Hibru 4:2 - U Bulunagana U Niga

² U Bulungana u Niga e la uama i tarara, temar la has uamen turu katuun teka i manasa. Nori i hengoe u bulungana, kaba u raranga teka ema taguhu raien, taraha nori i hengo papala tuneien bate hahamanar.

Hibru 4:2 Referans Kwoze

1 Tesalonaika 2:13

Na tana ka has te roron haniga sile mia lam tere Sunahan. Pöata tu piou naia lam u raranga tere Sunahan i tamilimiou, alimiou u ma poeiemi nonei u raranga tara katuun tuun lasi. E möa. Alimiou u hanige men bate hamanemiou nonei u raranga hamana tere Sunahan. Na u raranga i tanen e kato haniga ranou limiou te hamana mena mien limiou.

Hibru 11:6

Te möa rara tu nihamana tere Sunahan, nonei ema antunan sasaala mera neira. Taraha, esi te ngilin la uanama tere Sunahan ega hamani e Sunahan e kana, bate hala nena a manka man niga turu katuun te sakie ren.

Hibru 3:12

A matsi hahatoulana, haneiam. Möa tu ka meiam u tori u omi te hahamanana bate laba namiou e Sunahan te töatöa nitöana.

1 Timoti 4:8

Te kato hatagale mia lö u tuenrei, e nigana. Kaba tego kato hagogoso mei lö u namnamei i tamölö te niga balana, taraha a markato teka e taguhe noulö tara nitöatöana i puta na tara nitöatöana i Kolö has.

U pas te koloto menai e Pol turu kristenira i Rom 2:25

Te kukute mia limiou u Jiu a Lo tere Sunahan, bara, ga e niga talana tu hapö mena milimiou a hatöatongo tere Sunahan i pikpikö milimiou. Kaba te pekoe mia limiou a Lo, bara, ga limiou u mastein hapö tala naiam a hatöatongo tere Sunahan.

Aposol 13:46

Ti markato uaien teka be Pol mere Banabas e ranga hatagala korur me poeier, “E matsköna tu hala mam merai lam alimiou u raranga tere Sunahan. Kaba limiou e tori tsuga ba namen bate kato here nami a peisamiou u katuun te raman lu ner a nitöatöa te ka nitöana. Te kato uanen teka ba lam te la hamanasam tara pala tema Jiu ri.

Jemis 1:21

Alimiou go tsugaba neiam a man markato hoboto te korkorianana na te omina. Alimiou go haka puteiam a peisa milimiou tere Sunahan bate sasaala memiou u raranga te hakeien i torimilimiou, taraha u raranga teka e tatei luba pouts ranei limiou a niomi.

Hibru 4:6

U katuun ti hengo mami u Bulungana u Niga ima la ii tara hanin husa tere Sunahan, taraha nori i hahamana. Kaba e Sunahan e haniga nena tegi la uu a palair u katuun tara hanin husa i tanen.

1 Korin 13:3

Alia e tatei hala ba negu a mamanaka hoboto i tar, na lia e tatei hala has negu a peisar batena haatser. Kaba tema ngil mena gi lia a taina katuun, a man markato teka ema taguhe noi lia.

1 Pita 1:12

E Sunahan e haröto raien a toukui i taren, kaba egoma ka sile ii tega taguhu pouts meraien, ega ka sil tega taguhu meraien limiou. Na manka teka i habulungana has menai i tamilimiou. E Sunahan e haleiema u Namnamei u Göagono bate haranga rena u katuun ti habulunganen u Bulungana u Niga i tamilimiou. Na u angelo has e ngil koruer tegi atei sil menaien a manka teka.

1 Tesalonaika 1:5

Taraha a pöata tu hala naia lam u Bulungana u Niga i tamilimiou, alam uma ranga papala ii. E möa. A nitagala tere Sunahan na u Namnamei u Göagono i tanen e taguhema u raranga i tamulam, na e haröto hasiin u raranga i tamulam e manana. Alimiou e atei silemiou a markato a niga i tamulam e taguhu has raiou limiou ba limiou te hamana miou.

Galesia 3:8

I manasa koru e Sunahan e atei sil mami u katuun tema Jiu ri, ena hamana roua i tanen na turu Bulungana u Niga. Ba nonei te ngö ranoien u katuun u matskö. Na i manasa koru nonei e hate ii e Abraham u Bulungana u Niga teka. Ba nonei e poeiena, “Alia ena kalala sila ragoua a man hun katuun hoboto i puta i tamölö.” Temar ranga noahas uana u Buku u Göagono.

Galesia 4:13

Alimiou e atei silemiou alia u siki tara pöata tu habulungana tutuun naia lia u Bulungana u Niga i tamilimiou.

Aposol 3:26

Be Sunahan e hopö kap nena a katunun kui i tanen e Iesu, me hala mam mena meien i tamilimiou tega kalala meraien limiou. Nonei e ngilin habirits ba ranei limiou a man markato a man omi i tamilimiou.”

U pas te koloto menai e Pol turu kristenira i Rom 3:3

E manana, a palai i taren ima hamanei e Sunahan. Kaba ema antunan hapiou nai e Sunahan a ka te ranga hamana naien ega katoeien.

Galesia 3:2

Na lia e ngilin rangata ragi limiou a töa ka: u Namnamei tere Sunahan e la uama i tamilimiou tu kukute mena milimiou a Lo turu Jiu, tsi tu hengo mena milimiou u Bulungana u Niga bate hamane men?