Hibru 2:9 - U Bulunagana U Niga

⁹ Kaba ara e tarera e Iesu i hale ii a solo pan, taraha nonei e lui a kamits pan me matena. E Sunahan e taatagi koru raioura me gamon haka pute na e Iesu turu angelo tego mate sil meraien u katuun hoboto.

Hibru 2:9 Referans Kwoze

Revelesin 5:9

Ba nori e kömeier u töa u hets u tsimus te mar ranga uana teka tara Tunan Sipsip: “Alö e ka mem a nitsunono tego lu menai lö a pits pepa bate lukapem u kaan harokotokap i tanen. Taraha? Alö i atung hamati na u rahatsing i tamölö e sakahis merai u katuun tere Sunahan, u katuun i lama tara mamana hun katuun hoboto, Na turu mamana u mar ranga hobotona tara mamana han.

1 Jon 2:2

Taraha, e Iesu te sakahis raioura tere Sunahan tara pöata te mateien. Nonei ema kato pepeisa beraira a ka teka. Kaba nonei e kato mei a ka teka tega taguhu meraien u katuun hoboto tara mamana han i puta.

U pas te koloto menai e Pol turu kristenira i Rom 5:18

Na e mana nitöana. E Adam a töa puku a katuun te kato homi me kalatena a maroro tegi lu menai u katuun hoboto a nihahuna. Kaba nonei a tana katuun e Kristo e kato hamatskö me töan kalatena a maroro tego hamatskö merai e Sunahan u katuun hoboto bate hala raneien a nitöatöa.

Aposol 2:33

Na nonei e la hakapa uu iasa mena gumna i rehina e Sunahan, be Sunahan e hale neien u Namnamei u Göagono te ranga mam naien i manasa. Na, a ka te tare milimiou na te hengoe milimiou nonei u Namnamei teka te hala rameien lam.

U Bulungana u Niga tere Iesu Kristo te kolotein e Jon 3:16

E Sunahan e taatagi sil koru rema u katuun hoboto me hala nenama a töa koru a Pien Tson i tanen. Na katuun te hamana uana i tanen ema antunan tia noi romana kaba ena ka menou a nitöatöa te ka nitöana.

2 Korin 5:15

Nonei e mate sil raiora hoboto, bu katuun te töatöar, tema töatöa sileri a peisaren peisa, kaba egi töatöa sil hasi e Kristo, nonei te mate sil raien me takei pouts sil has ranen.

Hibru 10:5

Pöata te katsin lama e Kristo tara han i puta, ba nonei e poeiena tere Sunahan, Alö ema ngil lenemi tegi haats uaien i tamölö. E möa. Alö i hale ii lia u tuenrei, ba lia te tatei katoe gou a mamanaka hoboto tu hopö kap bei lö alia ego katoeien.

U pas te koloto menai e Pol turu kristenira i Rom 5:8

Kaba e Kristo e mate sil raioura tara pöata ti omi noaiara. A ka teka e haröto marei ranei ra e Sunahan e taatagi koru raioura.

U Bulungana u Niga tere Iesu Kristo te kolotein e Jon 1:29

Turu tana u lan be Jon e tarena e Iesu e la uama i tanen, be Jon e poeiena turu katuun, “Taraiam, nonei teka a Tunan Sipsip tere Sunahan. Nonei tena luba nanou a man markato a man omi turu katuun i puta.

U Bulungana u Niga tere Iesu Kristo te kolotein e Jon 12:32

A pöata te haka seie rouen lia tara kuruse, alia e las meragumei romana u katuun hoboto i tar.”

Hibru 7:25

Na e Iesu e antunan lu pouts rena u katuun hoboto tara mamana pöata te la sila rima i tanen bate la uaier tere Sunahan, taraha nonei e ka nitöa silena tego singo sil meraien tere Sunahan.

1 Pita 1:21

Tere Kristo lasi ba limiou te hamana uamiou tere Sunahan, taraha, e Sunahan te hatakei poutsi e Kristo tara tou mate me solosei korue nen. Ba limiou te hamana tala uamiou tere Sunahan bate hahalose men tega taguhu has meraien limiou.

Hibru 8:3

A mamana pris pan hoboto e kamer a toukui tegi hala menaien a man kaan halhala puku na u haats tere Sunahan. Na a pris a tsunono pan i tarara ega ka has mei ta ka tega hala naien.

1 Timoti 2:6

Nonei e hala sile ii a peisanen tego sakahis meraien u katuun hoboto, bate haröto nena u ngilngil tere Sunahan i tarara, tere na pöata peisa noahas ien.

2 Korin 5:21

E Sunahan e hasöatei e Kristo, tema ka korumei ta markato ta omi, a man markato a man omi i tarara. Ba tara markato teka e Kristo e hagogoso beraira tegi matskö uu ra tere Sunahan.

U pas te koloto menai e Pol turu kristenira i Rom 8:32

Nonei ema peits hasnai a Pien Tson i tanen, kaba nonei e hala sile meien i puta tegomi mate sil meraien ra hoboto. Te katoe men a ka teka, ba nonei te hala has ranoui ra a mamanaka.

Galesia 4:4

Kaba tara pöata hamatskö te hopö kapiin e Sunahan, ba nonei e hala nenama a Pien Tson i tanen. A tahol te poseien, ba nonei e kana i kopina a Lo turu Jiu.

Aposol 3:13

A Sunahan tere Abraham mere Aisak na e Jekop na u tuburara i hala sei a solona a katunun kui i tanen e Iesu. Nonei a katuun teka tu hala mena milimiou turu katuun ti paköeien. Na e Pailat a gamman e ngilin purese e Iesu bate lana, kaba limiou u tori tsuga namen i matana e Pailat.

U pas te koloto menai e Pol turu kristenira i Rom 8:3

E Sunahan e kato a töa ka a niga koru, na Lo tere Mosis ema antunan katoe ii a ka a niga teka, taraha u ngilngilina i puta ema antunan kukute ii a Lo teka. Be Sunahan e hala nenama a Pien Tson i tanen peisa memi lueiena u tuenrei te markato uu turu tuenrei i tarara me mate silena a markato a omi. Ne Sunahan e luban a nitagala tara markato a omi te kana turu tuenrei i tarara.

U Bulungana u Niga tere Iesu Kristo te kolotein e Jon 10:17

E Tamar e ngil korue noulia, taraha alia e haniga negu tego mate uu lia ba lia te töatöa pouts gou.

U Bulungana u Niga tere Iesu Kristo te kolotein e Jon 8:52

Ba u Jiu e poeier i tanen, “Pua! Alam e atei talam te haranga mena nei lö a liliahanei! E Abraham e mate hakapa, na u propet has tere Sunahan. Kaba lö e poe noa hasem, ‘A katuun te kukutiena u hihatuts i tar ema mate koru noi.’

Matiu 16:28

Alia e hatei hamana ragou limiou, a palair u katuun te tuolur teka ema antunan materi, e antunana tegi tara menien Alia tu butun Katunuma ena la here gumei romana a king.”

Revelesin 19:12

A matanen e here ii u tula te hiatungna, na nonei e ka mei u hatan tsunono u parpara i bakunen. A töa solo i koloto naia i tanen na e möa ta katuun tega atei sileien. Nonei puku has a töa te atei sile nen.

Hibru 2:7

Alö u haka puta raien turu angelo tara tsitabubun pöata, ba lö te töan haka sei ramen bate hala ramien a solo pan.

U Bulungana u Niga tere Iesu Kristo te kolotein e Luk 9:27

Alia e hatei hamana ragou limiou, a palair u katuun teka ema mate roui romana e antunana tena sabie rien a Nipepeito tere Sunahan.”

U Bulungana u Niga tere Iesu Kristo te kolotein e Mak 9:1

Be Iesu e ranga lelna i taren me poeiena, “Alia e hatei hamana ragou limiou, a palair u katuun te ka ria teka ema materi romana e popona tegi tara menaien a Nipepeito tere Sunahan te butu menama romana a nitagala pan.”

Matiu 6:28

“Na saha ka te hakats sil me milimiou u hasobö? Alimiou go rötoiam turu palaua u hie temar pusuku uaren. Nori ema katoeri a peisaren bate tara hanigar. E möa.

U Bulungana u Niga tere Iesu Kristo te kolotein e Jon 8:51

U mana koru alia e hatei ragou limiou, a katuun te kukutiena u hihatuts i tar ema antunan mate noi!”

Hibru 1:9

Alö e haniga korueiem a markato a matskö batema hanige mi a markato tema matskö nei. Na e Sunahan noahas i tamölö te haka sei ia lö turu katuun hoboto i tamölö, na nisasaala i tamölö e pan bala nena a nisasaala i taren.”

Hibru 11:5

Turu nihamana tere Inok be Sunahan e lu sei ba naneien a tou mate i tanen. U katuun ima antunan sabe naien, taraha e Sunahan e lu sei hakapeien. Na u Buku u Göagono e poeiena e Inok e kato hasasaali e Sunahan i mam be Sunahan e lu seienen.

Hibru 12:2

Aragi tara las uu tere Iesu. Nonei a mouna u nihamana i tarara na nonei te kato hamanena a manka te hamana sile rara. Nori i nila naien tara kuruse, na nonei ema rama ii. Nonei ema matsingolo rai u katuun tega mate here menaien a katuun a kopkop, taraha nonei e atei sil nonei ena sasaala koru nou. Na i romana nonei e gumna tara pal matou tere Sunahan noahas.