Hibru 2:3 - U Bulunagana U Niga

³ Kaba u raranga tere Iesu e pan bala nena u raranga turu angelo, na ra e möa koru tegi bus ba menai a nihahuna te totone rara a markato a niga koru teka, te lu pouts mera neira e Sunahan. A Tsunono e Iesu noahas te habulungana mamin a maroro teka te lu pouts mera nei e Sunahan u katuun, na u katuun ti hengoeien i haröto raira u raranga teka e manana.

Hibru 2:3 Referans Kwoze

Hibru 12:25

Na limiou go haneiam. Alimiou goma raman hengo nami e Sunahan te ranga uanen i tamilimiou. U katuun tima ngilin hengo ii tara pöata te ranga ien i puta, nori ima antunan bus hamous banari a nihahuna i tanen. Na ra ema antunan bus hamous ba narien romana tega ranga uamen i tarara te kanen i Kolö.

U pas te koloto menai e Pol turu kristenira i Rom 2:3

Alimiou e ona ramiou a pala te kato homir, kaba limiou e kato homi has miou. Alimiou e pei lase miou alimiou ena mous bane mou u nihahuna tere Sunahan. E möa.

Hibru 5:9

Be Sunahan e katoe neien a pris te niga saluhe koru. Ba nonei te taguhu rena u katuun hoboto ti hengoeien bate hala raneien a nitöatöa te ka nitöana.

Aposol 4:12

“E möa ta taina ta katuun tega tatei lu pouts merai u katuun tere Sunahan. Tara mamana han hoboto i puta, e Sunahan ema hanige ii ta taina ta katuun tega tatei lu pouts merai ra tere Sunahan. E Iesu puku lasi.”

Hibru 4:11

Te markato uanen teka bara te torohana hatagala silera tegi la uu ra tara makumun husa tere Sunahan. Ta töa i tarara ena mots kukutena ti markato uen i manasa batena rusuna bate taiana.

Hibru 1:2

Kaba tara sukusukuna kapakapana pöata nonei e ranga silama i tarara tara Pien Tson i tanen. E Sunahan e habutu sila naia a mamanaka tara Pien Tson i tanen, na nonei e hopö kap sileien tego lu menaien a mamanaka hoboto.

U Bulungana u Niga tere Iesu Kristo te kolotein e Luk 1:2

Nori i torohanan hopöön u raranga ti hengo naiara turu katuun ti tahis tutuun gono mei e Iesu Kristo me tareier a manka te katoeien te hahatei nena u hihatuts i tanen.

Revelesin 7:10

Ba nori e ku hapanir me poeier: “A Sunahan i tarara te gumna turu gumgum u göagono na Tunan Sipsip te lu pouts merai ra tere Sunahan!”

Taitus 2:11

A niniganiga tere Sunahan e butu hakapa me hala ranei u katuun a maroro tegi taguhu meraien u katuun hoboto,

1 Timoti 1:15

U raranga teka e mana nitöana na u katuun hoboto egi hanigeien. Na e markato uana teka, e Iesu Kristo e la sileiema i puta tegomi lu pouts meraien u katuun u omi. Na lia a töa teka tu omi koru.

Matiu 23:33

“Alimiou u katunur tara kökötsi a omi na u gamogamo! E möa koru tego antunan bus ba mena milimiou romana a nihahuna i hel.

Hibru 4:1

U raranga te hopö kapiin e Sunahan te la uama i tarara e poeiena, ara ena tatei husaria i tanen. Kaba ragi hanei sil ta töa i tarara ena mots na la uanei nonei tara makumun hahusa teka.

Aposol 2:22

“Alimiou u katunura i Israel, hengoeiam u raranga i tar. E Iesu na i Nasaret nonei a katuun te hopö kapiin e Sunahan. Na e Sunahan e haleien a nitagala ba nonei te katoeiena a man mirakol pan i matamilimiou, na manka teka e harötein te mana uana e Iesu. Alimiou e atei sile miou a ka teka, taraha nonei e butuia tara han teka.

U Bulungana u Niga tere Iesu Kristo te kolotein e Jon 15:27

Na limiou has te hatei namou lia, taraha alimiou tu ka gono memou lia tu tanian kui mam ma lia te antunana i romana.”

U Bulungana u Niga tere Iesu Kristo te kolotein e Luk 24:19

Be Iesu e rangatana, “A man saha manka?” Ba nori e ranga palise ren me poeier, “A manka te butuia tere Iesu a toun Nasaret. A katuun teka a propet, na nonei e kato a man ranga man tagala na man mirakol has. Nonei a tson hihatuts a tagala i matana e Sunahan na u katuun hoboto.

U Bulungana u Niga tere Iesu Kristo te kolotein e Mak 1:14

I murina ti hakarabus naia e Jon be Iesu e la ualala i Galili mena hihatuts nena u Bulungana u Niga tere Sunahan.

1 Tesalonaika 5:3

Te pei ria romana u katuun, “A pöata a niga tala, a pöata tara masalohana i romana,” nonei a pöata te songots butu nama romana u Lanin Hahuna tere Sunahan. U Lan teka e here noi romana a tahol a pika te singotei sagohena a kamits. Na u katuun ema antunan bus ba naroi a ka teka.

U Bulungana u Niga tere Iesu Kristo te kolotein e Luk 1:69

Nonei e habuti a tsonun mammam a tagala koru tego taguhu raioura, a hatutubunei tere Devit, a katunun kui tara Tsunono.

Matiu 4:17

Nonei tara pöata teka, e Iesu e tanian habulunganein a man raranga i tanen ba e poeiena, “Alimiou go palis ba naiam a man markato a man omi! Taraha, a Nipepeito tere Sunahan e sukusuku hakapa.”

U pas te koloto menai e Pol turu kristenira i Rom 11:14

Alia e kato silegu tegi hiomi uu katuun i tar, bate habirits pouts menari u hakats i taren tere Sunahan be Sunahan te lu pouts ranou a palai i taren.

1 Korin 1:21

Tara niatei i tanen e Sunahan e hatu kapiin a maroro turu katuun te torohanan atei sile ren tara niatei peisa i taren. Kaba nonei e lu pouts rena u katuun te hamana uar i tanen tara pöata te hengoe rien u raranga i tamulam, te ngöeri u katuun, u raranga u tutu.

Hibru 1:1

I manasa e Sunahan e rangaia turu tuburara tara mamana mar maroro tara pöata a parpara, me hala sila nenama u raranga i tanen turu propet.

Hibru 1:14

U angelo u saha u mar katuun? Nori hoboto a man namnamei te kui beier e Sunahan. Nonei e hala sil rameien tegi taguhu meraien u katuun te katsin lu pouts rena e Sunahan.

Hibru 9:28

Na e markato has uana iesana, e Kristo e halan a peisanen tara töa puku a pöata tega luba menaien a man markato a man omi turu katuun u para. Na nonei emi butu hahuol nou romana. Nonei ema la hahuol sile namei romana tegomi luba lel menaien a man markato a man omi. E möa. Nonei e la sile nama romana tegomi taguhu meraien u katuun te hahalose ren.

1 Jon 1:1

Alam e koloto silemi u pas teka tego habulungana menami limiou u Rarangana tara Nitöatöa. Nonei e ka mam noahas te habuteia e Sunahan u kolö na u puta. Ba nonei e butun katununa ba lam e tara peisanem a mata mulam me hengo hasim, me hasebele hase mia a limamulam i tanen.

U pas te kolotein e Jut 1:17

Kaba a mats hahikapien koru i tar, alimiou go hakats pouts naiam u raranga turu aposol tere Iesu Kristo a Tsunono i tarara.