Hibru 5:12 - U Bulunagana U Niga

¹² Alam u solon hatuts raiou limiou antunana alimiou go hihatuts hamanasa iam. Kaba e möa. Alimiou e ngil noa hasemiou a tana katuun tega hatuts lel railimiou a man markato turu raranga tere Sunahan ti hatuts tutuun railimiou. Alimiou e here pouts lel rami u göama te sus noar, tema antunan noueri a kannou a kihil.

Hibru 5:12 Referans Kwoze

Hibru 6:1

Aragi hatakui talei a man hihatuts pan bate hapolasera a markato te taatate tuun menari a man hihatuts tutuun tere Kristo. Ara i solon atei sil hakapi a man hihatuts tutuun teka, hena: Aragi habirits ban a markatona i tarara i manasa tema la gono menei a nitöatöa tere Sunahan, na aragi hamana uu tere Sunahan, na aragi kukute u hihatutsina te lu menari a baptais na te hatakopo menari ualima tara katuun, na ragi kukute u hihatutsina te takei pouts uaria tara tou mate na u hihatutsina te lu menari a nihahuna te ka nitöana. Kaba, ra gima tatei kaan töa mei a man raranga tutunina i manasa. E möa.

1 Pita 2:2

Alimiou go ngil korueiam u raranga u gogoso na u niga tere Sunahan, temar bes sil mena nei a pien ti hagou posei a sus. Nonei u raranga teka e taguhu ranou limiou bate katuun hatagala susul uamiou tara markato turu Namnamei, be Sunahan te lu pouts ranou limiou.

Hibru 5:13

U katuun temar kato uar teka ema tatei tara hanigeri a ka te nigana na ka te omina.

Kolosi 3:16

U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.

Matiu 17:17

Be Iesu e ranga palis ranen me poeiena, “Alimiou u katuun u hahamana koru na limiou ema matskömi! A lahisa pöata ti ka gono meraia lia limiou? Na lahisa pöata ti söateia lia u nikamits i tamilimiou? La mena mumei a pien i tar!”

1 Pita 4:11

A katuun te ka mena a nitagala tega habulungana menaien u raranga, ega habulungana hamatskön u raranga tere Sunahan. Na katuun te roron hitaguhuna ega hitaguhu mei a nitagala te lue nen tere Sunahan. Ba tara mamanaka a solona e Sunahan e hala sei sila naroa tere Iesu Kristo, nonei te ka nitöa mena a nikapan na nitagala tara mamana pöata. U mana.

1 Korin 14:19

Kaba i luman lotu, alia ema antunan ranga hapara koru gia turu tana u mar ranga, e niga balana tego ranga menai lia a tsi tabubun raranga te tatei hatuts ragi lia u katuun bate lueier a ka te ranga negulia.

U pas te koloto menai e Pol turu kristenira i Rom 3:2

Aa, u Jiu e kamer a parpara ka tema kameri a palair u katuun. E Sunahan e haniga mam merai u Jiu tegi lu menaien u raranga i tanen bate tara kap naren.

Aposol 7:38

Nonei e Mosis te ka gono mer u katunura i Israel ti gono hobotoien tara makum a palaka. Nonei e ka gono mei u tuburara na a angelo has te rangaia i tanen turu Pokus i Sinai. Nonei e lui u raranga tere Sunahan, u rarangana tara nitöatöa, tega hala raien ra.

U Bulungana u Niga tere Iesu Kristo te kolotein e Mak 9:19

Be Iesu e poeiena i taren, “Alimiou u katunura i romana e hahamana korumiou. Alia e sökana koru megu u nihahamana i tamilimiou. Mi piou namia a pien i tar.”

Pilipai 3:1

Na a kapakapana u raranga i tar a matsi hahatoulana, alimiou go sasaala meiam a Tsunono. Alia ema antunan karous nagi tego hahatei hakopis menai lia u raranga. Taraha e taguhu has ranou limiou.

1 Korin 14:20

A matsi hatoulana, möa tu hakats here mi a pien. Kato here rami a galapien u tetenei te tutu ba ner a markato a omi. Kaba tara man palaina manka, mar hakats uaiam te hakats uana a katuun pan.

Galesia 4:3

Na ti markato has uu ra i mamuna te lama e Iesu Kristo, ara i here rai u katunun kukui puku te ka puta ria tara mamanaka i puta.

Hibru 5:11

U raranga u parpara tara ka teka e kanoana, kaba alam e lagi hahatarare namen i tamilimiou, taraha alimiou e lagi atei koru miou.

Hibru 10:32

Alimiou go hakats pouts naiam a pöata i manasa. I murina tu butu tutuun mia limiou turu ualesala tere Sunahan, alimiou u lueiam a kamits na niomi a parpara, kaba limiou uma hapolasa mi. E möa.