Jemis 4:1 - U Bulunagana U Niga

¹ Aha te habutena a hiaraharaha na hiatatung i gusumilimiou, na ime te la rumen? A markato teka e butuna turu ngil u omi te hiatagtagala ria i torimilimiou.

Jemis 4:1 Referans Kwoze

1 Pita 2:11

A man hahikapien i tar, alimiou e heremi u katunun hulala tuun i puta, na limiou e ka pukuemou a tsitabubun pöata turu tsiktsiki teka. Na lia e ranga hataatagi mera gilimiou, alimiou goma rongarongemi a peisa milimiou tego kato menaien a man ngil a man omi, u ngil te roron hiatatung mena u namnamei i tamilimiou.

Galesia 5:17

Taraha, u ngilngilina i puta e roron hiatatung mena u ngilngil turu Namnamei tere Sunahan, na u ngilngil turu Namnamei tere Sunahan e roron hiatatung has mena u ngilngilina i puta. Nori ema ron hianiganiga ri, ba limiou tema antunan katoe moi a ka te ngilin katoe milimiou.

U pas te koloto menai e Pol turu kristenira i Rom 7:23

Kaba a tana lo e ka hasna i peisar te roron hiatatung gono mena u hakhakats u niga i tar bate kato here nanei lia a karabus tara markato a omi te kana i peisar.

U pas te koloto menai e Pol turu kristenira i Rom 8:7

Tara pöata te hatakuiena u ngilngilina i puta u hakats tara katuun, ba katuun teka te omiena e Sunahan. Nonei e raman hengo nena e Sunahan. Na nonei ema antunan kato has nanei a Lo tere Sunahan.

Jemis 1:14

U ngilngil u omi tara katuun te torohanena a katuun na te las hasena a katuun.

1 Pita 1:14

Alimiou a galapien tere Sunahan go hengoe men. I manasa alimiou u tutu ba naiam e Sunahan na limiou u ka meiam u ngilngil u omi. Kaba limiou ema tatei kukute lenemi a markato teka.

Kolosi 3:5

Alimiou go hanöan töa baneiam u ngilngilina i puta te kana i peisa milimiou: te tsikolo uaier na te hiakaka gono uaier, na markato a korkoriana, na markato na turu ngil u omi. Na limiou goma ngil bemi a peisamiou a manka tara palair u katuun. A markato teka e here nei a katuun te hatsunonena u kesa.

2 Pita 3:3

Alimiou go atei mam sileiam a ka teka: tara kapakapana pöata i murimuri, u katuun te kukutier u ngilngil u omi i peisaren e butur romana. Nori e hahakos rariou romana limiou bate ranga ner a Tsunono bate poeier, “Nonei e ranga mamin tega la pouts uamen, ga ime te ka nen, gega la talama. U tamarara i mate hakapa, ga mamanaka e marka noahas uana te ka uaien tara pöata te habuteia e Sunahan a han i puta!”

Jemis 4:3

Na pöata te singo sile mia limiou taka, ba limiou tema lu hase mien. Taraha, limiou e singo gono memiou u tori u omi. Alimiou e ngil lasemiou a ka te tatei hakapena u ngil i peisa milimiou pouts.

2 Pita 2:18

Nori e ranga sesei koru ner u raranga u tutu bate hamamangil reri u katuun u ngilngil na man markato a man omi i peisaren, u katuun ti hagou bus bar u katuun te roron kato homir.

Taitus 3:3

Taraha, i manasa ara i hipus has bate kato hatutu hasira na palai i gamo has raioura. Na u ngilngilina tara mamanaka a nigana i puta e pile haröroto koru has raioura. Na mar nikaka i tarara e saputi a markatona turu hiomi na markato a omi. U katuun ima haniga rai ra, na ra ima haniga has raien.

Taitus 3:9

Kaba lö go tori tsugani u mamana u mar ranga te hia ngenngena uaier u katuun. Na lö go tori tsuga hasiin a markato te hia raharaha sil menarien a man solo turu tuburen na te hia raharaha sil menarien a man Lo tere Mosis. A man markato teka ema antunan habutu töa nanei ta ka ta niga.

U pas te koloto menai e Pol turu kristenira i Rom 7:5

Taraha, nonei tara pöata ti katoeiara a markatona turu ngilngilina i puta te hatakei a Lo tere Mosis, me hatakeiena u ngilngil u omi i tarara, me habutena a markatona tara tou mate.

Matiu 15:19

Na manka man omi teka e la nama tara katuun: u hakats u omi na hipöli na tsikolo na kop na u ranga u gamo, na u tuts.

U Bulungana u Niga tere Iesu Kristo te kolotein e Jon 8:44

E tamamilimiou e Satan, alimiou e ngilin katoemiou a ka te ngile nen. Nonei a katunun a hihipuli noana i manasa, na ema tuol neia tara nimana, taraha e moa ta nimana i tanen. Na pöata te gamo nen, nonei e kukutiena a markato noahas i tanen, taraha nonei a gamogamo na nonei a mouna u mamana u gamo hoboto.

2 Timoti 2:23

Na lö goma ka gono mei a katuun te ranga pinopino nena a mamanaka te tatei keitsena a raharaha bate kato homi rena u katuun.