e Jon 14:15

Be Iesu e pei lelena, “Te ngile mia limiou alia, hengoeiam u raranga i tar.

1 Jon 5:3

Te ngil korue rara e Sunahan ba ra te kukute hanigeiera u raranga i tanen. Ba u raranga i tanen tema tatei hala raneira ta nitiama

1 Jon 2:5

Kaba a katuun te hengo hanigeiena u raranga tere Sunahan, nonei a katuun te ngil hamana korueiena e Sunahan. Na katuun te ngilin atei sil korueiena tega ka haniga gono menaien e Sunahan, nonei e tatei hengoena u raranga i tanen.

2 Pita 2:21

Ega mala niga balein tegima atei sil mam menaien a maroro a matskö. Ga e omi tala mena te gamon atei sil mena rien a maroro a matskö bate töan tori hasoala lel ner u raranga u göagono ti hala raien.

U Bulungana u Niga tere Iesu Kristo te kolotein e Jon 8:29

Na e Tamar e ka gono has menou lia. Nonei ema laba nai lia, taraha alia e roron katoegu a mamanaka te ngile nen.”

U Bulungana u Niga tere Iesu Kristo te kolotein e Jon 4:34

Be Iesu e ranga uana i taren me poeiena, “Alia e kato begu a toukui tere Sunahan te tula na moulia, e antunana tena kapa nen. Nonei a kannou i tar teka.

1 Tesalonaika 4:1

Na kapakapana u raranga a matsi hahatoulana e markato uana teka, alam u hatuts railimiou te markato uana a katuun te hanigeiena e Sunahan. Na u mana koru, alimiou e markato uamiou teka. Alam e ranga hatagala koru mera moulimiou tara solona a Tsunono e Iesu, alimiou go markato haniga noahas uaiam teka.

U Bulungana u Niga tere Iesu Kristo te kolotein e Jon 17:4

Alia u söata seia lö i puta, taraha alia u kato a mamanaka hoboto tu hatei lö alia.

U Bulungana u Niga tere Iesu Kristo te kolotein e Jon 14:31

Kaba alia e katoegu a mamanaka te ranga memei lia e Tamar tego kati lia, ba u katuun hoboto te atei siler alia e ngil koruegu e Tamar. “Takeiam, bara te lara.”

U Bulungana u Niga tere Iesu Kristo te kolotein e Jon 12:49

Alia ema ranga nagi u raranga peisa i tar. E möa. E Tamar te hale moulia te hatei nelia a ka tego rangein lia.

Revelesin 22:14

U katuun te galuser u hasobö i taren egi sasaala. Nori te tatei tasu ria tara tamana tara taun na e tatei nou ria tara huana u rueina tara nitöatöa.

U Bulungana u Niga tere Iesu Kristo te kolotein e Jon 14:21

A katuun te hengoena u raranga i tar bate kukutie nen, nonei a katuun teka te ngile noulia. Be Tamar te ngil hase nou a katuun te ngile noulia, na lia has e ngile gouen ba lia te hatare goien a peisar.”

1 Korin 7:19

Taraha, u hapö na tema hapö uamilö a ka tetenei koru. A ka lasi te pan koruna, tegi hengo haniga menai ra u raranga tere Sunahan.

Hibru 7:26

Na e niga koruna te ka menareira a pris a kapan koru te göagono koruna na tema ka töa koru menei ta ka ta omi i tanen na e möa ta ka tega kato homieien na e ka halhal barena u katuun u omi. Na nonei e söata sei korue ria tara han tere tamanen i Kolö.

U Bulungana u Niga tere Iesu Kristo te kolotein e Jon 8:55

Alimiou ema atei silemi e Sunahan, kaba lia te atei sile gen. Sanena alia go pei, ‘Alia ema atei sile gien,’ ba lia te gamogamo here has ragi limiou. Kaba alia e atei silegu e Sunahan na lia e kukute hasegu u raranga i tanen.

U Bulungana u Niga tere Iesu Kristo te kolotein e Jon 10:18

E möa ta katuun ga antunan atung hamate naiou lia turu ngil i tanen. Alia peisa te hala nagou a peisar tara tou mate. Alia e ka megu a nitagala tego haniga uu lia ba u katuun te atung hamatie riou lia, na lia e ka has megu a nitagala tego töatöa pouts uu lia. Nonei a ka te ranga mei lia e Tamar tego katoi lia.”

U Bulungana u Niga tere Iesu Kristo te kolotein e Jon 14:23

Be Iesu e ranga palisenen me poeiena, “Ere si te ngile riou lia te hengoe riou u raranga i tar, be Tamar te ngil has ranouen, na lam ena la has muma romana batemi kui luma mia i taren.

1 Jon 2:3

Te hengo hanige riara u raranga tere Sunahan, ara e atei silera ara u katuun hamana i tanen.

1 Jon 2:6

Esi a katuun te poeiena nonei e ka gono mena e Sunahan, a katuun teka ega markato has uu te markato uu e Iesu.