U Bulungana u Niga tere Iesu Kristo te kolotein e Jon 10:3 - U Bulunagana U Niga

³ Na katunun pepeito kap tara tamana e kalata nanei a katuun teka a tamana. U sipsip hoboto e atei siler temar ling uana a runguna a katunun pepeito kap i taren, na nonei e atei sil hoboto rena a man sipsip i tanen ne ngö has raneien a man tötöa a man solo i taren ba nori te kukutie ren bate lakasar.

U Bulungana u Niga tere Iesu Kristo te kolotein e Jon 10:3 Referans Kwoze

2 Timoti 2:19

Kaba a mouna u raranga tere Sunahan e ka hatagala noa hasina bate here nei u simen te ka mena a nikoloto teka: “A Tsunono e atei sil rena u katuun te pala uaier i tanen. Na katuun te poeiena e pala uana tara Tsunono e tatei laba nena a markato a omi.”

U Bulungana u Niga tere Iesu Kristo te kolotein e Jon 10:4

Pöata te halakasa hakapa hoboto relalen a man sipsip i tanen ba nonei te mammam ranen ba u sipsip i tanen te kukute ren taraha nori e atei siler a mar ling tara rungunen.

U Bulungana u Niga tere Iesu Kristo te kolotein e Jon 10:16

A palair u katuun has i tar e ka ria ielesala tara ololon sipsip i tar. Alia ena peigi has ragumen romana ba nori te hengoe riou u raranga i tar. Bate ka menou a töa puku a heis sipsip na töa puku a katunun pepeito kap i taren.

U Bulungana u Niga tere Iesu Kristo te kolotein e Jon 10:14

“Alia e heregi a katunun pepeito kap a niga turu sipsip te atei sil rena u sipsip i tanen na u sipsip i tanen e atei sil hase ren. Alia e atei sil regu u katuun te hamana uar i tar ba nori te atei sil hase riou lia. Na e markato has uana iesana tere Tamar. Nonei e atei sile noulia na lia e atei sil hase gen. Na lia e mate sil ragou u katuun i tar.

Revelesin 3:20

“Hengoiam! Alia e tuol gia tara tamana bate porporokogu. Te hengo marei noa a katuun a mar ranga i tar bate kalatena a tamana, ba lia e tasu gou ba lam tena nou hobotom.

Revelesin 7:17

Taraha? A Tunan Sipsip te taratara kap ranouen, nonei te kana i gusuna u gumgum u göagono tere Sunahan. Nonei e peigi mera noien tara man ramun te bututuna te hala nena a nitöatöa. Na e Sunahan e hasokolei nitöa ranouen.”

U pas te koloto menai e Pol turu kristenira i Rom 8:30

Nonei e hopö kap mam raien me ngö has ranen. E ngö raien me kato hamatskö has ranen i matanen noa has. E kato hamatskö raien me hala sei hasena a soloren.

U Bulungana u Niga tere Iesu Kristo te kolotein e Jon 6:45

U propet i koloto has naien turu Buku u Göagono i manasa me poeier, ‘E Sunahan e hatuts hoboto ranoen romana.’ Na u katuun hoboto te hengo hanigeier u hihatuts tere Tamar e la uarima romana i tar.

U Bulungana u Niga tere Iesu Kristo te kolotein e Jon 6:37

U katuun hoboto te hala mera namei e Tamar i tar e la uarima romana i tar. Alia ema antunan hakopise goi esi te la uanama romana i tar. E möa.

Revelesin 20:15

Ba u katuun a soloren tima koloto rai turu bukuna tara nitöatöa e lapo raria iahana kiou te saputi u tula.

Kolosi 4:3

Na limiou go singo sil has ramoulam be Sunahan te kalatena a maroro tego habulungana menai lam u raranga i tanen bate hatei nem u bulungana tere Kristo, te mous i manasa. Taraha, nonei a ka te karabus sile gulia.

Pilipai 4:3

Na lia e rangate goulö ti ron kui gono meiou lia, alia e ngilegu alö go taguhir a huol a tahol teka. Taraha, nori i kui hatagala koru me ti hahatei lamenien u Bulungana u Niga, nori mere Klemen na palair a man hahikapien hoboto i tar ti kui gono meioulia, na man solo i taren e kana turu bukuna tara nitöatöa.

1 Pita 1:12

E Sunahan e haröto raien a toukui i taren, kaba egoma ka sile ii tega taguhu pouts meraien, ega ka sil tega taguhu meraien limiou. Na manka teka i habulungana has menai i tamilimiou. E Sunahan e haleiema u Namnamei u Göagono bate haranga rena u katuun ti habulunganen u Bulungana u Niga i tamilimiou. Na u angelo has e ngil koruer tegi atei sil menaien a manka teka.

1 Korin 16:9

Taraha, a tamana e takalata hapan talana tego kato menai lia a toukui a niga teka, na katuun a parpara te katsin kato homier a toukui tara Tsunono.

U Bulungana u Niga tere Iesu Kristo te kolotein e Jon 10:9

Alia a tamana turu sipsip. A katuun te sila noua tara tamana teka ena niga nou, taraha alia e tara kap nagouen. Nonei e tatei tasu nama romana bate lakasa poutsuna batena höata lana.

1 Jon 4:6

Kaba ara u katuun tere Sunahan. Na u katuun te atei siler e Sunahan nori e hahengo rima i tarara. Na a katuun tema pien uanei tere Sunahan ema hahengo neia i tarara. Nonei teka temar atei sil menaroira u Namnamei u mana na u namnamei u gamo.

3 Jon 1:14

Taraha, alia ena ngilin tara boroboro na goulö, ba ra te hiararanga hobotora.