Galesia 5:6 - U Bulunagana U Niga

⁶ Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Galesia 5:6 Referans Kwoze

Galesia 6:15

Te hapö menari a hatöatongo tere Sunahan i pikpiköna katuun na tema hapö hasneia a katuun, e here hoboto talenei a manka palapala. A ka puku lasi te panina, te kato hatsimus merai ra e Sunahan.

1 Korin 7:19

Taraha, u hapö na tema hapö uamilö a ka tetenei koru. A ka lasi te pan koruna, tegi hengo haniga menai ra u raranga tere Sunahan.

1 Tesalonaika 1:3

Pöata te singo mialam tere Tamarara e Sunahan, alam ema mala solopalemi te hamana haniga uami limiou na te kato haniga has uami limiou. Na lam ema solopala hasemi te ngil mera milimiou a palair u katuun bate taguhu ramen. Na te hamana hatagala uami limiou tena la pouts nama romana e Iesu Kristo a Tsunono i tarara.

Galesia 3:28

Na te katuun uami limiou tere Kristo, e möa lel ta toun Grik na ta Jiu, na ta katunun kukui puku na ta katuun tegoma kukui puku ii, na ta tson na ta tahol. Alimiou hoboto te hamana mia tere Iesu Kristo e here talemi a töa katuun.

2 Korin 5:14

E Kristo e ngil koru ranoura, nonei a ka teka te hakui ranou lam. Taraha, alam e atei silem e Kristo e mate silir u katuun hoboto. Na ka teka e poeiena u katuun hoboto i mate hakapa.

1 Pita 1:8

Noahasina alimiou ema tare mien, kaba limiou e ngile men. Na tema tara noahas memien limiou i romana, kaba limiou e hamana mia i tanen. Ba limiou te sasaala memiou a nisasaala a kapan koru te pan bala nena u raranga te torohanan hatei nanen.

Kolosi 3:11

Na tara markato a tsimus teka, e möa lel ta toun Jiu na e möa lel ta katuun tega hapö. Na e Sunahan ema hakats has ranei eresi u katuun halhal na eresi u katunur i gusuna latu na u katuun te hakhakui puku raier na u katuun te tuol peisa naier a peisaren. E möa. I romana e Kristo te panina na nonei e kana iahar u katuun hoboto i tanen.

Hibru 11:8

Te hamana menai e Abraham e Sunahan me hengoena te ngö menaien tega la uaien tara han tena hala nanouen, temar ranga uu e Sunahan. Be Abraham e laba nena han i tanen, kaba nonei ema atei sile ii ime tega la uaien.

1 Korin 13:13

A topisa a ka teka te ka nitöana: a markato te hamana uaier tere Sunahan, na markato te hamana sil menari a manka man niga, na markato te hiangilngil uaier. Kaba markato te hiangilngil uaier te pan saluhena.

Galesia 3:26

Na te hamana mia limiou tere Iesu Kristo, ba limiou te katuun hoboto uamou tere Sunahan.

Epesis 6:23

E Sunahan e Tamarara na e Iesu Kristo a Tsunono e tatei hala nariou a masalohana na u ngilngil hamana i tamilimiou hoboto te hamana mia tere Iesu, bate taguhu has rariou limiou tego hamana haniga uaiam limiou.

Kolosi 1:4

Taraha, alam i hengoen te hamana hatagalan töa uami limiou tere Iesu Kristo na te ngil koru mera milimiou u katuun hoboto tere Sunahan.

U Bulungana u Niga tere Iesu Kristo te kolotein e Luk 7:5

Taraha? Nonei e ngil koru rena u katuun i tarara na han i tarara na nonei e kui hasi a luman lotu i tamulam.”