Galesia 5:13 - U Bulunagana U Niga

¹³ Kaba alimiou a matsi hahatoulana, e Sunahan e ngö sil rai limiou tego hapolasa ba mena milimiou a Lo. Kaba u raranga teka ema ranga nanei alimiou go pekoeiam a Lo bate kukute lase miou u ngilngilina i puta. E möa. Kaba e Sunahan e hapurese sil rai limiou tego hiangilngil uaiam limiou bate hiatagtaguhu miou.

Galesia 5:13 Referans Kwoze

1 Pita 2:16

Alimiou go markato uaiam turu katuun ti hapurese. Alimiou goma kato silemi tego kato homi uaiam limiou. E möa. Alimiou e kato silemiou tego katunun kui uaiam limiou tere Sunahan.

1 Korin 9:19

Alia ema katunun kukui puku uagi ta töa ta katuun. Kaba lia e kato here nagi a peisar a katunun kukui puku turu katuun hoboto ba lia te tatei lase gou a katuun a parpara bate hamana uaier tara Tsunono.

1 Korin 8:9

Kaba hakats hanigaiam a niatei i tamilimiou ena mots kato homiena a katuun, ba u hakats i tanen tema tagala balanei banonei te rus uana tara markato a omi.

Galesia 5:14

Taraha, u mamana u raranga hoboto tara Lo e kana iahana u töa puku u raranga teka: alö go mar ngil menai a tana katuun temar ngil has mena milö a peisa mölö.

Epesis 5:21

Alimiou go haröto naiam te hapan mena milimiou e Kristo ba limiou te haka putemiou a peisa milimiou.

Galesia 6:2

Te ka mena a töa i tamilimiou a nitiama pan, ba limiou te taguhe men. Ba markato teka te haröto nanou alimiou e hengo hanigemiou u raranga tere Kristo.

U pas te kolotein e Jut 1:4

Taraha, a palair u katuun u omi i mous ma i gusu milimiou. U mar katuun teka i tus merai turu mar nihahuna te ka noua turu kout tere Sunahan, ba nori tena tia riou, ti mar ranga uu propet tere Sunahan. Nori e roron paliseier u raranga u niga tere Sunahan bate katoerien u rarangana tara markato a omi. U katuun teka e roron tori tsuga naier a töa puku a Tsunono i tarara, e Iesu Kristo.

2 Pita 2:19

U tson hihatuts teka e roron ranga meraier u katuun egi kukute raien batema tatei karia tara kits kap, kaba nori pouts has te kits kap gono meri a peisa ren a markato a omi i taren. Taraha, a katuun e ron kits silena a saha ka te roron mammam nanen.

2 Korin 4:5

Alam ema habulungana nami a peisamulam. E möa. Alam e habulungana nem e Iesu Kristo nonei a Tsunono, na lam u katunun kui i tamilimiou e ka silem nonei e Iesu.

Aposol 20:35

Tara mamana toukui i tar, alia u haröto railimiou tegi mar kui hatagala uu ra teka, bara te tatei taguhu raier u katuun u pinolasa. Aragi hakatsin u raranga te kato e Iesu a Tsunono me poeiena, ‘A nisasaala tara katuun te hala nena a manka tara tana katuun e pan bala nena a nisasaala tara katuun te luna tara tana katuun.’”

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

U Bulungana u Niga tere Iesu Kristo te kolotein e Luk 4:18

“U Namnamei tara Tsunono e kana i tar. Nonei e hopö kap naiou lia tego hahatei menai lia u Bulungana u Niga turu katuun ti möa ta ka. Nonei e hala namou lia tegomi habulungana menai lia u mar raranga teka: U katuun ti kitsir ena purese rariou, na u katuun u kiou e tatei tara pouts riou. Nonei e hala namou lia tegomi taguhu merai lia u katuun te tori tiamar. Taraha? Nori e pita puta rer.

Galesia 4:22

I koloto naia turu Buku u Göagono, e Abraham e kamei a huol a pien tson. E Hega a taholun kukui puku i tanen e posei a töa, na e Sara a tahol hamatskö i tanen e posei a tabi.

1 Tesalonaika 1:3

Pöata te singo mialam tere Tamarara e Sunahan, alam ema mala solopalemi te hamana haniga uami limiou na te kato haniga has uami limiou. Na lam ema solopala hasemi te ngil mera milimiou a palair u katuun bate taguhu ramen. Na te hamana hatagala uami limiou tena la pouts nama romana e Iesu Kristo a Tsunono i tarara.

2 Korin 12:15

Alia e sasaala megou te hala mena gilia u moni na peisar hoboto i tamilimiou bate taguhu ranou limiou. Alia e ngil koru ragou limiou, kaba, nonei toum te kato ranou limiou balimiou tema ngil balemi lia?

2 Korin 3:17

A Tsunono nonei u Namnamei. Na te kana u Namnamei tara Tsunono tara katuun, nonei ema ka lel neia i manasa.

Galesia 2:4

Kaba palair u katuun tima kristen ii hasohaleia a peisaren turu katuun u kristen. Nori emi katsin tari ta saha ka tego katoi lam u katuun tere Iesu Kristo. E Iesu nonei te purese ba raialam tara Lo turu Jiu, kaba u katuun teka i ngilin hakits pouts len raiou lam.

Galesia 5:1

E Kristo e purese ba raia ra tara Lo turu Jiu. Na limiou go tagala tala iam batema katunun kukui puku lel uami tara Lo turu Jiu.

2 Korin 2:8

Na lia e ranga hatagala koru meragou limiou go haröto poutse mien temar ngil mena mien limiou.