Jemis 1:22 - U Bulunagana U Niga

²² Alimiou e namots gamoe miou a peisa milimiou bate hengo papalemiou u raranga teka. E möa. Alimiou go kato hamaneiam a ka te ranga nanen.

Jemis 1:22 Referans Kwoze

U pas te koloto menai e Pol turu kristenira i Rom 2:13

U katuun te hengo tuun laser a Lo ema matskö ria i matana e Sunahan. E möa. U katuun lasi te kukuteier a Lo, nori te matskö ria i matana e Sunahan.

U Bulungana u Niga tere Iesu Kristo te kolotein e Jon 13:17

Te atei silemia limiou a ka teka, alimiou e kalala rariou tego kukute nenamen limiou.

Jemis 4:17

E markato uana teka, a katuun te atei silena a markato a matskö batema katoe neien, a katuun teka e kato homina.

1 Jon 2:3

Te hengo hanige riara u raranga tere Sunahan, ara e atei silera ara u katuun hamana i tanen.

U Bulungana u Niga tere Iesu Kristo te kolotein e Luk 11:28

Be Iesu e ranga palisina me poeiena, “U katuun te hengoer u raranga tere Sunahan bate kukutie ren egi sasaala baba koru.”

Matiu 12:50

Eresi te kukutieier u ngilngil tere Tamar i Kolö nori u toular na u hahinar nu tsinar.”

Kolosi 3:17

Na tara mamanaka hoboto te katoe milimiou na te ranga namilimiou, kato mena mi tara solo tere Iesu a Tsunono ba limiou te haniga sila mia i tanen tere Sunahan e Tamarara.

Revelesin 22:7

Be Iesu e poeiena, “Hengo! Ema lehana noi ba lia te la guma romana. U buku teka e hatei nena a manka te butu nou, na katuun te kukutena u raranga i tanen ega sasaala.”

1 Jon 3:7

A matsi galapien, te katsin gamo rana limiou ta katuun, alimiou goma hamane mien. A katuun te kato haniga nitöana, nonei a katuun a matskö, te markato has uana e Kristo.

Jemis 1:26

Esi te ngöe nei a peisanen a katununa turu lotu batema kahete kap nanei u ranga pinopino i tanen, a katuun teka e gamoena a peisanen.

Galesia 6:7

Alimiou goma hengoemi u raranga te poeiena a katuun e tatei gamoena e Sunahan. E möa. E möa ta katuun tega antunan gami e Sunahan. E here nei a katuun te lebe iena a manka tara kui i tanen. Te lebe noen a ka a omi, a ka a omi has te butu nou. Na te lebe noen a ka a niga, ba ka a niga has te butu nou.

3 Jon 1:11

A hahikapien i tar, alö goma kukute ii a markato a omi. E möa. Alö go kukutie a markato a niga. A katuun te kato haniga nitöana, e pala uana tere Sunahan. Na katuun te kato homi nitöana ema katuun uanei tere Sunahan.

Galesia 6:3

Kaba limiou goma mar hakats uami teka bate poeiemiou, Alia a katuun pan na lia ema tatei hitaguhu gi. E möa. A katuun temar hakats uana teka e gamoena a peisanen bate here nei a katuun papala.

1 Korin 6:9

Alimiou e atei sil hasemiou u katuun te kato homir ema tahongo ria tara Nipepeito tere Sunahan? Alimiou goma gamoemi a peisa milimiou. U katuun u tsiktsikolo na u katuun te hatsunoner u kesa na pal tson te hiasesein tsonur na touhaliou te hiasesei poutsur ema tatei tahongo has ria tara Nipepeito tere Sunahan.

Matiu 28:20

Ba limiou te hatuts ramien tegi kukute menaien a mamanaka tu ranga merai lia limiou. Bate hakats namiou: alia e ka gono nitöa mera gou limiou e antunanoa tara kapakapana a pöata.”

1 Jon 1:8

Na te pei mena reira ara ema ka merei ta markato ta omi, ara e gamoera a peisarara, na u raranga u mana ema ka neia i torirara.

Pilipai 4:8

Na töa patu a ka, a man hahatoulana. Alimiou go hakats nitöa neiam a manka a man mana, na manka a man niga, na manka te matsköna, na manka te gogosona, na manka te hanigeier u katuun. Alimiou go hakats siliam a mamanaka te tatei ranga haniga ner u katuun.

1 Korin 15:33

Möa tu hengo koruiam. “Te hikapien gono mera moa lö u katuun te omir, ba lö tena omi hasi mou.”

Revelesin 12:9

Ba kökötsi na u angelo hoboto i tanen e lapo ba merarumei i puta. Nonei noa has a kökötsi na i manasa e Satan, a liliahanei a omi te gamogamo rena u katunura i puta.

Taitus 3:3

Taraha, i manasa ara i hipus has bate kato hatutu hasira na palai i gamo has raioura. Na u ngilngilina tara mamanaka a nigana i puta e pile haröroto koru has raioura. Na mar nikaka i tarara e saputi a markatona turu hiomi na markato a omi. U katuun ima haniga rai ra, na ra ima haniga has raien.

1 Korin 3:18

Alimiou goma gamoemi a peisamiou. Te peiena a töa i tamilimiou nonei e atei koruna tara markatona i puta, nonei e tatei kato here nanei a peisanen a katuun a tutu, ba nonei te töan luena a niatei hamana.

2 Timoti 3:13

U katuun u omi na u katuun u gamogamo e omi koru riou bate omi susul lasir. Na nori e gamo rariou a palai, ba nori tena gamo lel has riou.

Jemis 4:11

A matsi hahatoulana, alimiou goma hiararanga homi mi. A katuun te ranga homi nena e toulanen e ranga homi has nena a Lo tere Sunahan. Na katuun te oneiena e toulanen bate pita pute nen e pita puta hasena a Lo. Kaba limiou go kukute hanigeiam a Lo. Nonei a toukui i tamilimiou. Alimiou goma peiemi a Lo e omina tsi e nigana.