Galesia 6:10 - U Bulunagana U Niga

¹⁰ Na man pöata te antuna rara bara te tatei taguhu raiera a pala te hamanar, bate taguhu has raiera u katuun hoboto.

Galesia 6:10 Referans Kwoze

Hibru 13:16

Alimiou goma solopalemi tego kato haniga mera milimiou a palair u katuun bate hiatagtaguhu miou. A markato teka e ngil korue nen na e kato hasasaalena e Sunahan.

1 Tesalonaika 5:15

Ma hiapalpalis nami a markato a omi. E möa. Alimiou go kato hanigan töa raiam a man hahatoulana i tamilimiou te hamana ria tere Kristo, na u katuun hoboto.

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

Matiu 25:40

“Ba lia te ranga palis ragouen bate peigou i taren, ‘Na lia e hatei hamana koru ragou limiou, tu katoe mia limiou a markato teka ta töa tara man hahatoulana i tar, alimiou u kato be mien lia.’

Hibru 6:10

E Sunahan ema solopale nei a toukui i tamilimiou na niniganiga na u ngilngil ti taguhu merai limiou u katuun i tanen te la noahasina i romana.

Epesis 2:19

Alimiou ema katuun halhal lel talami. Alimiou a töa han tala turu katuun tere Sunahan, bate hun katuun uamiou i tanen.

U Bulungana u Niga tere Iesu Kristo te kolotein e Jon 12:35

Be Iesu e poeiena i taren, “Ualesala e gamon ka halehana gono mera noulimiou. Tataala iam te ka noa uana ualesala. U kuhil ena mots la karasa ba ranou limiou. Te tataala mia lö turu kuhil, alö ma atei sile mi te sila mia lö.

U Bulungana u Niga tere Iesu Kristo te kolotein e Luk 6:35

Kaba limiou go ngil raiam u pakö i tamilimiou bate kato haniga ramen. Alimiou go hala pukpukuiam, kaba ma hakats nami tego lu pouts menami ta ka. Ba limiou te lue miou romana u hamatana pan, bate haröto has namiou alimiou a galapien tere Sunahan Iasa Koru. Taraha? Nonei e niga has na turu katuun u omi tena mala haniga uari tere Sunahan.

U Bulungana u Niga tere Iesu Kristo te kolotein e Jon 9:4

Aragi kato nitöani a toukui tere Sunahan te lan noa uana a ka, nonei te hala na moulia. Te bong nama a bong, ba katuun tema antunan kui lel noi.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Pilipai 4:10

Alia e sasaala korugu na lia e haniga gia tara Tsunono te haröto mena milimiou te hakats sil noahas mena milimiou alia. Alimiou e ngilin taguhu nitöa namou lia, kaba limiou u möaiam ta maroro tego mar taguhu menami lia.

Matiu 12:50

Eresi te kukutieier u ngilngil tere Tamar i Kolö nori u toular na u hahinar nu tsinar.”

3 Jon 1:11

A hahikapien i tar, alö goma kukute ii a markato a omi. E möa. Alö go kukutie a markato a niga. A katuun te kato haniga nitöana, e pala uana tere Sunahan. Na katuun te kato homi nitöana ema katuun uanei tere Sunahan.

Kolosi 4:5

Hatara naiam a markato a niga na matskö te ka gono mera milimiou u katuun tema hamanari. Hahanei sil nitöa neiam a man pöata a man niga ba limiou te hatei ramien e Iesu.

Epesis 5:16

E möa ta töa ta pöata tega ski, taraha nonei a pöata a omi teka.

1 Jon 5:1

U katuun hoboto te hamaner e Iesu nonei a Mesaia te hopö kapiin e Sunahan, nori a galapien tere Sunahan. Na katuun te ngileiena e Tamarara e Sunahan, nonei e ngil haseiena a pien tere Sunahan.

Hibru 3:6

Kaba e Kristo, a Pien Tson tere Sunahan, e tara kap haniga rena u katuun tere Sunahan. Na tegi hamana haniga uu ra i tanen bate hamana silera a manka man niga i tanen, ara u katuun hamana i tanen.

U Bulungana u Niga tere Iesu Kristo te kolotein e Mak 3:4

Ba nonei e rangata rena u katuun, “A Lo i tarara e ranga nena aha tegi kati ra turu Lan u Göagono? Aragi kato a markato a niga tsi aragi kato a markato a omi? Aragi taguhi a katuun te katsin matena tsi aragi atung hamateien?” Kaba nori ima ranga paliseien.

Matiu 5:43

Be Iesu e ranga lenina me poeiena, “Alimiou u hengo hakapa naiam u raranga te poeiena, ‘Alö go ngilir a man hahikapien i tamölö balö te pakö rem u katuun te paköe riou lö.’

Matiu 10:25

E nigana te kato here mena nei a katunun tsitsilo a peisanen a tson hihatuts i tanen. Na e niga hasina te kato here mena nei a katunun kukui puku a peisanen a katuun pan i tanen. Alia a katuun pan tara pal katuun i tar. Na a palair u katuun e ngö tsipone rilia e Belsebul. Te markato tala uaren teka, ba nori te ngö raroui limiou u katuun u omi koru, taraha alimiou e pala uamiou i tar.”

Aposol 6:7

U raranga tere Sunahan e tasata susul noahas. Na u hihase turu katunun tsitsilo i Jerusalem e para susul koru hamanasa tala, na para koru has a man pris turu Jiu i hengo koru talei u nihamana teka.

Galesia 1:23

Nori i hengo tunin u mar raranga teka, “Nonei a katuun te roron hala raira a nikamits pan koru e hahatei tala nena u nihamana te kato hohomi mameien.”

Epesis 4:28

A katuun a kopkop ega hanöa ban a tou kop bate tanian kuina. Nonei ega kuin a limanen peisa, ba nonei te ka menou a mamanaka bate taguhu hasena a katuun te moana ta ka.

1 Tesalonaika 5:21

Alimiou go areneiam a mamanaka hoboto, bate haka hanigemiou a manka te nigana.

1 Pita 2:5

La uamuma i tanen bate heremi a man hatu a man niga te kuieri a luman lotu. E Sunahan e ngilin kui ranei limiou a töa luman lotu turu namnamei. Alimiou e here rami u pris u niga tere Sunahan bate kui be men tara nitagala turu Namnamei i tanen. U pris e roron haats menari a man haats a man niga tere Sunahan, na e kato has uana iesana, e Sunahan e ngilena alimiou go hala naiam a peisa milimiou i tanen, taraha e Iesu Kristo e mate sil raiou limiou.

1 Pita 4:17

A pöata tega hatanian ona merai e Sunahan u katuun e butu hakapa, na nonei e ona mam ranou u katuun i tanen. Na te hatania nen romana i tarara, ga ime tena mar kapa uanoen romana turu katuun te hipus ner u Bulungana u Niga i tanen?

3 Jon 1:3

Alia u sasaala koru mei temi butu uu a man hahatoulana i tarara te hamana ria tere Iesu, bate hatei rilia te kukute haniga mena milö u raranga u mana.

3 Jon 1:10

Na pöata temi tuku goua lia i tamilimiou ba lia te hatei nagou a man markato te katoe nen. Te tuts sil mera neien lam, na tema lu mera neien a man hahatoulana i tarara i tanen, na te hapiou has mena neien tegi lu meraien a palair u katuun. Na te tsuga mera neien u katuun te hamana ria tere Iesu.

2 Korin 2:8

Na lia e ranga hatagala koru meragou limiou go haröto poutse mien temar ngil mena mien limiou.